ਜਾਮੀਆ ਹਿੰਸਾ ਨੂੰ ਲੈ ਕੇ ਗੁੱਸੇ ''ਚ ਫਿਲਮੀ ਸਿਤਾਰੇ, ਕੀਤੇ ਇਹ ਟਵੀਟ

ਨਵੀਂ ਦਿੱਲੀ (ਬਿਊਰੋ) — ਨਾਗਰਿਕਤਾ ਸੋਧ ਕਾਨੂੰਨ ਨੂੰ ਲੈ ਕੇ ਦੇਸ਼ ਦੇ ਕਈ ਹਿੱਸਿਆਂ 'ਚ ਭਾਰੀ ਹਿੰਸਕ ਪ੍ਰਦਰਸ਼ਨ ਹੋ ਰਿਹਾ ਹੈ। ਦਿੱਲੀ ਦੇ ਜਾਮੀਆ ਮਿਲਲੀਆ ਇਸਲਾਮੀਆ ਯੂਨੀਵਰਸਿਟੀ 'ਚ ਵੀ ਵਿਦਿਆਰਥੀ ਵੀ ਕਾਨੂੰਨ ਦੇ ਖਿਲਾਫ ਹਨ। ਉਤਰ ਪ੍ਰਦੇਸ਼ ਦੇ ਅਲੀਗੜ੍ਹ ਮੁਸਲਿਮ ਯੂਨੀਵਰਸਿਟੀ 'ਚ ਹੋਈ ਹਿੰਸਾ 'ਚ ਤਿੰਨ ਵਿਦਿਆਰਥੀ ਜ਼ਖਮੀ ਹੋਏ ਹਨ। ਪੁਲਸ ਨੇ ਵਿਦਿਆਰਥੀਆਂ 'ਤੇ ਲਾਠੀ ਚਾਰਜ ਵੀ ਕੀਤਾ। ਬਾਲੀਵੁੱਡ ਦੀਆਂ ਕਈ ਹਸਤੀਆਂ ਨੇ ਜਿਥੇ ਇਨ੍ਹਾਂ ਵਿਦਿਆਰਥੀਆਂ ਦਾ ਸਮਰਥਨ ਕੀਤਾ ਤਾਂ ਉਥੇ ਹੀ ਕੁਝ ਵਿਰੋਧ ਵੀ ਕਰ ਰਹੇ ਹਨ।

ਨਿਰਦੇਸ਼ਕ ਵਿਵੇਕ ਅਗਨੀਹੋਤਰੀ ਨੇ ਟਵੀਟ ਕਰਕੇ ਲਿਖਿਆ, ''ਜਿਹੜੇ ਲੋਕ ਇਸ ਬਿੱਲ ਦਾ ਵਿਰੋਧ ਕਰ ਰਹੇ ਹਨ ਕਿ ਉਨ੍ਹਾਂ 'ਚੋਂ ਕਿਸੇ ਨੂੰ ਪਤਾ ਹੈ ਕਿ ਆਖਿਰ ਇਹ ਹੈ ਕੀ? ਤੁਹਾਨੂੰ ਕੀ ਲੱਗਦਾ ਹੈ ਕਿ ਵਿਰੋਧ ਕਰਨ ਵਾਲੇ ਤੇ ਖੁਦ ਨੂੰ ਬੁੱਧੀਜੀਵੀ ਕਹਿਣ ਵਾਲਿਆਂ ਨੇ ਇਸ ਬਿੱਲ ਨੂੰ ਵਿਸਥਾਰ ਨਾਲ ਪੜ੍ਹਿਆ ਹੋਵੇਗਾ?''

Have you met anyone who knows exactly what #CAB2019 stands for?

Do you think these protesters and their intellectual supporters have read the bill in detail?

— Vivek Ranjan Agnihotri (@vivekagnihotri) December 16, 2019

ਅਦਾਕਾਰਾ ਕੋਂਕਣਾ ਸੇਨ ਸ਼ਰਮਾ ਨੇ ਲਿਖਿਆ, ''ਅਸੀਂ ਵਿਦਿਆਰਥੀਆਂ ਦੇ ਨਾਲ ਹਾਂ। ਦਿੱਲੀ ਪੁਲਸ ਤੁਸੀਂ ਸ਼ਰਮ ਕਰੋ।''

We are with the students! Shame on you @DelhiPolice

— Konkona Sensharma (@konkonas) December 15, 2019

ਤਾਪਸੀ ਪਨੂੰ ਨੇ ਵਿਦਿਆਰਥੀਆਂ ਦਾ ਇਕ ਵੀਡੀਓ ਸ਼ੇਅਰ ਕਰਦੇ ਹੋਏ ਲਿਖਿਆ, ''ਹੈਰਾਨੀਜਨਕ ਹੈ ਕਿ ਇਹ ਸ਼ੁਰੂਆਤ ਹੈ ਜਾਂ ਅੰਤ। ਜੋ ਵੀ ਹੈ ਪਰ ਨਵੇਂ ਨਿਯਮ ਲਿਖੇ ਜਾ ਰਹੇ ਹਨ। ਜੇਕਰ ਕੋਈ ਇਨ੍ਹਾਂ 'ਚ ਫਿੱਟ ਨਹੀਂ ਹੈ ਤਾਂ ਨਤੀਜਾ ਤੁਹਾਡੇ ਸਾਹਮਣੇ ਹੈ। ਇਹ ਵੀਡੀਓ ਦੇਖ ਕੇ ਦਿਲ ਟੁੱਟ ਜਾਂਦਾ ਹੈ।''

Wonder if this is a start or the end. Whatever it is, this is surely writing new rules of the land and those who don’t fit in can very well see the consequences.
This video breaks heart n hopes all together. Irreversible damage,and I’m not talking about just the life n property https://t.co/QGaZYpDCR6

— taapsee pannu (@taapsee) December 16, 2019

ਅਦਾਕਾਰਾ ਰਿੱਚਾ ਚੱਢਾ ਨੇ ਟਵੀਟ ਕਰਦੇ ਹੋਏ ਲਿਖਿਆ, ''ਇਹ ਦੁਖਦਾਇਕ ਹੈ। ਕੀ ਕਿਸੇ ਦੇਸ਼ 'ਚ ਇਹ ਨੌਰਮਲ (ਆਮ) ਹੈ? ਇਸ ਫੋਰਸ ਦੀ ਕੀ ਲੋੜ ਹੈ? ਸਟੂਟੈਂਸ ਦੇ ਲਾਇਬ੍ਰੇਰੀ ਅੰਦਰ ਹੰਝੂ ਗੈਸ ਦੇ ਗੋਲੇ ਕੌਣ ਛੱਡ ਰਿਹਾ ਹੈ?''

This is heartbreaking... In which civilized country is this normal ? Why such excessive force ? Who tear gases students studying inside a library? Nothing justifies this. https://t.co/fK2kX17Qqg

— TheRichaChadha (@RichaChadha) December 16, 2019

ਦੱਸਣਯੋਗ ਹੈ ਕਿ ਜਾਮੀਆ ਮਿਲਲੀਆ ਇਸਲਾਮੀਆ ਯੂਨੀਵਰਸਿਟੀ ਦੇ ਵਿਦਿਆਰਥੀਆਂ ਵਲੋਂ ਕਾਨੂੰਨ ਦੇ ਵਿਰੋਧ ਦਾ ਮਾਮਲੇ ਨੂੰ ਲੈ ਕੇ ਐਤਵਾਰ ਦੀ ਸ਼ਾਮ ਨੂੰ ਜਾਮੀਆ ਨਾਲ ਲੱਗਦੇ ਇਲਾਕੇ 'ਚ ਡੀ. ਟੀ. ਸੀ. ਦੀਆਂ 3 ਬੱਸਾਂ ਨੂੰ ਅੱਗ ਲਾ ਦਿੱਤੀ ਗਈ, ਜਿਸ ਤੋਂ ਬਾਅਦ ਦੇਸ਼ ਦੀ ਰਾਜਧਾਨੀ ਇਕ ਵਾਰ ਫਿਰ ਹਿੰਸਕ ਪ੍ਰਦਰਸ਼ਨਾਂ ਕਾਰਨ ਦਹਿਲ ਉਠੀ। ਜਾਮੀਆ ਦੇ ਵਿਦਿਆਰਥੀਆਂ ਦਾ ਦੋਸ਼ ਹੈ ਕਿ ਪੁਲਸ ਨੇ ਯੂਨੀਵਰਸਿਟੀ ਕੈਂਪਸ 'ਚ ਦਾਖਲ ਹੋ ਕੇ ਕੁੱਟਮਾਰ ਕੀਤੀ। ਝਾਰਖੰਡ ਦੀ ਰਹਿਣ ਵਾਲੀ ਇਕ ਵਿਦਿਆਰਥਣ ਮੀਡੀਆ ਦੇ ਸਾਹਮਣੇ ਆਈ ਅਤੇ ਉਸ ਨੇ ਰੋਂਦੇ ਹੋਏ ਹੱਡਬੀਤੀ ਸੁਣਾਈ।