ਗੁੱਸੇ ’ਚ ਲਾਲ ਸਲਮਾਨ ਨੇ ਰਸ਼ਮੀ ਦੇ ਸਾਹਮਣੇ ਖੋਲ੍ਹੀ ਅਰਹਾਨ ਦੇ ਵਿਆਹੇ ਹੋਣ ਦੀ ਪੋਲ
12/8/2019 10:29:43 AM
ਮੁੰਬਈ(ਬਿਊਰੋ)- ਹੁਣ ਬਿੱਗ ਬੌਸ ਵਿਚ ਅਗਲੇ ਵੀਕੈਂਡ ਦੀ ਲੜਾਈ ਆਉਣ ਵਾਲੀ ਹੈ। ਇਸ ਐਪੀਸੋਡ ਵਿਚ ਇਸ ਰਿਐਲਿਟੀ ਸ਼ੋਅ ਦੇ ਹੋਸਟ ਸਲਮਾਨ ਖਾਨ ਦੱਸਣਗੇ ਕਿ ਇਸ ਹਫਤੇ ਬਿੱਗ ਬੌਸ ਦੇ ਘਰ ਵਿਚ ਜੋ ਕੁਝ ਵੀ ਹੋਇਆ ਉਸ ਨੂੰ ਦੇਖ ਕੇ ਉਨ੍ਹਾਂ ਨੂੰ ਕਿਵੇਂ ਲੱਗਾ। ਇਸ ਐਪੀਸੋਡ ਦਾ ਟੀਜ਼ਰ ਵੀ ਆ ਗਿਆ ਹੈ। ਇਸ ਵੀਡੀਓ ਵਿਚ ਦਿਖਾਈ ਰਿਹਾ ਹੈ ਕਿ ਸਲਮਾਨ ਖਾਨ ਘਰਵਾਲਿਆਂ ਦੀ ਜ਼ਬਰਦਸਤ ਕਲਾਸ ਲਗਾ ਰਹੇ ਹਨ। ਅਰਹਾਨ ਖਾਨ 'ਤੇ ਤਾਂ ਉਹ ਬੁਰੀ ਤਰ੍ਹਾਂ ਭੜਕ ਜਾਂਦੇ ਹਨ।
ਸਭ ਦੀ ਕਲਾਸ ਲੈਂਦੇ ਹਨ ਸਲਮਾਨ
ਸਭ ਤੋਂ ਪਹਿਲਾਂ ਸਲਮਾਨ ਖਾਨ ਮੁਕਾਬਲੇਬਾਜ਼ਾਂ ਨੂੰ ਕਹਿੰਦੇ ਹਨ ਕਿ ਕੀ ਉਹ ਟਾਸਕ ਵਿਚ ਭਾਗ ਲੈ ਰਹੇ ਹਨ ਜਾਂ ਇਕ ਦੂਜੇ ਨੂੰ ਸਰੀਰਕ ਤਾਕਤ ਹੀ ਦਿਖਾ ਰਹੇ ਹਨ। ਸਲਮਾਨ ਖਾਨ ਸਾਰੇ ਮੁਕਾਬਲੇਬਾਜ਼ਾਂ ਨੂੰ ਕਹਿੰਦੇ ਹਨ ਕਿ ਉਹ ਗੰਦੀਆਂ ਲੜਾਈਆਂ ਲੜਨ ਪਰ ਯਾਦ ਰੱਖਣ ਕਿ ਇਸ ਤਰ੍ਹਾਂ ਕਰਨ ਨਾਲ ਉਹ ਘਰ ਵਿਚੋਂ ਬਾਹਰ ਨਿਕਲ ਜਾਣਗੇ। ਇਸ ਤੋਂ ਬਾਅਦ ਸਲਮਾਨ ਖਾਨ ਅਰਹਾਨ ਖਾਨ 'ਤੇ ਫੋਕਸ ਹੋ ਜਾਂਦੇ ਹਨ। ਸਲਮਾਨ ਖਾਨ ਕਹਿੰਦੇ ਹਨ ਕਿ ਅਰਹਾਨ ਤੁਹਾਨੂੰ ਬਾਹਰ ਦੀ ਗੱਲ ਘਰ ਵਿਚ ਕਰਨ ਦਾ ਬਹੁਤ ਸ਼ੌਕ ਹੈ ਨਾ। ਫਿਰ ਸਲਮਾਨ ਉਸ ਕੋਲੋਂ ਪੁੱਛਦੇ ਹਨ ਕਿ ਤੁਹਾਡੇ ਘਰ ਵਿਚ ਕੌਣ-ਕੌਣ ਹੈ। ਇਸ ਦੇ ਨਾਲ ਹੀ ਸਲਮਾਨ ਰਸ਼ਮੀ ਦੇਸਾਈ ਨੂੰ ਪੂਰੀ ਗੱਲ ਦੱਸਣ ਲਈ ਕਹਿੰਦੇ ਹਨ।
ਅਰਹਾਨ ਖਾਨ ਦਾ ਜਵਾਬ ਸੁਣ ਭੜਕੇ ਸਲਮਾਨ
ਅਰਹਾਨ ਖਾਨ ਸਲਮਾਨ ਖਾਨ ਨੂੰ ਦੱਸਦੇ ਹਨ ਕਿ ਉਨ੍ਹਾਂ ਦੇ ਘਰ ਵਿਚ ਮਾਤਾ ਪਿਤਾ ਹਨ। ਭੈਣ ਭਰਾ ਹੈ। ਸਲਮਾਨ ਫਿਰ ਅਰਹਾਨ ਨੂੰ ਕਹਿੰਦੇ ਹਨ ਕਿ ਹੋਰ ਕੌਣ ਹੈ ਤੁਹਾਡੇ ਘਰ ਵਿਚ। ਇਸ ਤੋਂ ਬਾਅਦ ਸਲਮਾਨ ਗੁੱਸੇ ਵਿਚ ਆ ਕੇ ਆਪਣੇ ਜੈਕਟ ਉਤਾਰ ਦਿੰਦੇ ਹਨ। ਸਲਮਾਨ ਇਸ ਤੋਂ ਬਾਅਦ ਅਰਹਾਨ ਖਾਨ ਦੇ ਵਿਆਹੇ ਹੋਣ ਅਤੇ ਬੱਚਿਆਂ ਬਾਰੇ ਦੱਸਦੇ ਹਨ। ਇਹ ਸਭ ਸੁਣ ਕੇ ਅਰਹਾਨ ਖਾਨ ਰਸ਼ਮੀ ਨੂੰ ਕੁਝ ਸਮਝਾਉਣ ਦੀ ਕੋਸ਼ਿਸ਼ ਕਰਦੇ ਹਨ। ਦੱਸ ਦੇਈਏ ਕਿ ਅਰਹਾਨ ਖਾਨ ਤੇ ਰਸ਼ਮੀ ਦੇਸਾਈ ਦੀ ਡੇਟਿੰਗ ਦਾ ਰਿਊਮਰ ਹੈ। ਕਿਹਾ ਜਾ ਰਿਹਾ ਹੈ ਕਿ ਦੋਵੇਂ ਇਕ ਦੂਜੇ ਨੂੰ ਕਾਫੀ ਸਮੇਂ ਤੋਂ ਜਾਣਦੇ ਹਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
