IIFA 2020: ਮੱਧ ਪ੍ਰਦੇਸ਼ ਪਹੁੰਚੇ ਸਲਮਾਨ ਖਾਨ ਤੇ ਜੈਕਲੀਨ ਫਰਨਾਂਡੀਜ਼, ਦੇਖੋ ਤਸਵੀਰਾਂ
2/4/2020 12:46:09 PM
ਮੁੰਬਈ(ਬਿਊਰੋ)- ਬਾਲੀਵੁੱਡ ਸੁਪਸਟਾਰ ਸਲਮਾਨ ਖਾਨ ਅਤੇ ਜੈਕਲੀਨ ਫਰਨਾਂਡੀਜ਼ IIFA ਐਵਾਰਡ ਦੀ ਪ੍ਰੈੱਸ ਕਾਂਫਰੈਂਸ ਲਈ ਮੱਧ ਪ੍ਰਦੇਸ਼ ਪਹੁੰਚੇ ਹੋਏ ਹਨ। ਇਸ ਦੇ ਨਾਲ ਹੀ ਸਲਮਾਨ ਖਾਨ ਤੇ ਜੈਕਲੀਨ ਦੀ ਇਕ ਝਲਕ ਪਾਉਣ ਲਈ ਭਾਰੀ ਗਿਣਤੀ ਵਿਚ ਫੈਨਜ਼ ਪਹੁੰਚੇ ਹੋਏ ਸਨ।
ਫੈਨਜ਼ ਨੇ ਸਲਮਾਨ ਦਾ ਬਿਲਕੁੱਲ ਵੱਖਰੇ ਅੰਦਾਜ਼ ਵਿਚ ਇੱਥੇ ਸਵਾਗਤ ਕੀਤਾ। ਇਸ ਦੌਰਾਨ ਸਲਮਾਨ ਨੇ ਆਪਣੇ ਫੈਨਜ਼ ਦਾ ਧੰਨਵਾਦ ਅਦਾ ਕੀਤਾ।
ਇਸ ਦੌਰਾਨ ‘ਕਿੱਕ’ ਮੂਵੀ ਦੇ ਕੋ-ਸਟਾਰ IIFA ਐਵਾਰਡ 2020 ਦੀ ਪ੍ਰੈੱਸ ਕਾਂਫਰੈਂਸ ਲਈ ਇੱਥੇ ਪਹੁੰਚੇ ਸਨ। ਦੋਵਾਂ ਦੇ ਨਾਲ ਮੱਧ ਪ੍ਰਦੇਸ਼ ਦੇ ਸੀਐੱਮ ਕਮਲਨਾਥ ਵੀ ਰੰਗ-ਮੰਚ ’ਤੇ ਮੌਜੂਦ ਸਨ।
ਇਹ ਪਰੋਗ੍ਰਾਮ ਇੰਦੌਰ ਵਿਚ ਹੋਇਆ ਸੀ। ਸਲਮਾਨ ਖਾਨ ਲਈ ਇੰਦੌਰ ਬਹੁਤ ਖਾਸ ਵੀ ਹੈ ਕਿਉਂਕਿ ਇੱਥੇ ਸਲਮਾਨ ਖਾਨ ਦਾ ਜਨਮ ਵੀ ਹੋਇਆ ਹੈ।
ਦੱਸ ਦੇਈਏ ਕਿ ਸਲਮਾਨ ਖਾਨ ਇਸ ਸਾਲ ਹੋਣ ਵਾਲੇ IIFA ਐਵਾਰਡ ਨੂੰ ਹੋਸਟ ਕਰਨਗੇ। ਐਵਾਰਡ ਨਾਈਟ ਨੂੰ ਸਲਮਾਨ ਖਾਨ ਨਾਲ ਰਿਤੇਸ਼ ਦੇਸ਼ਮੁਖ ਹੋਸਟ ਕਰਨਗੇ। ਦੋਵਾਂ ਦੀ ਹੋਸਟਿੰਗ ਦੇਖਣ ਲਈ ਦਰਸ਼ਕ ਕਾਫੀ ਉਤਸ਼ਾਹਿਤ ਹਨ।
ਐਵਾਰਡ ਸੈਰੇਮਨੀ ਵਿਚ ਜੈਕਲੀਨ ਅਤੇ ਕੈਟਰੀਨਾ ਕੈਫ ਦੀ ਸ਼ਾਨਦਾਰ ਪ੍ਰਫੋਰਮੈਂਸ ਵੀ ਹੋਵੇਗੀ। ਦੋਵੇਂ ਬੇਹੱਦ ਸ਼ਾਨਦਾਰ ਡਾਂਸ ਵੀ ਕਰਦੀਆਂ ਹਨ।
ਮੱਧ ਪ੍ਰਦੇਸ਼ ਦੇ ਮੁੱਖਮੰਤਰੀ ਕਮਲਨਾਥ ਨੂੰ IIFA ਦਾ ਪਹਿਲਾ ਟਿਕਟ ਦਿੱਤਾ ਗਿਆ ਹੈ। ਕਮਲਨਾਥ ਦੇ ਨਾਲ ਰੰਗ-ਮੰਚ ’ਤੇ ਸਲਮਾਨ ਨੇ ਕੁੱਝ ਹੱਸੀ ਮਜ਼ਾਕ ਵੀ ਕੀਤਾ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ