ਹਿੰਦੂ-ਮੁਸਲਿਮ ''ਤੇ AIMIM ਦੇ ਵਿਧਾਇਕ ਦਾ ਭੜਕਾਊ ਬਿਆਨ, ਸਵਰਾ ਭਾਸਕਰ ਨੇ ਪਾਈ ਇੰਝ ਝਾੜ

ਮੁੰਬਈ (ਬਿਊਰੋ) — ਬਾਲੀਵੁੱਡ ਅਦਾਕਾਰਾ ਸਵਰਾ ਭਾਸਕਰ ਫਿਲਮਾਂ ਤੋਂ ਇਲਾਵਾ ਸੋਸ਼ਲ ਮੀਡੀਆ 'ਤੇ ਵੀ ਕਾਫੀ ਸਰਗਰਮ ਰਹਿੰਦੀ ਹੈ। ਉਹ ਅਕਸਰ ਹੀ ਸਮਾਜਿਕ ਤੇ ਰਾਜਨੀਤਿਕ ਮੁੱਦਿਆਂ 'ਤੇ ਆਪਣੀ ਪ੍ਰਤੀਕਿਰਿਆ ਦਿੰਦੀ ਰਹਿੰਦੀ ਹੈ। ਇਸ ਵਾਰ ਸਵਰਾ ਨੇ ਏ. ਆਈ. ਐੱਮ. ਆਈ. ਐੱਮ. ਨੇਤਾ ਤੇ ਮਹਾਰਾਸ਼ਟਰ ਦੇ ਵਿਧਾਇਕ ਵਾਰਿਸ ਪਠਾਨ ਦੇ ਬਿਆਨ ਦੀ ਆਲੋਚਨਾ ਕੀਤੀ ਹੈ। ਵਾਰਿਸ ਪਠਾਨ ਨੇ ਕਰਨਾਟਕ ਦੇ ਗੁਲਬਰਗ 'ਚ ਹੋਈ ਇਕ ਰੈਲੀ ਦੌਰਾਨ ਹਿੰਦੂ-ਮੁਸਲਮਾਨ ਦਾ ਮੁੱਦਾ ਚੁੱਕਦੇ ਹੋਏ ਭੜਕਾਊ ਬਿਆਨ ਦਿੱਤਾ ਹੈ।

#WATCH AIMIM leader Waris Pathan: ...They tell us that we've kept our women in the front - only the lionesses have come out&you're already sweating. You can understand what would happen if all of us come together. 15 cr hain magar 100 ke upar bhaari hain, ye yaad rakh lena.(15.2) pic.twitter.com/KO8kqHm6Kg

— ANI (@ANI) February 20, 2020

ਵਾਰਿਸ ਪਠਾਨ ਨੇ ਜਿਹੜਾ ਬਿਆਨ ਦਿੱਤਾ ਹੈ, ਉਸ ਨੂੰ ਲੈ ਕੇ ਹੁਣ ਕਾਫੀ ਵਿਵਾਦ ਹੋ ਰਿਹਾ ਹੈ। ਪਠਾਨ ਨੇ ਕਿਹਾ, ''ਉਹ ਕਹਿੰਦੇ ਹਨ ਕਿ ਅਸੀਂ ਆਪਣੀਆਂ ਮਹਿਲਾਵਾਂ ਨੂੰ ਸਾਹਮਣੇ ਰੱਖਿਆ ਹੈ, ਹਾਲੇ ਤਾਂ ਸਿਰਫ ਸ਼ੇਰਨੀਆਂ ਬਾਹਰ ਆਈਆਂ ਹਨ ਤੇ ਤੁਸੀਂ ਪਸੀਨੋ-ਪਸੀਨੀ ਹੋਣ ਲੱਗੇ। ਉਦੋ ਕੀ ਹੋਵੇਗਾ ਜਦੋਂ ਅਸੀਂ ਸਾਰੇ ਇਕੱਠੇ ਹੋ ਜਾਵਾਂਗੇ। 15 ਕਰੋੜ ਹਨ ਪਰ 100 'ਤੇ ਵੀ ਭਾਰੀ ਹਨ, ਇਹ ਯਾਦ ਰੱਖਣਾ। ਵਾਰਿਸ ਪਠਾਨ ਦੇ ਇਸ ਬਿਆਨ 'ਤੇ ਸਵਰਾ ਨੇ ਕਿਹਾ, ''ਬੈਠ ਜਾਓ ਚਚਾ, ਜੇਕਰ ਤੁਸੀਂ ਕੁਝ ਫਾਇਦੇਮੰਦ (ਚੰਗਾ) ਨਹੀਂ  ਕਹਿ ਸਕਦੇ ਤਾਂ ਕੁਝ ਵੀ ਨਾ ਬੋਲੋ। ਬਕਵਾਸ, ਗੈਰ ਜ਼ਿੰਮੇਦਾਰ ਤੇ ਬੇਹੱਦ ਨਿੰਦਾਯੋਗ ਬਿਆਨ। ਅਜਿਹੇ ਬਿਆਨ ਸਿਰਫ ਅੰਦੋਲਨ ਨੂੰ ਨੁਕਸਾਨ ਹੀ ਪਹੁੰਚਾਉਣਗੇ।''

बैठ जाओ चचा! 🙄🙄🙄🙄 If you cannot say something helpful don’t say it at all! Stupid, irresponsible and highly condemnable statement !!! Such talks only harm the movement! #shame https://t.co/sIsxLMSkZZ

— Swara Bhasker (@ReallySwara) February 20, 2020

ਸਵਰਾ ਭਾਸਕਰ ਦੇ ਇਸ ਟਵੀਟ 'ਤੇ ਸੋਸ਼ਲ ਮੀਡੀਆ ਯੂਜਰਸ  ਵੀ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਉਥੇ ਹੀ ਦੱਸਿਆ ਜਾ ਰਿਹਾ ਹੈ ਕਿ ਵਾਰਿਸ ਪਠਾਨ ਨੇ ਆਪਣਾ ਭੜਕਾਊ ਬਿਆਨ ਏ. ਆਈ. ਐੱਮ. ਆਈ. ਐੱਮ ਪ੍ਰਮੁੱਖ ਅਸਾਊਦੀਨ ਓਵੈਸੀ ਦੀ ਮੌਜੂਦਗੀ 'ਚ ਹੀ ਦਿੱਤਾ। ਬਿਆਨ 'ਤੇ ਵਿਵਾਦ ਹੋਣ ਤੋਂ ਬਾਅਦ ਪਠਾਨ ਨੇ ਇਸ 'ਤੇ ਸਫਾਈ ਦਿੰਦੇ ਹੋਏ ਕਿਹਾ, ''ਵਾਰਿਸ ਪਠਾਨ ਦੇਸ਼ ਜਾਂ ਕਿਸੇ ਧਰਮ ਖਿਲਾਫ ਬਿਆਨ ਦੇਣ ਵਾਲਾ ਆਖਰੀ ਇਨਸਾਨ ਹੋਵੇਗਾ। ਮੇਰੇ ਬਿਆਨ ਨੂੰ ਤੋੜਿਆ-ਮਰੋੜਿਆ ਗਿਆ ਹੈ। ਮੈਂ ਮੁਆਫੀ ਨਹੀਂ ਮੰਗਾਂਗਾ। ਭਾਜਪਾ ਲੋਕਾਂ ਨੂੰ ਵੰਡਣ ਦੀ ਕੋਸ਼ਿਸ਼ ਕਰ ਰਹੀ ਹੈ।