ਹੰਸ ਰਾਜ ਹੰਸ ਦੇ ਦਫਤਰ ਦੇ ਬਾਹਰ ਫਾਇਰਿੰਗ ਕਰਨ ਵਾਲਾ ਰੈਸਲਿੰਗ ਕੋਚ ਗ੍ਰਿਫਤਾਰ

ਨਵੀਂ ਦਿੱਲੀ (ਬਿਊਰੋ) — ਮਸ਼ਹੂਰ ਪੰਜਾਬੀ ਗਾਇਕ ਤੇ ਦਿੱਲੀ ਭਾਜਪਾ ਸੰਸਦ ਮੈਂਬਰ ਹੰਸ ਰਾਜ ਹੰਸ ਦੇ ਰੋਹਿਣੀ ਸਥਿਤ ਆਫਿਸ ਦੇ ਬਾਹਰ ਇਕ ਕਾਲਜ ਦੇ ਰੈਸਲਿੰਗ ਕੋਚ ਨੇ ਗੋਲੀ ਚਲਾ ਦਿੱਤੀ। ਵਾਰਦਾਤ ਤੋਂ ਬਾਅਦ ਮੁਲਜ਼ਮ ਨੇ 2 ਗੋਲੀਆਂ ਹਵਾ ਵਿਚ ਵੀ ਚਲਾਈਆਂ ਅਤੇ ਕਾਰ ਰਾਹੀਂ ਫਰਾਰ ਹੋ ਗਿਆ। ਹਾਲਾਂਕਿ ਵਾਰਦਾਤ ਸਮੇਂ ਆਫਿਸ ਬੰਦ ਸੀ। ਇਹ ਜਾਣਕਾਰੀ ਡੀ. ਸੀ. ਪੀ. (ਰੋਹਣੀ) ਐੱਸ. ਡੀ. ਮਿਸ਼ਰਾ ਨੇ ਦਿੱਤੀ ਹੈ।

#WATCH Delhi: A 51-year-old, Rameshwar Pehalwan fired 2 shots outside the office of BJP MP Hans Raj Hans in Rohini, today. He was arrested later. A case has been registered under section 336 and 427 of the Indian Penal Code (IPC). pic.twitter.com/SJfBLnOWzK

— ANI (@ANI) November 4, 2019

ਦੱਸ ਦਈਏ ਕਿ ਪੁਲਸ ਨੇ ਵਾਰਦਾਤ ਨੂੰ ਅੰਜਾਮ ਦੇਣ ਵਾਲੇ ਮੁਲਜ਼ਮ ਰਾਮੇਸ਼ਵਰ ਪਹਿਲਵਾਨ (51) ਨੂੰ ਕੁਝ ਹੀ ਘੰਟਿਆਂ ਬਾਅਦ ਗ੍ਰਿਫਤਾਰ ਕਰ ਲਿਆ, ਜੋ ਕਿ ਕਾਫੀ ਨਸ਼ੇ ਵਿਚ ਸੀ। ਉਹ ਬਵਾਨਾ ਦਾ ਰਹਿਣ ਵਾਲਾ ਹੈ। ਪੁਲਸ ਨੇ ਮੁਲਜ਼ਮ ਦੇ ਕਬਜ਼ੇ ਵਿਚੋਂ ਵਾਰਦਾਤ ਵਿਚ ਇਸਤੇਮਾਲ ਕਾਰ, ਲਾਇਸੈਂਸੀ ਪਿਸਤੌਲ ਅਤੇ ਕਾਰਤੂਸ ਜ਼ਬਤ ਕਰ ਲਏ ਹਨ।