5600 ਰੁਪਏ ਦੇ ਬਿੱਲ ਨਾਲ ਐਕਟਰ ਨੇ ਦਿੱਤੀ 1.40 ਲੱਖ ਰੁਪਏ ਦੀ ਟਿਪ, ਤਸਵੀਰ ਵਾਇਰਲ
1/5/2020 2:16:30 PM
ਨਿਊਯਾਰਕ(ਬਿਊਰੋ) : ਤੁਸੀਂ ਅਕਸਰ ਦੇਖਿਆ ਹੋਵੇਗਾ ਕਿ ਸਿਤਾਰੇ ਚੈਰਿਟੀ ਕਰਦੇ ਰਹਿੰਦੇ ਹਨ। ਕਈ ਵਾਰ ਆਪਣੀ ਚੈਰਿਟੀ ਨੂੰ ਲੈ ਕੇ ਉਹ ਸੁਰਖੀਆਂ 'ਚ ਵੀ ਛਾ ਜਾਂਦੇ ਹਨ ਪਰ ਫਿਲਹਾਲ ਇਕ ਹਾਲੀਵੁੱਡ ਅਦਾਕਾਰ ਹੋਟਲ 'ਚ ਬਿੱਲ ਨਾਲ ਦਿੱਤੀ ਗਈ ਟਿਪ ਕਾਰਨ ਸੁਰਖੀਆ ਵਿਚ ਹੈ। ਉਂਝ ਤਾਂ ਹੋਟਲ 'ਚ ਟਿਪ ਦੇਣੀ ਆਮ ਗੱਲ ਹੈ ਪਰ ਹਾਲੀਵੁੱਡ ਅਦਾਕਾਰ ਤੇ ਸਿੰਗਰ ਡੌਨੀ ਵਾਲਬਰਗ ਨੇ ਜੋ ਟਿਪ ਦਿੱਤੀ ਹੈ, ਉਹ ਹੈਰਾਨ ਕਰਨ ਵਾਲੀ ਹੈ। ਦਰਅਸਲ, ਡੌਨੀ ਵਾਲਬਰਗ ਨੇ ਨਿਊ ਈਅਰ 'ਤੇ ਰੈਟਸੋਰੈਂਟ ਦੀ ਵੇਟ੍ਰੈੱਸ ਨੂੰ ਬਿੱਲ ਨਾਲ ਮੋਟੀ ਟਿਪ ਦੇ ਦਿੱਤੀ, ਜੋ ਸੋਸ਼ਲ ਮੀਡੀਆ 'ਤੇ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ।
. @DonnieWahlberg starting 2020 off like the amazing man he is. #ihop #2020tipchallenge
— Jenny McC-Wahlberg (@JennyMcCarthy) January 1, 2020
🥰 pic.twitter.com/AjAEN0hqL6
ਇਸ ਦੇ ਨਾਲ ਹੀ ਉਹ ਬਿੱਲ ਵੀ ਵਾਇਰਲ ਹੋ ਰਿਹਾ ਹੈ, ਜਿਸ ਦੇ ਨਾਲ ਐਕਟਰ ਨੇ ਟਿਪ ਦਿੱਤੀ ਹੈ ਤੇ ਆਪਣਾ ਮੈਸੇਜ ਲਿਖਿਆ ਹੈ। ਤੁਹਾਨੂੰ ਜਾਣ ਕੇ ਹੈਰਾਨੀ ਹੋਵੇਗੀ ਪਰ ਇਹ ਗੱਲ ਸੱਚ ਹੈ ਕਿ ਡੌਨੀ ਨੇ ਨਿਊ ਈਅਰ 'ਤੇ ਇਕ ਰੈਸਟੋਰੈਂਟ 'ਚ ਕਰਬ 5600 ਰੁਪਏ ਕੀਮਤ ਵਾਲੇ ਬਿੱਲ ਨਾਲ 1.40 ਲੱਖ ਰੁਪਏ ਟਿਪ ਵਜੋਂ ਦੇ ਦਿੱਤੇ। ਉਨ੍ਹਾਂ ਨੇ ਟਿਪ ਦਿੰਦੇ ਹੋਏ ਬਿੱਲ 'ਤੇ ਇਕ ਮੈਸੇਜ ਲਿਖਿਆ ਤੇ ਇਸ ਨੂੰ 2020 ਦਾ ਟਿਪ ਚੈਲੇਂਜ ਦੱਸਿਆ ਹੈ। ਉਨ੍ਹਾਂ ਤੇ ਉਨ੍ਹਾਂ ਦੀ ਪਤਨੀ ਜੇਨੀ ਨੇ ਮਿਸ਼ੀਗਨ ਸਥਿਤ ਇਕ ਰੈਸਟੋਰੈਂਟ 'ਚ ਖਾਣਾ ਖਾਧਾ ਸੀ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ