ਸਾਲਾਂ ਬਾਅਦ ਕੰਗਨਾ ਰਣੌਤ ਦੀ ਭੈਣ ਨੇ ਖੋਲ੍ਹਿਆ ਰਾਜ਼, ਦੱਸਿਆ ਮੂੰਹ 'ਤੇ ਤੇਜ਼ਾਬ ਸੁੱਟਣ ਵਾਲੇ ਸ਼ਖਸ ਦਾ ਨਾਂ

ਮੁੰਬਈ (ਬਿਊਰੋ) — ਬਾਲੀਵੁੱਡ ਅਦਾਕਾਰਾ ਦੀਪਿਕਾ ਪਾਦੂਕੋਣ ਇਨ੍ਹੀਂ ਦਿਨੀਂ ਆਪਣੀ ਆਉਣ ਵਾਲੀ ਫਿਲਮ 'ਛਪਾਕ' ਨੂੰ ਲੈ ਕੇ ਸੁਰਖੀਆਂ 'ਚ ਹੈ। ਇਸ ਫਿਲਮ ਨੂੰ ਲੈ ਕੇ ਉਠ ਰਹੇ ਵਿਵਾਦਾਂ ਨੂੰ ਇਕ ਪਾਸੇ ਰੱਖ ਦਿਓ ਤੇ ਗੱਲ ਕਰੋ ਇਸ ਫਿਲਮ ਦੀ ਸਟੋਰੀ ਦੀ ਤਾਂ ਇਹ ਇਕ ਰਿਅਲ ਲਾਈਫ ਐਸਿਡ ਅਟੈਕ ਸਰਵਾਈਵਰ ਲਕਸ਼ਮੀ ਅਗਰਵਾਲ ਦੇ ਜਜ਼ਬੇ ਦੀ ਗੱਲ ਕਰਦੀ ਹੈ। ਇਸ ਫਿਲਮ ਨੂੰ ਹਰ ਪਾਸੇ ਤਾਰੀਫਾਂ ਮਿਲ ਰਹੀਆਂ ਹਨ। ਇਸੇ ਦੌਰਾਨ ਕੰਗਨਾ ਰਣੌਤ ਦੀ ਭੈਣ ਰੰਗੋਲੀ ਚੰਦੇਲ ਨੇ ਵੀ ਸਾਲਾਂ ਪਹਿਲੇ ਆਪਣੇ ਨਾਲ ਹੋਏ ਭਿਆਨਕ ਐਸਿਡ ਅਟੈਕ ਬਾਰੇ ਗੱਲਬਾਤ ਕੀਤੀ। ਉਨ੍ਹਾਂ ਨੇ ਦੱਸਿਆ ਕਿ ਕਿਵੇਂ ਉਸ 'ਤੇ ਇਕ ਸਿਰਫਿਰੇ ਨੇ ਐਸਿਡ ਹਮਲਾ ਕੀਤਾ ਸੀ।

ਰੰਗੋਲੀ ਚੰਦੇਲ ਨੇ ਟਵਿਟਰ 'ਤੇ ਆਪਣੀ ਇਕ ਫਾਲੋਅਰ ਨੂੰ ਜਵਾਬ ਦਿੰਦੇ ਹੋਏ ਦੱਸਿਆ, ''ਮੇਰੇ 'ਤੇ ਐਸਿਡ ਅਟੈਕ ਕਰਵਾਉਣ ਵਾਲੇ ਸ਼ਖਸ ਦਾ ਨਾਂ ਅਵਿਨਾਸ਼ ਸ਼ਰਮਾ ਹੈ, ਮੈਂ ਉਨ੍ਹੀਂ ਦਿਨੀਂ ਕਾਲਜ 'ਚ ਸੀ। ਜਦੋਂ ਇਕ ਲੜਕੇ ਨੇ ਮੈਨੂੰ ਪ੍ਰੋਪਜ਼ ਕੀਤਾ ਸੀ। ਮੈਂ ਉਸ ਲਈ ਕਿਸੇ ਤਰ੍ਹਾਂ ਦੀ ਕੋਈ ਫੀਲਿੰਗ ਨਹੀਂ ਰੱਖਦੀ ਸੀ, ਇਸ ਲਈ ਮੈਂ ਉਸ ਨੂੰ ਨਜ਼ਰਅੰਦਾਜ਼ ਕਰਨਾ ਸ਼ੁਰੂ ਕਰ ਦਿੱਤਾ ਸੀ ਪਰ ਉਹ ਸਾਰਿਆਂ ਨੂੰ ਕਹਿੰਦਾ ਫਿਰਦਾ ਸੀ ਕਿ ਉਹ ਇਕ ਦਿਨ ਮੇਰੇ ਨਾਲ ਵਿਆਹ ਕਰੇਗੀ।''

Hi Arzita, my attacker’s name is Avinash Sharma, he was in the same college as me, we were in the same friend circle, he proposed to me I started keeping distance I didn’t share same feelings, he would tell people some day he will merry me...(contd) https://t.co/Z7TMTUIwuz

— Rangoli Chandel (@Rangoli_A) January 8, 2020

ਰੰਗੋਲੀ ਨੇ ਅੱਗੇ ਕਿਹਾ, ''ਜਦੋਂ ਮੇਰੇ ਮਾਤਾ-ਪਿਤਾ ਨੇ ਇਕ ਏਅਰਫੋਰਸ ਅਫਸਰ ਨਾਲ ਮੇਰੀ ਮੰਗਣੀ ਕਰਵਾ ਦਿੱਤੀ ਤਾਂ ਉਹ ਮੇਰੇ ਨਾਲ ਵਿਆਹ ਕਰਵਾਉਣ ਦੀ ਜਿੰਦ 'ਤੇ ਅੜ ਗਿਆ। ਮੈਂ ਉਸ ਦਾ ਵਿਰੋਧ ਕੀਤਾ ਤਾਂ ਉਸ ਨੇ ਮੇਰੇ 'ਤੇ ਤੇਜ਼ਾਬ ਸੁੱਟਣ ਦੀ ਧਮਕੀ ਦਿੱਤੀ। ਮੈਂ ਇਨ੍ਹਾਂ ਧਮਕੀਆਂ 'ਤੇ ਧਿਆਨ ਨਹੀਂ ਦਿੱਤਾ ਅਤੇ ਨਾ ਹੀ ਮੈਂ ਇਸ ਬਾਰੇ ਘਰ ਮਾਤਾ-ਪਿਤਾ ਨੂੰ ਦੱਸਿਆ। ਇਸ ਤੋਂ ਇਲਾਵਾ ਮੈਂ ਇਸ ਬਾਰੇ ਪੁਲਸ 'ਚ ਵੀ ਕੋਈ ਸ਼ਿਕਾਇਤ ਨਹੀਂ ਕੀਤੀ। ਸ਼ਾਇਦ ਇਹ ਮੇਰੀ ਸਭ ਤੋਂ ਵੱਡੀ ਗਲਤੀ ਸੀ।'' ਇਸ ਤੋਂ ਇਲਾਵਾ ਰੰਗੋਲੀ ਨੇ ਕਿਹਾ, ''ਮੈਂ ਇਕ ਪੀਜੀ 'ਚ ਚਾਰ ਲੜਕੀਆਂ ਨਾਲ ਰਹਿੰਦੀ ਸੀ। ਇਕ ਦਿਨ ਇਕ ਲੜਕਾ ਆਇਆ ਤੇ ਮੇਰੇ ਬਾਰੇ ਪੁੱਛਣ ਲੱਗਾ। ਮੇਰੀ ਦੋਸਤ ਨੇ ਦੱਸਿਆ ਕਿ ਕੋਈ ਤੇਰੇ ਬਾਰੇ ਪੁੱਛ ਰਿਹਾ ਹੈ। ਮੈਂ ਦਰਵਾਜ਼ਾ ਖੋਲ੍ਹਿਆ ਤਾਂ ਉਹ ਇਕ ਭਰੇ ਹੋਏ ਜੱਗ ਨੂੰ ਲੈ ਕੇ ਖੜ੍ਹਾ ਸੀ ਤੇ ਇਕ ਸੈਕਿੰਡ 'ਚ ਹੀ 'ਛਪਾਕ'...।''

(Contd)..when my parents got me engaged to an Air Force officer he became very persistent about marrying me when I retaliated he threatened me to throw acid on me,I brushed such threats aside & never told my parents or went to cops this was the biggest mistake of my life..(contd)

— Rangoli Chandel (@Rangoli_A) January 8, 2020

ਦੱਸਣਯੋਗ ਹੈ ਕਿ ਰੰਗੋਲੀ ਸਾਲਾਂ ਪਹਿਲਾਂ ਐਸਿਡ ਅਟੈਕ ਦਾ ਅਸਹਿਨਸ਼ੀਲ ਦਰਦ ਝੱਲ ਚੁੱਕੀ ਹੈ। ਉਸ ਨੇ ਕੁਝ ਸਮੇਂ ਪਹਿਲਾਂ ਹੀ ਆਪਣੇ ਨਾਲ ਹੋਈ ਇਸ ਘਟਨਾ ਬਾਰੇ ਦੱਸਿਆ ਸੀ। ਇਸ ਘਟਨਾ ਨੂੰ ਯਾਦ ਕਰਕੇ ਅੱਜ ਵੀ ਰੰਗੋਲੀ ਸਹਿਮ ਜਾਂਦੀ ਹੈ। ਉਸ ਦੌਰਾਨ ਉਸ ਦਾ ਚਿਹੜਾ ਬੁਰੀ ਤਰ੍ਹਾਂ ਝੁਲਸ ਗਿਆ ਸੀ।

(Contd)... I was sharing PG house with four girls, a young stranger came asking for me my friend vijaya said someone asking for you I opened the door, he was carrying a jug full of ....and just than in one second CHAPPAK....

— Rangoli Chandel (@Rangoli_A) January 8, 2020