ਆਸਿਮ ਨੇ ਹਿਮਾਂਸ਼ੀ ਨੂੰ ਦੇਖ ਕੀਤਾ ਸ਼ਾਹਰੁਖ ਵਾਲਾ ਕੰਮ, ਵਾਇਰਲ ਵੀਡੀਓ
3/19/2020 4:48:37 PM
ਜਲੰਧਰ (ਬਿਊਰੋ) : ਰਿਐਲਿਟੀ ਟੀ. ਵੀ. ਸ਼ੋਅ 'ਬਿੱਗ ਬੌਸ 13' ਦੇ ਫਰਸਟ ਰਨਰਅਪ ਰਹੇ ਆਸਿਮ ਰਿਆਜ਼ ਘਰ ਅੰਦਰ ਤਾਂ ਲਗਾਤਾਰ ਸੁਰਖੀਆਂ ਬਟੋਰਦੇ ਹੀ ਰਹੇ ਪਰ ਘਰ ਤੋਂ ਬਾਹਰ ਆਉਣ ਤੋਂ ਬਾਅਦ ਵੀ ਉਹ ਲਗਾਤਾਰ ਚਰਚਾ ਵਿਚ ਹਨ। ਆਸਿਮ 'ਬਿੱਗ ਬੌਸ 13' ਦੇ ਗ੍ਹਾਂਡ ਫਿਨਾਲੇ ਐਪੀਸੋਡ ਤੱਕ ਪਹੁੰਚੇ ਸਨ ਅਤੇ ਉਨ੍ਹਾਂ ਨੇ ਸਿਧਾਰਥ ਸ਼ੁਕਲਾ ਨੂੰ ਆਖਿਰ ਤੱਕ ਟੱਕਰ ਦਿੱਤੀ ਸੀ। ਬਿੱਗ ਬੌਸ ਹਾਊਸ ਤੋਂ ਬਾਹਰ ਆਉਣ ਤੋਂ ਬਾਅਦ ਆਸਿਮ ਕਦੇ ਸ਼ਾਹਰੁਖ ਖਾਨ ਦੀ ਬੇਟੀ ਨਾਲ ਬਾਲੀਵੁੱਡ ਡੈਬਿਊ ਕਰਨ ਦੀਆਂ ਖਬਰਾਂ ਨੂੰ ਲੈ ਕੇ ਤਾਂ ਕਦੇ ਜੈਕਲੀਨ ਦੇ ਨਾਲ ਮਿਊਜ਼ਿਕ ਵੀਡੀਓ ਨੂੰ ਲੈ ਕੇ ਲਗਾਤਾਰ ਸੁਰਖੀਆਂ ਵਿਚ ਬਣੇ ਰਹੇ। ਬਿੱਗ ਬੌਸ ਹਾਊਸ ਵਿਚ ਆਸਿਮ ਅਤੇ ਹਿਮਾਂਸ਼ੀ ਖੁਰਾਨਾ ਦੀ ਲਵ ਸਟੋਰੀ ਕਾਫੀ ਚਰਚਾ ਵਿਚ ਰਹੀ। ਦੋਵੇਂ ਘਰ ਅੰਦਰ ਇਕ-ਦੂਜੇ ਨੂੰ ਪਿਆਰ ਦਾ ਇਜ਼ਹਾਰ ਕਰਦੇ ਅਤੇ ਖੁੱਲਕੇ ਆਪਣੇ ਰਿਸ਼ਤੇ ਨੂੰ ਸਾਹਮਣੇ ਰੱਖਦੇ ਦਿਸੇ। ਫੈਨਜ਼ ਲਈ ਪੌਜ਼ੀਟਿਵ ਫੈਕਟਰ ਇਹ ਰਿਹਾ ਕਿ ਘਰ ਤੋਂ ਬਾਹਰ ਆਉਣ ਤੋਂ ਬਾਅਦ ਵੀ ਹਿਮਾਂਸ਼ੀ ਅਤੇ ਆਸਿਮ ਦਾ ਰਿਸ਼ਤਾ ਨਹੀਂ ਬਦਲਿਆ। ਦੋਨਾਂ ਵਿਚ ਓਨਾ ਹੀ ਪਿਆਰ ਅਤੇ ਅਫੈਕਸ਼ਨ ਦਿਸਿਆ ਜਿਵੇਂ ਘਰ ਦੇ ਅੰਦਰ ਸੀ। ਹੁਣ ਆਸਿਮ ਅਤੇ ਹਿਮਾਂਸ਼ੀ ਆਪਣੇ ਇਕ ਨਵੇਂ ਵੀਡੀਓ ਦੇ ਚਲਦੇ ਚਰਚਾ ਵਿਚ ਹਨ।
ਇਸ ਵੀਡੀਓ ਵਿੱਚ ਆਸਿਮ ਰਿਜਾਜ਼ ਸ਼ਾਹਰੁਖ ਖਾਨ ਦਾ ਸਿਗਨੇਚਰ ਪੋਜ ਕਰਦੇ ਨਜ਼ਰ ਆ ਰਹੇ ਹਨ। ਵੀਡੀਓ ਵਿੱਚ ਵਖਾਇਆ ਗਿਆ ਹੈ ਕਿ ਆਸਿਮ ਆਪਣੇ ਇੱਕ ਦੋਸਤ ਨਾਲ ਸ਼ਾਹਰੁੱਖ ਦਾ ਸਿਗਨੇਚਰ ਪੋਜ ਸਿੱਖਣ ਦੀ ਕੋਸ਼ਿਸ਼ ਕਰ ਰਹੇ ਹਨ ਪਰ ਕਈ ਵਾਰ ਟਰਾਏ ਕਰਨ ਤੋਂ ਬਾਅਦ ਵੀ ਨਾਕਾਮ ਰਹਿੰਦੇ ਹਨ ਪਰ ਜਦੋਂ ਫਾਇਨਲੀ ਹਿਮਾਂਸ਼ੀ ਉੱਥੋਂ ਗੁਜਰਦੀ ਹੈ ਤਾਂ ਉਨ੍ਹਾਂ ਨੂੰ ਵੇਖ ਕੇ ਉਹ ਇਸ ਪੋਜ ਨੂੰ ਬਹੁਤ ਪ੍ਰਫੈਕਟ ਤਰੀਕੇ ਨਾਲ ਕਰਦੇ ਹਨ।
ਪਤਾ ਹੋਵੇ ਕਿ ਆਮਤੌਰ ਉੱਤੇ ਬਿੱਗ ਬੌਸ ਹਾਊਸ ਵਿੱਚ ਵਿੱਖਣ ਵਾਲਾ ਪਿਆਰ ਅਤੇ ਲਗਾਉ ਘਰ ਤੋਂ ਬਾਹਰ ਆਉਣ ਤੱਕ ਹੀ ਸੀਮਿਤ ਰਹਿੰਦਾ ਹੈ। ਕੰਟੈਸਟੈਂਟ ਕਵਰੇਜ ਵਿੱਚ ਬਣੇ ਰਹਿਣ ਲਈ ਪਿਆਰ ਅਤੇ ਅਟਰੈਕਸ਼ਨ ਦਾ ਡਰਾਮਾ ਕਰਦੇ ਹਨ। ਹਾਲਾਂਕਿ ਹਿਮਾਂਸ਼ੀ ਅਤੇ ਆਸਿਮ ਦੇ ਮਾਮਲੇ ਵਿੱਚ ਚੀਜਾਂ ਥੋੜ੍ਹੀਆਂ ਵੱਖ ਨਜ਼ਰ ਆ ਰਹੀਆਂ ਹਨ। ਇਹੀ ਗੱਲ ਦੋਨਾਂ ਦੇ ਫੈਨਜ਼ ਨੂੰ ਵੀ ਕਾਫ਼ੀ ਪਸੰਦ ਆ ਰਹੀ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
