ਗੁਰਦੁਆਰਾ ਬੰਗਲਾ ਸਾਹਿਬ ਵਿਖੇ ਨਤਮਸਤਕ ਹੋਏ ਵਰੁਣ ਧਵਨ ਤੇ ਸ਼ਰਧਾ ਕਪੂਰ
1/23/2020 10:26:07 AM
ਮੁੰਬਈ(ਬਿਊਰੋ)- ਵਰੁਣ ਧਵਨ, ਸ਼ਰਧਾ ਕਪੂਰ, ਪ੍ਰਭੂ ਦੇਵਾ ਅਤੇ ਨੋਰਾ ਫਤੇਹੀ ਅਭਿਨੀਤ ਡਾਂਸਿਗ ਫਿਲਮ ‘ਸਟ੍ਰੀਟ ਡਾਂਸਰ 3ਡੀ’ ਸਿਨੇਮਾਘਰਾਂ ਵਿਚ ਦਸਤਕ ਦੇਣ ਲਈ ਤਿਆਰ ਹੈ। ਇਸ ਫਿਲਮ ਨੂੰ ਭਾਰਤੀ ਸਿਨੇਮਾ ਜਗਤ ਦੀ ਸਭ ਤੋਂ ਵੱਡੀ 3ਡੀ ਡਾਂਸ ਫਿਲਮ ਦੱਸਿਆ ਜਾ ਰਿਹਾ ਹੈ। 24 ਜਨਵਰੀ 2020 ਨੂੰ ਰਿਲੀਜ਼ ਹੋਣ ਜਾ ਰਹੀ ਇਸ ਫਿਲਮ ਵਲੋਂ ਦਰਸ਼ਕਾਂ ਨੂੰ ਕਾਫੀ ਉਮੀਂਦਾਂ ਹਨ। ਫਿਲਮ ਰਿਲੀਜ਼ ਹੋਣ ਤੋਂ ਪਹਿਲਾਂ ਵਰੁਣ ਧਵਨ-ਸ਼ਰਧਾ ਕਪੂਰ ਨੂੰ ਦਿੱਲੀ ਦੇ ਗੁਰਦੁਆਰਾ ਸ੍ਰੀ ਬੰਗਲਾ ਸਾਹਿਬ ਵਿਚ ਦੇਖਿਆ ਗਿਆ। ਜਿੱਥੇ ਉਨ੍ਹਾਂ ਦੀ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਖੂਬ ਵਾਇਰਲ ਹੋ ਰਹੀਆਂ ਹਨ।
ਦਰਅਸਲ, ਫਿਲਮ ਦੇ ਰਿਲੀਜ਼ ਵਿਚ ਸਿਰਫ 24 ਘੰਟੇ ਬਾਕੀ ਹਨ। ਅਜਿਹੇ ਵਿਚ ਵਰੁਣ ਧਵਨ-ਸ਼ਰਧਾ ਕਪੂਰ ਫਿਲਮ ਨੂੰ ਹਿੱਟ ਬਣਾਉਣ ਲਈ ਕੋਈ ਵੀ ਕਸਰ ਨਹੀਂ ਛੱਡ ਰਹੇ ਹਨ। ਅਜਿਹੇ ਵਿਚ ਇਹ ਦੋਵੇਂ ਆਪਣੀ ਸਟ੍ਰੀਟ ਡਾਂਸਰ ਟੀਮ ਨਾਲ ਫਿਲਮ ਪ੍ਰਮੋਸ਼ਨ ਲਈ ਦਿੱਲੀ ਆਏ। ਇਸ ਦੌਰਾਨ ਦੋਵਾਂ ਨੇ ਟੀਮ ਨਾਲ ਗੁਰਦੁਆਰਾ ਸ੍ਰੀ ਬੰਗਲਾ ਸਾਹਿਬ ਪਹੁੰਚ ਕੇ ਫਿਲਮ ਦੇ ਸਫਲ ਹੋਣ ਦੀ ਪ੍ਰਾਥਨਾ ਵੀ ਕੀਤੀ। ਦੋਵਾਂ ਨੇ ਗੁਰਦੁਆਰਾ ਬੰਗਲਾ ਸਾਹਿਬ ਵਿਚ ਕੁੱਝ ਸਮਾਂ ਬਿਤਾਇਆ ਅਤੇ ਮੱਥਾ ਟੇਕਣ ਤੋਂ ਬਾਅਦ ਦੋਵਾਂ ਸਿਤਾਰਿਆਂ ਨੇ ਗੁਰੁਦਵਾਰੇ ਵਿਚ ਸੇਵਾ ਵੀ ਕੀਤੀ।
ਦੱਸ ਦੇਈਏ ਕਿ ‘ਸਟ੍ਰੀਟ ਡਾਂਸਰ 3ਡੀ’ ਨੂੰ ਯੂ / ਏ ਸਰਟੀਫਿਕੇਟ ਮਿਲਿਆ ਹੈ। ਇਹ ਇਕ ਸਾਫ਼-ਸੁੱਥਰੀ ਫਿਲਮ ਹੈ, ਜਿਸ ਨੂੰ ਯੂਥ ਦੇ ਨਾਲ-ਨਾਲ ਪਰਿਵਾਰਿਕ ਮੈਂਬਰ ਵੀ ਇੰਜੁਆਏ ਕਰ ਸਕਣਗੇ। ਫਿਲਮ ਵਿਚ ਫਨ, ਐਕਸ਼ਨ, ਡਾਂਸ ਅਤੇ ਇਮੋਸ਼ਨ ਦੇ ਨਾਲ ਹੀ ਨਾਲ ਦੇਸ਼ਭਗਤੀ ਵੀ ਦੇਖਣ ਨੂੰ ਮਿਲੇਗੀ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
