ਸਾਲ 2019 'ਚ ਇਨ੍ਹਾਂ ਬਾਲੀਵੁੱਡ ਸਿਤਾਰਿਆਂ ਨੇ ਲਏ 'ਸੱਤ ਫੇਰੇ'
12/26/2019 10:46:38 AM
ਮੁੰਬਈ(ਬਿਊਰੋ)— ਇਸ ਸਾਲ ਕਈ ਬਾਲੀਵੁੱਡ ਸਿਤਾਰੇ ਵਿਆਹ ਦੇ ਬੰਧਨ 'ਚ ਬੱਝੇ ਹਨ। ਇਨ੍ਹਾਂ ਸਿਤਾਰਿਆਂ 'ਚੋਂ ਕਿਸੇ ਦਾ ਵਿਆਹ ਲਗਾਤਾਰ ਸੁਰਖੀਆਂ 'ਚ ਰਿਹਾ ਅਤੇ ਕਿਸੇ ਨੇ ਚੁੱਪਚਾਪ ਤਰੀਕੇ ਨਾਲ ਪ੍ਰਾਈਵੇਟ ਵਿਆਹ ਕਰਵਾਇਆ। ਅੱਜ ਅਸੀਂ ਤੁਹਾਨੂੰ ਬਾਲੀਵੁੱਡ ਇੰਡਸਟਰੀ ਦੇ ਉਨ੍ਹਾਂ ਸਿਤਾਰਿਆਂ ਬਾਰੇ ਹੀ ਦੱਸਣ ਜਾ ਰਹੇ ਹਾਂ ਜਿਨ੍ਹਾਂ ਨੇ 2019 'ਚ ਵਿਆਹ ਕਰਵਾਇਆ।
ਪ੍ਰਤੀਕ ਬੱਬਰ ਤੇ ਸਾਨੀਆ ਸਾਗਰ
ਪ੍ਰਤੀਕ ਬੱਬਰ ਨੇ ਇਸ ਸਾਲ 23 ਜਨਵਰੀ ਨੂੰ ਆਪਣੀ ਗਰਲਫਰੈਂਡ ਸਾਨੀਆ ਸਾਗਰ ਨਾਲ ਵਿਆਹ ਕੀਤਾ। ਦੋਵਾਂ ਨੇ ਪਰਿਵਾਰਕ ਮੈਂਬਰਾਂ ਤੇ ਕੁਝ ਕਰੀਬੀਆਂ ਰਿਸ਼ਤੇਦਾਰਾਂ ਤੇ ਦੋਸਤਾਂ ਦੀ ਮੌਜੂਦਗੀ 'ਚ ਸੱਤ ਫੇਰੇ ਲਏ ਸਨ।
ਪੂਜਾ ਬੱਤਰਾ ਤੇ ਨਵਾਬ ਸ਼ਾਹ
ਬਾਲੀਵੁੱਡ ਵਿਚ ਇਸ ਸਾਲ ਦੀ ਸਭ ਤੋਂ ਚਰਚਿਤ ਵਿਆਹਾਂ ’ਚੋਂ ਇਕ ਪੂਜਾ ਬੱਤਰਾ ਤੇ ਨਵਾਬ ਸ਼ਾਹ ਦਾ ਵਿਆਹ ਸੀ। ਦੋਵਾਂ ਨੇ ਚੁੱਪਚਾਪ ਤਰੀਕੇ ਨਾਲ ਪ੍ਰਾਈਵੇਟ ਵਿਆਹ ਕਰਵਾਇਆ ਪਰ ਬਾਅਦ ਵਿਚ ਜਦੋਂ ਪੂਜਾ ਨੇ ਆਪਣੇ ਸੋਸ਼ਲ ਅਕਾਊਂਟ ’ਤੇ ਇਕ ਤਸਵੀਰ ਸ਼ੇਅਰ ਕੀਤੀ ਤਾਂ ਸਨਸਨੀ ਫੈਲ ਗਈ। ਜੋੜੇ ਨੇ 4 ਜੁਲਾਈ ਨੂੰ ਵਿਆਹ ਕਰਵਾਇਆ ਸੀ, ਜਿਸ ਦਾ ਖੁਲਾਸਾ ਪੂਜਾ ਨੇ ਖੁੱਦ ਕੀਤਾ।
ਆਰਤੀ ਛਾਬੜੀਆ ਤੇ ਵਿਸ਼ਾਰਦ ਬੀੜੇਸੀ
‘ਲੱਜਾ’,‘ਆਵਾਰਾ ਪਾਗਲ ਦੀਵਾਨਾ’ ਵਰਗੀਆਂ ਕਈ ਫਿਲਮਾਂ ’ਚ ਨਜ਼ਰ ਆ ਚੁੱਕੀ ਆਰਤੀ ਛਾਬੜੀਆ ਵੀ ਵਿਆਹ ਦੇ ਬੰਧਨ ’ਚ ਬੱਝ ਚੁੱਕੀ ਹੈ। ਆਰਤੀ ਨੇ ਜੂਨ ਵਿਚ ਵਿਸ਼ਾਰਦ ਨਾਲ ਚੁੱਪਚਾਪ ਤਰੀਕੇ ਨਾਲ ਪ੍ਰਾਈਵੇਟ ਵਿਆਹ ਕਰਵਾਇਆ ਸੀ। ਇਸ ਵਿਆਹ ਦੀ ਜਾਣਕਾਰੀ ਉਦੋ ਸਾਹਮਣੇ ਆਈ ਜਦੋਂ ਆਰਤੀ ਨੇ ਵਿਆਹ ਦੀਆਂ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ।
ਨੀਤੀ ਮੋਹਨ ਤੇ ਨਿਹਾਰ ਪਾਂਡਿਆ
ਬਾਲੀਵੁੱਡ ਸਿੰਗਰ ਨੀਤੀ ਮੋਹਨ ਨੇ 15 ਫਰਵਰੀ ਨੂੰ ਬੁਆਏਫਰੈਂਡ ਨਿਹਾਰ ਪਾਂਡਿਆ ਨਾਲ ਵਿਆਹ ਕੀਤਾ ਸੀ। ਵਿਆਹ ਤੋਂ ਬਾਅਦ ਇਸ ਜੋੜੇ ਦੀਆਂ ਤਸਵੀਰਾਂ ਇੰਟਰਨੈੱਟ ’ਤੇ ਖੂਬ ਛਾਈਆਂ ਸਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
