ਸ਼ਹਿਨਾਜ਼ ਬਣ ਕਾਰਤਿਕ ਨੇ ਕੀਤੀਆਂ ਅਜਿਹੀਆਂ ਹਰਕਤਾਂ, ਸਲਮਾਨ ਦਾ ਵੀ ਨਿਕਲਆ ਹਾਸਾ
1/19/2020 5:12:10 PM
ਮੁੰਬਈ(ਬਿਊਰੋ)- ‘ਬਿੱਗ ਬੌਸ 13’ ਵਿਚ ‘ਵੀਕੈਂਡ ਕਾ ਵਾਰ’ ਐਪੀਸੋਡ ਵਿਚ ਐਤਵਾਰ ਨੂੰ ਕਾਰਤਿਕ ਆਰੀਨ ਅਤੇ ਸਾਰਾ ਅਲੀ ਖਾਨ ਆਉਣਗੇ। ਕਾਰਤਿਕ ਅਤੇ ਸਾਰਾ ਆਪਣੀ ਆਉਣ ਵਾਲੀ ਫਿਲਮ ‘ਲਵ ਆਜ ਕੱਲ 2’ ਦੀ ਪ੍ਰਮੋਸ਼ਨ ਕਰਨ ਪਹੁੰਚਣਗੇ। ਇਸ ਦੌਰਾਨ ਦੋਵੇਂ ਘਰਵਾਲਿਆਂ ਨਾਲ ਖੂਬ ਮਸਤੀ ਕਰਨਗੇ। ਸਾਹਮਣੇ ਆਏ ਪ੍ਰੋਮੋ ਵੀਡੀਓ ਵਿਚ ਕਾਰਤਿਕ ਅਤੇ ਸਾਰਾ ਦੀ ਮਸਤੀ ਦੇਖ ਸਾਰੇ ਘਰਵਾਲੇ ਹੱਸ- ਹੱਸ ਕੇ ਲੋਟ-ਪੋਟ ਹੋ ਜਾਂਦੇ ਹਨ। ਇੱਥੇ ਕਾਰਤਿਕ ਆਰੀਅਨ ਸ਼ਹਿਨਾਜ਼ ਗਿੱਲ ਦੀ ਨਕਲ ਕਰਦੇ ਹਨ। ਉਥੇ ਹੀ ਸਾਰਾ ਅਲੀ ਖਾਨ ਸਿਧਾਰਥ ਸ਼ੁਕਲਾ ਦੀ ਨਕਲ ਕਰਦੀ ਹੈ। ਕਾਰਤਿਕ ਤਾਂ ਸ਼ਹਿਨਾਜ਼ ਦੀ ਤਰ੍ਹਾਂ ਖੁੱਦ ਨੂੰ ਮਾਰਨ ਵੀ ਲੱਗਦੇ ਹਨ।
ਸ਼ਹਿਨਾਜ਼ ਬਣੇ ਕਾਰਤਿਕ ਕਹਿੰਦੇ ਹਨ,‘‘ਪਿਆਰ ਦੋ ਨਾ ਮੁੱਝਕੋ, ਚਾਏ ਜਬ ਬੀ ਦਿਆ ਕਰੋ ਪਿਆਰ ਸੇ ਦਿਆ ਕਰੋ। ਦਿਨ ਭਰ ਮੇਰੀ ਤਾਰੀਫ ਕਿਆ ਕਰੋ, ਹੱਗ ਕਰੋ ਮੁਝੇ, ਜੇਲਸ ਨਹੀਂ ਹੂੰ।’’ ਕਾਰਤਿਕ ਦੀ ਐਕਟਿੰਗ ਦੇਖ ਸਲਮਾਨ ਵੀ ਹੱਸਣ ਲੱਗਦੇ ਹਨ। ਕਾਰਤਿਕ ਅਤੇ ਸਾਰਾ ਘਰਵਾਲਿਆਂ ਨੂੰ ਇਕ ਟਾਸਕ ਦਿੰਦੇ ਹਨ। ਇਸ ਦੌਰਾਨ ਸਿਧਾਰਥ ਅਤੇ ਆਸਿਮ ਇਕੱਠੇ ਡਾਂਸ ਕਰਦੇ ਹਨ। ਹੁਣ ਕਾਰਤਿਕ-ਸਾਰਾ ਘਰਵਾਲਿਆਂ ਕੋਲੋਂ ਹੋਰ ਕੀ-ਕੀ ਕਰਵਾਉਣਗੇ ਇਹ ਤਾਂ ਅੱਜ ਆਉਣ ਵਾਲੇ ਐਪੀਸੋਡ ਵਿਚ ਹੀ ਪਤਾ ਲੱਗੇਗਾ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ