BB13: ਆਰਤੀ ਸਿੰਘ ਦਾ ਖੁਲਾਸਾ, 13 ਸਾਲ ਦੀ ਉਮਰ ’ਚ ਹੋਈ ਸੀ ਜਬਰ-ਜ਼ਨਾਹ ਦੀ ਕੋਸ਼ਿਸ਼
1/12/2020 10:35:11 AM
ਮੁੰਬਈ(ਬਿਊਰੋ)- ‘ਬਿੱਗ ਬੌਸ 13’ ਦੇ ਆਉਣ ਵਾਲੇ ਐਪੀਸੋਡ ਵਿਚ ਮੁਕਾਬਲੇਬਾਜ਼ ਆਰਤੀ ਸਿੰਘ ਨੇ ਇਕ ਦਿਲ ਦਹਿਲਾ ਦੇਣ ਵਾਲਾ ਖੁਲਾਸਾ ਕੀਤਾ। ਉਸ ਨੇ ਦੱਸਿਆ ਕਿ 13 ਸਾਲ ਦੀ ਉਮਰ ਵਿਚ ਉਸ ਨਾਲ ਜਬਰ-ਜ਼ਨਾਹ ਦੀ ਕੋਸ਼ਿਸ਼ ਕੀਤੀ ਗਈ ਸੀ। ਇਹ ਖੁਲਾਸਾ ਆਰਤੀ ਸਿੰਘ ਨੇ ਅਦਾਕਾਰ ਦੀਪਿਕਾ ਪਾਦੁਕੋਣ, ਐਕਟਰ ਵਿਕਰਾਂਤ ਮੈਸੀ ਅਤੇ ਐਸਿਡ ਸਰਵਾਈਵਰ ਲਕਸ਼ਮੀ ਅਗਰਵਾਲ ਦੇ ਸਾਹਮਣੇ ਕੀਤਾ, ਜੋ ਕਿ ਬਿੱਗ ਬੌਸ ਦੇ ਘਰ ਵਿਚ ਫਿਲਮ ‘ਛਪਾਕ’ ਪ੍ਰਮੋਟ ਕਰਨ ਪਹੁੰਚੇ ਸਨ। ‘ਛਪਾਕ’ ਇਸ ਸ਼ੁੱਕਰਵਾਰ 10 ਜਨਵਰੀ ਨੂੰ ਰਿਲੀਜ਼ ਹੋਈ ਹੈ।
ਆਨਲਾਈਨ ਸ਼ੇਅਰ ਕੀਤੇ ਗਏ ਵੀਡੀਓਜ਼ ਵਿਚ ਜਦੋਂ ਲਕਛਮੀ ਨੇ ਆਪਣੀ ਕਹਾਣੀ ਦੱਸੀ ਤਾਂ ਸਾਰਿਆਂ ਦੇ ਹੰਝੂ ਆ ਗਏ ਅਤੇ ਉਨ੍ਹਾਂ ਨੇ ਆਪਣੀ ਉਹ ਕਹਾਣੀ ਦੱਸੀ, ਜਿਥੇ ਉਨ੍ਹਾਂ ਦਾ ਫਾਇਦਾ ਚੁੱਕਣ ਦੀ ਕੋਸ਼ਿਸ਼ ਕੀਤੀ ਗਈ। ਇਸ ਤੋਂ ਬਾਅਦ ਦੀਪਿਕਾ, ਲਕਛਮੀ ਅਤੇ ਵਿਕਰਾਂਤ ਨੇ ਸਾਰੇ ਘਰਵਾਲਿਆਂ ਦੀ ਕਹਾਣੀ ਸੁਣੀ। ਵੀਡੀਓ ਦੀ ਸ਼ੁਰੂਆਤ ਕਾਮੇਡੀਅਨ ਕ੍ਰਿਸ਼ਨਾ ਅਭਿਸ਼ੇਕ ਦੀ ਭੈਣ ਆਰਤੀ ਸਿੰਘ ਨਾਲ ਹੁੰਦੀ ਹੈ, ਜਿਸ ਵਿਚ ਆਰਤੀ ਕਹਿੰਦੀ ਹੈ ਕਿ 13 ਸਾਲ ਦੀ ਉਮਰ ਵਿਚ ਉਸ ਦੇ ਨਾਲ ਲਗਪਗ ਜਬਰ-ਜ਼ਨਾਹ ਦੀ ਕੋਸ਼ਿਸ਼ ਕੀਤੀ ਗਈ ਸੀ, ਜਦੋਂ ਉਹ ਘਰ ਦੇ ਅੰਦਰ ਬੰਦ ਸੀ। ਮੁਕਾਬਲੇਬਾਜ਼ ਆਰਤੀ ਸਿੰਘ ਨੇ ਕਿਹਾ ਕਿ ਉਹ ਪਲ ਯਾਦ ਆਉਂਦੇ ਹੀ ਉਸ ਦੇ ਹੱਥ ਕੰਬਣ ਲੱਗਦੇ ਹਨ।
ਵਿਸ਼ਾਲ ਅਦਿੱਤਿਆ ਸਿੰਘ ਨੇ ਵੀ ਆਪਣੀ ਕਹਾਣੀ ਦੱਸੀ। ਇਸ ਦੇ ਨਾਲ ਹੀ ਮਧੁਰਿਮਾ ਤੁਲੀ ਵੀ ਜਬਰ-ਜ਼ਨਾਹ ਦੀ ਘਟਨਾ ਯਾਦ ਕਰਕੇ ਰੋ ਪਈ। ਉਥੇ ਸ਼ਹਿਨਾਜ਼, ਸਿਧਾਰਥ ਅਤੇ ਹੋਰ ਘਰਵਾਲੇ ਵੀ ਇਨ੍ਹਾਂ ਘਟਨਾਵਾਂ ਨੂੰ ਸੁਣ ਕੇ ਭਾਵੁਕ ਹੋ ਗਏ। ਰਸ਼ਮੀ ਦੇਸਾਈ ਨੇ ਕਿਹਾ ਕਿ ਉਸ ਨੂੰ ਵੀ ਲੜਕੀ ਹੋਣ ਕਾਰਨ ਘਰੋਂ ਤਾਅਨੇ ਸੁਣ ਨੇ ਪੈਂਦੇ ਸਨ। ਦੀਪਿਕਾ ਪਾਦੁਕੋਣ ਨੇ ਸਾਰਿਆਂ ਨੂੰ ਆਪਣੀਆਂ ਕਹਾਣੀਆਂ ਦੱਸਣ ਲਈ ਧੰਨਵਾਦ ਕਿਹਾ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
