ਸਾਊਥ ਫਿਲਮ ਇੰਡਸਟਰੀ ਵੱਲੋਂ ਸ਼੍ਰੀਦੇਵੀ ਨੂੰ ਸਨਮਾਨ ਮਿਲਣ ’ਤੇ ਭਾਵੁਕ ਹੋਏ ਬੋਨੀ ਕਪੂਰ

ਮੁੰਬਈ(ਬਿਊਰੋ)- ਸਾਊਥ ਫਿਲਮ ਇੰਡਸਟਰੀ ਵਿਚ ਆਪਣੇ ਯੋਗਦਾਨ ਲਈ ਅਦਾਕਾਰਾ ਰੇਖਾ ਅਤੇ ਸ਼੍ਰੀਦੇਵੀ ਨੂੰ ਸਾਊਥ ਦੇ ਮਸ਼ਹੂਰ ਐਕਟਰ ਅਤੇ ਪ੍ਰੋਡਿਊਸਰ ਅੱਕੀਨੇਨੀ ਨਾਗੇਸ਼ਵਰ ਰਾਵ ਦੇ ਨਾਮ ’ਤੇ ANR ਐਵਾਰਡ ਦਿੱਤਾ ਗਿਆ। ਸ਼੍ਰੀਦੇਵੀ ਦਾ ਇਹ ਐਵਾਰਡ ਲੈਣ ਪਤੀ ਬੋਨੀ ਕਪੂਰ ਪਹੁੰਚੇ। ਇਸ ਐਵਾਰਡ ਨੂੰ ਲੈਂਦੇ ਸਮੇਂ ਬੋਨੀ ਕਪੂਰ ਕਾਫੀ ਭਾਵੁਕ ਹੋ ਗਏ। ਐਵਾਰਡ ਲੈਣ ਤੋਂ ਬਾਅਦ ਬੋਨੀ ਨੇ ਕੁਝ ਗੱਲਾਂ ਕੀਤੀਆਂ ਅਤੇ ਜਿਵੇਂ ਹੀ ਉਨ੍ਹਾਂ ਨੇ ਸ਼੍ਰੀਦੇਵੀ ਦਾ ਜ਼ਿਕਰ ਕੀਤਾ ਤਾਂ ਉਹ ਭਾਵੁਕ ਹੋ ਗਏ ਅਤੇ ਉਨ੍ਹਾਂ ਦੇ ਹੰਝੂ ਨਿਕਲ ਆਏ।

ਇਸ ਦੌਰਾਨ ਸ਼੍ਰੀਦੇਵੀ ਦੇ ਚਾਇਲਡ ਐਕਟਰ ਤੋਂ ਲੀਜੈਂਡ ਅਦਾਕਾਰਾ ਬਨਣ ਤੱਕ ਦਾ ਸਫਰ ਵੀ ਦਿਖਾਇਆ ਗਿਆ। ਦਿੱਗਜ ਅਦਾਕਾਰਾ ਰੇਖਾ ਨੂੰ ਇਸ ਦੌਰਾਨ ਸਨਮਾਨਿਤ ਕੀਤਾ ਗਿਆ। ਰੇਖਾ ਨੇ ਵੀ ਆਪਣੇ ਸੰਬੋਧਨ ਵਿਚ ਸ਼੍ਰੀਦੇਵੀ ਦਾ ਜ਼ਿਕਰ ਕੀਤਾ।

ਦੱਸ ਦੇਈਏ ਕਿ ਸ਼੍ਰੀਦੇਵੀ ਨੇ ਸਾਊਥ ਇੰਡਸਟਰੀ ਵਿਚ ਤਾਮਿਲ ਫਿਲਮ ‘ਕਦੰਲ ਕਰੁਣਈ’ ਨਾਲ ਕੀਤੀ ਸੀ। ਉਸ ਸਮੇਂ ਉਨ੍ਹਾਂ ਦੀ ਉਮਰ ਸਿਰਫ 4 ਸਾਲ ਸੀ। ਸ਼੍ਰੀਦੇਵੀ ਨੇ ਕਈ ਵੱਡੇ ਸਿਤਾਰਿਆਂ ਨਾਲ ਕੰਮ ਕੀਤਾ ਸੀ। ਧਿਆਨਯੋਗ ਹੈ ਕਿ ਸ਼੍ਰੀਦੇਵੀ ਦਾ 24 ਫਰਵਰੀ 2018 ਵਿਚ ਦੁਬਈ ਵਿਚ ਦਿਹਾਂਤ ਹੋ ਗਿਆ ਸੀ।