ਬਿੱਗ ਬੌਸ 13 : ਆਸਿਮ ਰਿਆਜ਼ ਨਾਲ ਪਿਆਰ ਦੀਆਂ ਪੀਂਘਾਂ ਝੂਟਣ ਲੱਗੀ ਹਿਮਾਂਸ਼ੀ ਖੁਰਾਨਾ (ਵੀਡੀਓ)

ਜਲੰਧਰ (ਬਿਊਰੋ) — ਰਿਐਲਿਟੀ ਟੀ. ਵੀ. ਸ਼ੋਅ 'ਬਿੱਗ ਬੌਸ 13' ਦੇ ਘਰ 'ਚ ਲੜਾਈਆਂ ਤੋਂ ਬਾਅਦ ਪਿਆਰ ਦੀ ਬਹਾਰ ਆਈ ਹੋਈ ਹੈ। ਜਿਥੇ ਸੋਮਵਾਰ ਦੇ ਐਪੀਸੋਡ 'ਚ ਸਿਧਾਰਥ ਸ਼ੁਕਲਾ ਤੇ ਰਸ਼ਮੀ ਦੇਸਾਈ ਦੀ ਜੋੜੀ ਨੇ ਰੋਮਾਂਸ ਜਗਾਉਣ ਦੀ ਕੋਸ਼ਿਸ਼ ਕੀਤੀ ਉਥੇ ਹੀ ਹੁਣ ਆਸਿਮ ਰਿਆਜ਼ ਤੇ ਹਿਮਾਂਸ਼ੀ ਖੁਰਾਨਾ 'ਚ ਵੀ ਕੁਝ-ਕੁਝ ਹੋਣ ਲੱਗਾ ਹੈ। ਹਾਲਾਂਕਿ ਸਿਧਾਰਥ-ਰਸ਼ਮੀ ਤੇ ਮਾਹਿਰਾ-ਵਿਸ਼ਾਲ ਦਾ ਰੋਮਾਂਸ ਸਿਰਫ ਟਾਸਕ ਲਈ ਸਾਹਮਣੇ ਆਇਆ ਸੀ, ਜਦੋਂ ਕਿ ਹਿਮਾਂਸ਼ੀ ਤੇ ਆਸਿਮ ਵਿਚਕਾਰ ਅਸਲ 'ਚ ਕੁਝ ਹੋਣ ਲੱਗਾ ਹੈ।

Kya hua hai #AsimRiaz ko #HimanshiKhurana se pyaar? 💕
Jaaniye aaj raat 10:30 baje.

Anytime on @justvoot @vivo_india @beingsalmankhan #BiggBoss13 #BiggBoss #BB13 #SalmanKhan pic.twitter.com/s7im65wkac

— Bigg Boss (@BiggBoss) November 25, 2019

ਆਸਿਮ ਰਿਆਜ਼ ਪਹਿਲਾਂ ਹੀ ਹਿਮਾਂਸ਼ੀ ਲਈ ਆਪਣੀ ਪਸੰਦ ਨੂੰ ਜ਼ਾਹਿਰ ਕਰ ਚੁੱਕਾ ਹੈ ਪਰ ਹਿਮਾਂਸ਼ੀ ਨੇ ਸਾਫ ਕੀਤਾ ਸੀ ਕਿ ਉਸ ਦਾ ਪ੍ਰੇਮੀ ਹੈ ਅਤੇ ਮੈਂ ਅਜਿਹਾ ਕਦੇ ਵੀ ਸੋਚ ਨਹੀਂ ਸਕਦੀ ਪਰ ਹੁਣ ਲੱਗਦਾ ਹੈ ਕਿ ਆਸਿਮ ਦੇ ਮਾਸੂਮ ਪਿਆਰ 'ਤੇ ਹਿਮਾਂਸ਼ੀ ਵੀ ਪਿਘਲਣ ਲੱਗੀ ਹੈ। ਗੀਤ ਗੁਣਗੁਣਾਉਂਦੇ ਹੋਏ ਆਸਿਮ ਨੂੰ ਦੇਖ ਆਰਤੀ ਆਖਦੀ ਹੈ, ''ਤੂੰ ਬਹੁਤ ਲਵਰਬੁਆਏ ਬਣ ਰਿਹਾ ਹੈ ਅੱਜਕਲ।'' ਇਸ 'ਤੇ ਆਸਿਮ ਆਖਦਾ ਹੈ, ''ਉਹ ਇਕ ਸਟੇਜ ਆਉਂਦੀ ਹੈ ਨਾ ਕਿ ਬੰਦਾ ਬਹੁਤ ਸ਼ਾਂਤ ਹੋ ਜਾਂਦਾ ਹੈ, ਜ਼ਿੰਦਗੀ 'ਚ ਉਹ ਹੋ ਰਿਹਾ ਹੈ...।'' ਤਾਂ ਆਰਤੀ ਆਖਦੀ ਹੈ, ''ਕੀ ਤੈਨੂੰ ਹਿਮਾਂਸ਼ੀ ਨਾਲ ਪਿਆਰ ਹੋ ਗਿਆ ਹੈ?'' ਆਰਤੀ ਆਖਦੀ ਹੈ, ''ਤੈਨੂੰ ਸੋਫਟ ਕੁੜੀਆਂ ਪਸੰਦ ਹੈ ਤੇ ਉਹ ਬਹੁਤ ਸੋਫਟ ਹੈ।

ਇਸ ਲਈ ਤੈਨੂੰ ਉਹ ਪਸੰਦ ਆ ਰਹੀ ਹੈ। ਮੈਨੂੰ ਸਭ ਦਿਖਾਈ ਦੇ ਰਿਹਾ ਹੈ।'' ਹਾਲਾਂਕਿ ਆਸਿਮ ਆਰਤੀ ਨੂੰ ਸਮਝਾਉਂਦੇ ਹੋਏ ਨਜ਼ਰ ਆ ਰਿਹਾ ਹੈ ਕਿ ਉਹ ਸਿਰਫ ਹਿਮਾਂਸ਼ੀ ਨੂੰ ਪਸੰਦ ਕਰਦਾ ਹੈ ਤੇ ਉਸ ਦੀ ਪਰਵਾਹ ਕਰਦਾ ਹੈ। ਹੁਣ ਇਹ ਕਿੰਨਾ ਸੱਚ ਹੈ, ਇਹ ਤਾਂ ਆਸਿਮ ਹੀ ਜਾਣਦਾ ਹੈ। ਉਥੇ ਹੀ ਅੱਜ ਦੇ ਐਪੀਸੋਡ 'ਚ ਵੀ ਖੁਦ ਹਿਮਾਂਸ਼ੀ, ਆਸਿਮ ਨਾਲ ਉਸ ਦੀ ਫੀਲਿੰਗਸ ਬਾਰੇ ਪੁੱਛਦੀ ਹੈ।

Kya #AsimRiaz aur #HimanshiKhurana rangne lage hain ek doosre ke pyaar mein? 💑
Dekhiye aaj raat 10:30 baje.

Anytime on @justvoot@vivo_india @AmlaDaburIndia @bharatpeindia @beingsalmankhan #BiggBoss13 #BiggBoss #BB13 #SalmanKhan pic.twitter.com/FZ78z32LAY

— COLORS (@ColorsTV) November 26, 2019

ਦੱਸਣਯੋਗ ਹੈ ਕਿ ਸੋਮਵਾਰ ਦੇ ਐਪੀਸੋਡ 'ਚ 'ਬਿੱਗ ਬੌਸ' ਨੇ ਘਰਵਾਲਿਆਂ ਨੂੰ ਇਕ ਟਾਸਕ ਦਿੱਤਾ, ਜਿਸ 'ਚ ਸਿਧਾਰਥ ਤੇ ਰਸ਼ਮੀ ਨੂੰ ਅਤੇ ਮਾਹਿਰਾ ਤੇ ਵਿਸ਼ਾਲ ਨੂੰ ਰੋਮਾਂਸ ਕਰਨਾ ਸੀ। ਇਹ ਵੀਡੀਓ ਸ਼ਹਿਨਾਜ਼ ਤੇ ਪਾਰਸ ਨੂੰ ਡਾਇਰੈਕਟ ਕਰਨੀਆਂ ਸਨ।