B''day Spl : ''ਗੱਬਰ'' ਦੇ ਰੋਲ ਲਈ ਅਮਜਦ ਖਾਨ ਨਹੀਂ ਸਨ ਪਹਿਲੀ ਪਸੰਦ, ਫਿਰ ਵੀ ਰਚ ਦਿੱਤਾ ਇਤਿਹਾਸ

ਮੁੰਬਈ (ਬਿਊਰੋ) — ਬਾਲੀਵੁੱਡ 'ਚ ਆਪਣੀ ਆਵਾਜ਼ ਤੇ ਆਪਣੀ ਬਿਹਤਰੀਨ ਪਰਫਾਰਮੈਂਸ ਲਈ ਜਾਣੇ-ਜਾਣ ਵਾਲੇ ਬਾਲੀਵੁੱਡ ਐਕਟਰ ਅਮਜਦ ਖਾਨ ਦਾ ਜਨਮ ਪੇਸ਼ਾਵਰ 'ਚ 12 ਨਵੰਬਰ 1940 'ਚ ਹੋਇਆ ਸੀ। ਅਜਮਦ ਖਾਨ ਨੇ ਉਂਝ ਤਾਂ ਬਹੁਤ ਸਾਰੀਆਂ ਫਿਲਮਾਂ 'ਚ ਅਭਿਨੈ ਕੀਤਾ ਅਤੇ ਨਾਂ ਕਮਾਇਆ ਪਰ ਸਭ ਤੋਂ ਜ਼ਿਆਦਾ ਪਛਾਣ ਉਨ੍ਹਾਂ ਨੂੰ ਫਿਲਮ 'ਸ਼ੋਅਲੇ' ਦੇ ਗੱਬਰ ਸਿੰਘ ਤੋਂ ਮਿਲਿਆ।

ਅਜਮਦ ਨੇ ਆਪਣੇ ਫਿਲਮੀ ਕਰੀਅਰ ਦੀ ਸ਼ੁਰੂਆਤ ਸਾਲ 1951 'ਚ ਫਿਲਮ 'ਨਾਜਨੀਨ' ਨਾਲ ਇਕ ਚਾਈਲਡ ਆਰਟਿਸਟ ਦੇ ਤੌਰ 'ਤੇ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ 'ਹੁਣ ਦਿੱਲੀ ਦੂਰੀ ਨਹੀਂ', 'ਮਾਇਆ' ਤੇ 'ਹਿੰਦੂਸਤਾਨ ਦੀ ਕਸਮ' ਵਰਗੀਆਂ ਫਿਲਮਾਂ 'ਚ ਵੀ ਕੰਮ ਕੀਤਾ ਪਰ ਉਨ੍ਹਾਂ ਦਾ ਸੰਘਰਸ਼ ਜਾਰੀ ਰਿਹਾ ਜਦੋਂ ਤੱਕ ਉਨ੍ਹਾਂ ਨੂੰ 'ਸ਼ੋਅਲੇ' ਫਿਲਮ ਨਹੀਂ ਮਿਲ ਗਈ।

ਅਮਜਦ ਖਾਨ ਨੇ 130 ਤੋਂ ਵੱਧ ਫਿਲਮਾਂ 'ਚ ਕੰਮ ਕੀਤਾ। ਉਹ ਲੱਗਭਗ 20 ਸਾਲ ਫਿਲਮੀ ਦੁਨੀਆ 'ਚ ਚਮਕਦੇ ਰਹੇ। ਉਨ੍ਹਾਂ ਦੇ ਦੋ ਭਰਾ ਇਮਤਿਆਜ਼ ਖਾਨ ਅਤੇ ਇਨਾਇਤ ਖਾਨ ਸਨ, ਜਿਹੜੇ ਖੁਦ ਵੀ ਨਾਮੀ ਐਕਟਰ ਸਨ। ਫਿਲਮਾਂ 'ਚ ਕੰਮ ਕਰਨ ਤੋਂ ਪਹਿਲਾਂ ਅਮਜਦ ਰੰਗ ਮੰਚ ਦੇ ਕਲਾਕਾਰ ਸਨ। ਸਾਲ 1951 'ਚ ਆਈ ਫਿਲਮ 'ਨਾਜਨੀਨ' ਵਿਚ ਉਨ੍ਹਾਂ ਨੂੰ ਅਦਾਕਾਰੀ ਕਰਨ ਦਾ ਮੌਕਾ ਮਿਲਿਆ।

ਸ਼ਾਇਦ ਅਮਜਦ ਖਾਨ ਦਾ ਗੱਬਰ ਦਾ ਕਿਰਦਾਰ ਹੀ ਸੀ, ਜਿਸ ਨੇ ਉਨ੍ਹਾਂ ਨੂੰ ਸਭ ਤੋਂ ਵੱਧ ਸ਼ੌਹਰਤ ਦਿਵਾਈ ਪਰ ਕੀ ਤੁਹਾਨੂੰ ਪਤਾ ਹੈ ਕਿ ਅਮਜਦ ਇਸ ਕਿਰਦਾਰ ਲਈ ਪਹਿਲੀ ਪਸੰਦ ਨਹੀਂ ਸਨ। ਜਾਵੇਦ ਅਖਤਰ ਨੇ ਸਲੀਮ ਖਾਨ ਨਾਲ ਮਿਲ ਕੇ ਇਹ ਫਿਲਮ ਲਿਖੀ ਸੀ। ਉਨ੍ਹਾਂ ਨੂੰ ਅਮਜਦ ਖਾਨ ਦੀ ਅਵਾਜ਼ ਗੱਬਰ ਦੇ ਕਿਰਦਾਰ ਲਈ ਜ਼ਿਆਦਾ ਦਮਦਾਰ ਨਹੀਂ ਲੱਗੀ ਸੀ।

ਉਹ ਇਸ ਫਿਲਮ ਲਈ ਡੈਨੀ ਨੂੰ ਲੈਣਾ ਚਾਹੁੰਦੇ ਸਨ ਪਰ ਫਿਰ ਕੁਝ ਅਜਿਹਾ ਹੋਇਆ ਕਿ ਅਮਜਦ ਨੂੰ ਇਹ ਕਿਰਦਾਰ ਮਿਲ ਗਿਆ। ਇਸ ਤੋਂ ਬਾਅਦ ਜਿਹੜਾ ਇਤਿਹਾਸ ਰਚਿਆ ਗਿਆ ਉਹ ਸਭ ਦੇ ਸਾਹਮਣੇ ਹੈ। ਕਿਹਾ ਜਾਂਦਾ ਹੈ ਕਿ ਅਮਜਦ ਖਾਨ ਨੂੰ ਕਿਸੇ ਨਸ਼ੇ ਦੀ ਨਹੀਂ ਸਗੋ ਚਾਹ ਦੀ ਬਹੁਤ ਲਤ ਸੀ। ਉਹ ਇਕ ਦਿਨ 'ਚ ਚਾਹ ਦੇ 30 ਕੱਪ ਪੀ ਜਾਂਦੇ ਸਨ।

ਅਮਿਤਾਬ ਬੱਚਨ ਨਾਲ ਅਮਜਦ ਖਾਨ ਦੀ ਗਹਿਰੀ ਦੋਸਤੀ ਸੀ ਪਰ ਜਿੰਨ੍ਹੀਆਂ ਵੀ ਫਿਲਮਾਂ 'ਚ ਦੋਵਾਂ ਨੇ ਕੰਮ ਕੀਤਾ ਜ਼ਿਆਦਾਤਰ 'ਚ ਅਮਿਤਾਬ ਹੀਰੋ ਹੁੰਦੇ ਅਤੇ ਅਮਜਦ ਵਿਲੇਨ ਦਾ ਕਿਰਦਾਰ ਨਿਭਾਉਂਦੇ। ਉਨ੍ਹਾਂ ਵੱਲੋਂ ਫਿਲਮਾਂ ਲਈ ਪਾਇਆ ਯੋਗਦਾਨ ਹਮੇਸ਼ਾ ਯਾਦ ਰੱਖਿਆ ਜਾਵੇਗਾ।