''ਪਦਮਾਵਤੀ'' ਲਈ ਨਹੀਂ, ਹਿੰਦੂ-ਮੁਸਲਿਮ ਫਸਾਦ ਲਈ ਲਟਕਾਈ ਗਈ ਨਾਹਰਗੜ ਕਿਲੇ ''ਚ ਲਾਸ਼
11/25/2017 10:36:04 AM
ਨਵੀਂ ਦਿੱਲੀ(ਬਿਊਰੋ)— ਜੈਪੁਰ ਦੇ ਨਾਹਰਗੜ ਕਿਲੇ ਦੀ ਦੀਵਾਰ 'ਤੇ ਬੀਤੇ ਸ਼ੁੱਕਰਵਾਰ ਸਵੇਰੇ 40 ਸਾਲਾ ਚੇਤਨ ਸੈਨੀ ਦੀ ਲਾਸ਼ ਲਟਕੀ ਮਿਲੀ। ਸ਼ੁਰੂਆਤ 'ਚ ਕਿਲੇ ਦੀ ਦੀਵਾਰ 'ਤੇ ਕੋਇਲੇ ਨਾਲ ਲਿਖੀਆਂ ਗੱਲਾਂ ਨੂੰ ਦੇਖ ਕੇ ਮੀਡੀਆ ਨੇ ਇਹ ਖਬਰ ਦੱਸੀ ਕਿ ਚੇਤਨ ਨੇ ਆਤਮ ਹੱਤਿਆ ਕੀਤੀ ਹੈ ਪਰ ਜਿਸ ਜਗ੍ਹਾ 'ਤੇ ਲਾਸ਼ ਮਿਲੀ ਉਥੇ ਕਿਲੇ ਦੀਆਂ ਚਟਾਨਾਂ-ਪੱਥਰਾਂ 'ਤੇ ਕੁਝ ਅਜਿਹੀਆਂ ਭੜਕਾਊ ਗੱਲਾਂ ਵੀ ਲਿਖੀਆਂ ਹੋਈਆਂ ਹਨ।
ਜੋ ਇਸ ਗੱਲ ਵੱਲ ਇਸ਼ਾਰਾ ਕਰਦੀਆਂ ਹਨ ਕਿ ਇਹ ਸੁਸਾਈਡ ਨਹੀਂ ਸਗੋਂ ਕਤਲ ਸੀ। ਮੀਡੀਆ ਦੀ ਸ਼ੁਰੂਆਤੀ ਖਬਰਾਂ 'ਚ ਇਹੀ ਦਿਖਾਇਆ ਗਿਆ ਕਿ ਚੇਤਨ ਨੇ ਰਾਜਸਥਾਨ ਤੇ ਦੇਸ਼ਭਰ 'ਚ ਚਲ ਰਹੇ ਸੰਜੇ ਲੀਲਾ ਭੰਸਾਲੀ ਦੀ ਫਿਲਮ 'ਪਦਮਾਵਤੀ' ਦੇ ਵਿਰੋਧ 'ਚ ਸੁਸਾਈਡ ਕੀਤੀ ਹੈ, ਕਿਉਂਕਿ ਕੋਇਲੇ ਨਾਲ ਲਿਖੀਆਂ ਗੱਲਾਂ 'ਚ ਫਿਲਮ 'ਪਦਮਾਵਤੀ' ਦਾ ਜ਼ਿਕਰ ਸੀ।
ਹਾਲਾਂਕਿ ਜਦੋਂ ਇਸ ਗੱਲ ਦੀ ਕਰੀਬ ਨਾਲ ਜਾਂਚ ਪੜਤਾਲ ਕੀਤੀ ਗਈ ਤਾਂ ਮਾਮਲਾ ਕੁਝ ਹੋਰ ਹੀ ਨਜ਼ਰ ਆਇਆ। ਕਿਲੇ ਦੀਆਂ ਚਟਾਨਾਂ 'ਤੇ ਲਿਖੀਆਂ ਗੱਲਾਂ ਫਿਲਮ ਲਈ ਨਹੀਂ ਸਗੋਂ ਫਿਲਮ ਦਾ ਵਿਰੋਧ ਕਰ ਰਹੇ ਲੋਕਾਂ ਦੇ ਖਿਲਾਫ ਸੀ।
ਸੂਤਰਾਂ ਨੇ ਜਦੋਂ ਇਸ ਗੱਲ ਨੂੰ ਹਾਈਲਾਈਟ ਕੀਤਾ, ਜਿਸ 'ਚ ਕਿਲੇ ਦੀਆਂ ਚਟਾਨਾਂ 'ਤੇ ਲਿਖਿਆ ਦੇਖਿਆ ਗਿਆ ਕਿ, ''ਅਸੀਂ ਸਿਰਫ ਪੁਤਲੇ ਨਹੀਂ ਲਟਕਾਉਂਦੇ ਪਦਮਾਵਤੀ''। ਇਸ ਲਿਖਾਵਟ ਤੋਂ ਪਹਿਲਾਂ ਇਹ ਸੰਦੇਸ਼ ਦਿੱਤਾ ਗਿਆ ਕਿ ਚੇਤਨ ਨੇ ਆਤਮ ਹੱਤਿਆ ਕੀਤੀ ਹੈ ਪਰ ਕਿਲੇ ਦੀ ਚਟਾਨ 'ਤੇ ਲਿਖੀ ਇਹ ਗੱਲ ਅਧੂਰੀ ਸੀ। ਇਸ ਤੋਂ ਇਲਾਵਾ 10 ਹੋਰ ਚਟਾਨਾਂ 'ਤੇ ਵੀ ਇਸੇ ਤਰ੍ਹਾਂ ਦੀਆਂ ਗੱਲਾਂ ਲਿਖੀਆਂ ਮਿਲੀਆਂ।
ਇਕ ਚਟਾਨ 'ਤੇ 'ਪਦਮਾਵਤੀ' ਫਿਲਮ ਦਾ ਵਿਰੋਧ ਕਰ ਰਹੇ ਲੋਕਾਂ 'ਤੇ ਤੰਜ ਕੱਸਦੇ ਹੋਏ ਲਿਖਿਆ ਹੈ, ''ਪਦਮਾਵਤੀ ਦਾ ਵਿਰੋਧ ਕਰਨ ਵਾਲੇ, ਅਸੀਂ ਸਿਰਫ ਪੁਤਲੇ ਨਹੀਂ ਲਟਕਾਉਂਦੇ।'' ਇਹ ਸਾਫ-ਸਾਫ ਉਨ੍ਹਾਂ ਲੋਕਾਂ 'ਤੇ ਤੰਜ ਸੀ, ਜੋ ਫਿਲਮ ਦੇ ਵਿਰੋਧ 'ਚ ਪੁਤਲੇ ਸਾੜ ਰਹੇ ਹਨ। ਖਾਸ ਕਰਕੇ ਸ਼੍ਰੀ ਰਾਜਪੂਤ ਕਰਨੀ ਸੈਨਾ।
ਇਸ ਤੋਂ ਇਲਾਵਾ ਚਟਾਨਾਂ 'ਤੇ 3 ਅਜਿਹੇ ਮੈਸੇਜ ਲਿਖੇ ਹਨ, ਜਿਨ੍ਹਾਂ 'ਚ ਕਾਫਿਰ ਸ਼ਬਦ ਆਉਂਦਾ ਹੈ। ਦੋ 'ਚ ਅੱਲਾਹ ਲਿਖਿਆ ਹੋਇਆ ਹੈ ਪਰ ਇਸ 'ਚ 'ਹ' ਅੱਖਰ ਗਾਇਬ ਹੈ। ਸਾਰੇ ਮੈਸੇਜ ਪੜ੍ਹਨ 'ਤੇ ਇਹ ਨਤੀਜਾ ਨਿਕਲਦਾ ਹੈ ਕਿ ਇਹ ਆਤਮ ਹੱਤਿਆ ਦਾ ਨਹੀਂ ਸਗੋਂ ਹੱਤਿਆ ਦਾ ਮਾਮਲਾ ਹੈ। ਕਤਲ ਪਿੱਛੇ ਇਕ ਸੋਚੀ ਸਮਝੀ ਸਾਜਿਸ਼ ਸੀ ਤਾਂਕਿ ਮੁੱਦੇ ਨੂੰ ਹਿੰਦੂ ਬਨਾਮ ਮੁਸਲਮਾਨ ਬਣਾਇਆ ਦਾ ਸਕੇ ਤੇ ਫਸਾਦ ਕਰਵਾਇਆ ਜਾ ਸਕੇ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ