ਅਕਸ਼ੇ ਕੁਮਾਰ ਦੀ ਇਕਲੌਤੀ ਮਿਊਜ਼ਿਕ ਵੀਡੀਓ ਦੀ ਪਹਿਲੀ ਝਲਕ ਆਈ ਸਾਹਮਣੇ
11/5/2019 3:54:06 PM
ਜਲੰਧਰ (ਬਿਊਰੋ) — ਪ੍ਰਸਿੱਧ ਗੀਤਕਾਰ ਜਾਨੀ ਦੀ ਐਲਬਮ ਦਾ ਗੀਤ 'ਪਛਤਾਓਗੇ' ਦੁਨੀਆ ਭਰ 'ਚ ਬਹੁਤ ਹਿੱਟ ਸਾਬਿਤ ਹੋਇਆ ਹੈ। ਅਰਿਜੀਤ ਸਿੰਘ ਦੀ ਅਵਾਜ਼ ਅਤੇ ਵਿੱਕੀ ਕੌਸ਼ਲ ਨੋਰਾ ਫਤੇਹੀ ਦੇ ਅੰਦਾਜ਼ ਨੇ ਹਰ ਕਿਸੇ ਨੂੰ ਕੀਲ ਕੇ ਰੱਖ ਦਿੱਤਾ ਸੀ। ਹੁਣ ਇਕ ਵਾਰ ਫਿਰ ਅਜਿਹਾ ਹੀ ਹੋਣ ਵਾਲਾ ਹੈ ਕਿਉਂਕਿ ਬੀ ਪਰਾਕ, ਜਾਨੀ ਅਤੇ ਅਰਵਿੰਦਰ ਖਹਿਰਾ ਦੀ ਇਹ ਹਿੱਟ ਗੀਤਾਂ ਦੀ ਤਿੱਕੜੀ ਇਕ ਵਾਰ ਫਿਰ ਵਾਪਸ ਆ ਰਹੀ ਹੈ। ਹਾਲ ਹੀ 'ਚ ਗੀਤ 'ਫਿਲਹਾਲ' ਦਾ ਪੋਸਟਰ ਸਾਹਮਣੇ ਆਇਆ ਹੈ। ਇਸ ਗੀਤ 'ਚ ਬਾਲੀਵੁੱਡ ਦੇ ਐਕਸ਼ਨ ਖਿਲਾੜੀ ਅਕਸ਼ੇ ਕੁਮਾਰ ਅਤੇ ਨੂਪੁਰ ਸੈਨਨ ਫੀਚਰ ਕਰ ਰਹੇ ਹਨ। ਬੀ ਪਰਾਕ ਵੱਲੋਂ ਗਾਏ 'ਫਿਲਹਾਲ' ਨਾਂ ਦੇ ਇਸ ਗੀਤ 'ਚ ਪਹਿਲੀ ਵਾਰ ਅਕਸ਼ੇ ਕੁਮਾਰ ਕਿਸੇ ਮਿਊਜ਼ਿਕ ਵੀਡੀਓ 'ਚ ਨਜ਼ਰ ਆਉਣਗੇ। ਜਾਨੀ ਨੇ ਇਸ ਗੀਤ ਦੇ ਬੋਲ ਲਿਖੇ ਹਨ ਅਤੇ ਕੰਪੋਜ਼ ਵੀ ਕੀਤੇ ਹਨ। ਉੱਥੇ ਹੀ ਅਰਵਿੰਦਰ ਖਹਿਰਾ ਨੇ ਵੀਡੀਓ ਬਣਾਇਆ ਹੈ। ਸੰਗੀਤ ਦੀ ਗੱਲ ਕਰੀਏ ਤਾਂ ਉਹ ਵੀ ਬੀ ਪਰਾਕ ਦਾ ਹੀ ਹੈ।
ਦੱਸ ਦਈਏ ਕਿ ਗੀਤਕਾਰ ਜਾਨੀ ਨੇ ਦਾਅਵਾ ਕੀਤਾ ਹੈ ਕਿ ਇਹ ਗੀਤ ਉਨ੍ਹਾਂ ਦੇ ਅੱਜ ਤੱਕ ਦੇ ਲਿਖੇ ਸਾਰੇ ਗੀਤਾਂ ਤੋਂ ਬਿਹਤਰ ਗੀਤ ਹੈ। ਅਕਸ਼ੇ ਕੁਮਾਰ ਦੇ ਇਸ ਗੀਤ ਲਈ ਹਾਂ ਕਰਨ ਦਾ ਇਹ ਵੀ ਇਕ ਕਾਰਨ ਰਿਹਾ ਹੈ ਕਿਉਂਕਿ ਜਾਨੀ ਦਾ ਇਹ ਸਭ ਤੋਂ ਬਿਹਤਰੀਨ ਗੀਤ ਹੈ। ਉਥੇ ਹੀ ਬੀ ਪਰਾਕ ਦੀ ਦਿਲ ਖਿੱਚਵੀਂ ਅਵਾਜ਼ ਅਤੇ ਦਮਦਾਰ ਸੰਗੀਤ ਗੀਤ ਨੂੰ ਚਾਰ ਚੰਨ ਲਗਾਉਣ ਵਾਲਾ ਹੈ। ਰਿਲੀਜ਼ ਤਰੀਕ ਫਿਲਹਾਲ ਸਾਹਮਣੇ ਨਹੀਂ ਆਈ ਪਰ ਇਹ ਗੀਤ ਬਹੁਤ ਜਲਦ ਦਰਸ਼ਕਾਂ ਦੇ ਰੂ-ਬ-ਰੁ ਹੋਣ ਵਾਲਾ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
