ਬਿੱਗ ਬੌਸ 13 : ਪਾਰਸ ਤੇ ਸਿਧਾਰਥ ਨੇ ਇੰਝ ਉਡਾਇਆ ਸ਼ਹਿਨਾਜ਼ ਦੀ ਇੰਗਲਿਸ਼ ਦਾ ਮਜ਼ਾਕ
10/15/2019 11:49:50 AM
ਨਵੀਂ ਦਿੱਲੀ (ਬਿਊਰੋ) — ਰਿਐਲਿਟੀ ਸ਼ੋਅ 'ਬਿੱਗ ਬੌਸ' ਦੇ ਘਰ 'ਚ ਜਿੰਨੀ ਲੜਾਈ ਚੱਲਦੀ ਹੈ, ਉਨ੍ਹਾਂ ਹੀ ਮਜ਼ਾਕ ਮਸਤੀ ਵੀ ਚੱਲਦਾ ਹੈ। ਮੁਕਾਬਲੇਬਾਜ਼ ਆਪਸ 'ਚ ਜਿੰਨ੍ਹਾਂ ਲੜਦੇ ਹਨ, ਉਨ੍ਹੀਂ ਹੀ ਇਕ-ਦੂਜੇ ਦੀ ਖਿੱਚਾਈ ਵੀ ਕਰਦੇ ਹਨ। ਅਜਿਹਾ ਹੀ ਕੁਝ ਹੋਇਆ 'ਬਿੱਗ ਬੌਸ 13' ਦੇ 15ਵੇਂ ਦਿਨ 'ਚ। 15ਵੇਂ ਯਾਨੀਕਿ ਸੋਮਵਾਰ ਨੂੰ ਘਰਵਾਲਿਆਂ ਨੇ ਆਪਸ 'ਚ ਇਕ-ਦੂਜੇ ਦਾ ਇੰਗਲਿਸ਼ ਟੈਸਟ ਲਿਆ। ਇਸ ਦੌਰਾਨ ਪਾਰਸ ਛਾਬੜਾ ਤੇ ਸਿਧਾਰਥ ਡੇ ਨੇ ਸ਼ਹਿਨਾਜ਼ ਕੌਰ ਗਿੱਲ ਤੋਂ ਕੁਝ ਸਪੈਲਿੰਗ ਪੁੱਛੇ, ਜਿਸ ਦਾ ਸ਼ਹਿਨਾਜ਼ ਨੇ ਗਲਤ ਜਵਾਬ ਦਿੱਤਾ। ਉਸ ਤੋਂ ਬਾਅਦ ਪਾਰਸ ਤੇ ਸਿਧਾਰਥ ਨੇ ਉਸ ਦੀ ਖਿੱਚਾਈ ਕਰਨੀ ਸ਼ੁਰੂ ਕਰ ਦਿੱਤੀ। ਹਾਲਾਂਕਿ ਬਾਅਦ 'ਚ ਸਿਧਾਰਥ ਖੁਦ ਆਪਣੀ ਅੰਗਰੇਜ਼ੀ ਦੇ ਚੱਕਰ 'ਚ ਫਸ ਗਏ। ਦਰਅਸਲ, ਪਾਰਸ ਨੇ ਸ਼ਹਿਨਾਜ਼ ਤੋਂ ਪੁੱਛਿਆ ਕਿ ਚਸ਼ਮਾ ਯਾਨੀ ਕਿ Goggle ਦੇ ਸਪੈਲਿੰਗ ਕੀ ਹਨ, ਇਸ 'ਤੇ ਸ਼ਹਿਨਾਜ਼ ਨੇ ਕਿਹਾ, 'Gogle’।
ਇਸ ਤੋਂ ਬਾਅਦ ਪਾਰਸ ਨੇ ਉਸ ਦਾ ਮਜ਼ਾਕ ਉਡਾਉਂਦੇ ਹੋਏ ਤਾੜੀਆਂ ਵਜਾਉਣ ਲੱਗਦਾ ਹੈ। ਇਸ ਤੋਂ ਬਾਅਦ ਅਬੂ ਮਲਿਕ ਸ਼ਹਿਨਾਜ਼ ਤੋਂ 'Archimedes' ਦੇ ਸਪੈਲਿੰਗ ਪੁੱਛਦੇ ਹਨ ਅਤੇ ਸ਼ਹਿਨਾਜ਼ ਉਹ ਵੀ ਗਲਤ ਦੱਸਦੀ ਹੈ। ਇਸ ਤੋਂ ਬਾਅਦ ਸਿਧਾਰਥ ਤੇ ਆਰਤੀ 'ਚ 'Hairs' ਨੂੰ ਲੈ ਕੇ ਚਰਚਾ ਹੁੰਦੀ ਹੈ। ਆਰਤੀ ਆਖਦੀ ਹੈ ਕਿ ਹੇਅਰਸ ਕਦੇ ਕੋਈ ਅੱਖਰ ਨਹੀਂ ਹੁੰਦਾ ਤੇ ਸਿਧਾਰਥ ਉਨ੍ਹਾਂ ਨੂੰ ਦੱਸਦਾ ਹੈ ਕਿ ਜਦੋਂ ਦੋ ਵੱਖ ਲੋਕਾਂ ਦੇ ਹੇਅਰਸ ਹੁੰਦੇ ਹਨ ਤਾਂ ਹੇਅਰਸ ਬੋਲਿਆ ਜਾਂਦਾ ਹੈ। ਇਸ ਤੋਂ ਬਾਅਦ ਸਿਧਾਰਥ, ਸ਼ਹਿਨਾਜ਼ ਨੂੰ ਪਾਰਸ ਨਾਲ ਜੁੜੀ ਇਕ ਲਾਈਨ ਅੰਗਰੇਜ਼ੀ 'ਚ ਟ੍ਰਾਂਸਲੇਟ ਕਰਨ ਨੂੰ ਆਖਦੇ ਨੇ ਪਰ ਪਾਰਸ ਉਲਟਾ ਉਸੇ ਨੂੰ ਆਖਦਾ ਹੈ ਕਿ ਉਹ ਹੀ ਟ੍ਰਾਂਸਲੇਟ ਕਰਕੇ ਦੱਸੇ। ਇਸ ਤੋਂ ਬਾਅਦ ਸਿਧਾਰਥ ਵੀ ਗਲਤ ਲਾਈਟ ਟ੍ਰਾਂਸਲੇਟ ਕਰਦਾ ਹੈ ਤੇ ਮੁਕਾਬਲੇਬਾਜ਼ ਉਸ ਦਾ ਮਜ਼ਾਕ ਉਡਾਉਣ ਲੱਗਦੇ ਹਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ