B''Day Spl : 38 ਸਾਲ ਦੀ ਹੋਈ ਦੀਆ ਮਿਰਜ਼ਾ, ਦੇਖੋ ਕੁਝ ਅਣਦੇਖੀਆਂ ਤਸਵੀਰਾਂ
12/9/2019 11:10:18 AM
ਮੁੰਬਈ(ਬਿਊਰੋ)— ਬਾਲੀਵੁੱਡ ਅਭਿਨੇਤਰੀ ਦੀਆ ਮਿਰਜ਼ਾ ਅੱਜ ਆਪਣਾ 38ਵਾਂ ਜਨਮਦਿਨ ਮਨਾ ਰਹੀ ਹੈ। ਦੀਆ ਮਿਰਜ਼ਾ ਦਾ ਜਨਮ 9 ਦਸੰਬਰ 1981 ਨੂੰ ਹੈਦਰਾਬਾਦ, ਤੇਲੰਗਾਨਾ 'ਚ ਹੋਇਆ। ਦੀਆ ਨੇ ਸਾਲ 2000 'ਚ ਮਿਸ ਏਸ਼ੀਆ ਪੈਸੇਫਿਕ (ਇੰਟਰਨੈਸ਼ਨਲ) ਦਾ ਖਿਤਾਬ ਜਿੱਤਿਆ ਸੀ।
ਜ਼ਿਕਰਯੋਗ ਹੈ ਕਿ ਸਾਲ 2000 'ਚ ਦੀਆ ਪਹਿਲੀ ਵਾਰ ਵੀਡੀਓ ਗੀਤ 'ਖੋਇਆ ਖੋਇਆ ਚਾਂਦ' 'ਚ ਐਕਟਿੰਗ ਕਰਦੀ ਨਜ਼ਰ ਆਈ ਸੀ। ਬਾਲੀਵੁੱਡ 'ਚ ਡੈਬਿਊ ਉਸ ਨੇ ਸਾਲ 2001 'ਚ ਅਭਿਨੇਤਾ ਆਰ. ਮਾਧਵਨ ਨਾਲ ਫਿਲਮ 'ਰਹਿਣਾ ਹੈ ਤੇਰੇ ਦਿਲ ਮੇਂ' ਨਾਲ ਕੀਤਾ ਸੀ। ਇਹ ਫਿਲਮ ਬਾਕਸ ਆਫਿਸ 'ਤੇ ਹਿੱਟ ਸਾਬਤ ਹੋਈ ਅਤੇ ਇਸ ਦੀ ਐਕਟਿੰਗ ਦੀ ਖੂਬ ਸ਼ਲਾਘਾ ਕੀਤੀ ਗਈ।
ਦੀਆ ਮਿਰਜ਼ਾ ਨੇ ਪਿਛਲੇ ਸਾਲ 18 ਅਕਤਬੂਰ ਨੂੰ ਆਪਣੇ ਲੰਬੇ ਸਮੇਂ ਤੱਕ ਬੁਆਏਫ੍ਰੈਂਡ ਰਹੇ ਸਾਹਿਲ ਸਾਂਘਾ ਨਾਲ ਵਿਆਹ ਕੀਤਾ ਸੀ। ਸਾਹਿਲ ਸਾਂਘਾ ਬਾਲੀਵੁੱਡ 'ਚ ਡਾਇਰੈਕਟਰ ਅਤੇ ਕੋ-ਪ੍ਰੋਡਿਊਸਰ ਦੇ ਤੌਰ 'ਤੇ ਜਾਣੇ ਜਾਂਦੇ ਹਨ। ਬਤੌਰ ਡਾਇਰੈਕਟਰ ਦੇ ਤੌਰ 'ਤੇ ਉਨ੍ਹਾਂ ਨੇ 'ਲਵ ਬ੍ਰੇਕਅਪ ਜ਼ਿੰਦਗੀ' ਬਣਾਈ। ਉਥੇ ਹੀ ਉਹ ਫਿਲਮ 'ਸਲਾਮੇ-ਏ-ਇਸ਼ਕ' ਦੇ ਅਸਿਸਟੈਂਟ ਵੀ ਰਹਿ ਚੁੱਕੇ ਹਨ।
ਦੱਸ ਦਈਏ ਦੀਆ ਮਿਰਜ਼ਾ ਨੇ ਹੁਣ ਤੱਕ 'ਦੀਵਾਨਾਪਨ', 'ਤੁਮਕੋ ਨਾ ਭੂਲ ਪਾਏਗੇ', 'ਦਮ', 'ਪਰਿਣੀਤਾ', 'ਫਿਰ ਹੇਰਾ ਫੇਰੀ', 'ਲਗੇ ਰਹੋ ਮੁੰਨਾਭਾਈ' ਅਤੇ 'ਕਿਸਾਨ' ਵਰਗੀਆਂ ਫਿਲਮਾਂ 'ਚ ਕੰਮ ਕਰ ਚੁੱਕੀ ਹੈ। ਦੀਆ ਮਿਰਜ਼ਾ ਅਭਿਨੇਤਰੀ ਹੋਣ ਦੇ ਨਾਲ-ਨਾਲ ਪ੍ਰੋਡਿਊਸਰ ਵੀ ਹੈ। ਉਸ ਦੇ ਪ੍ਰੋਡਕਸ਼ਨ 'ਚ ਬਣੀ ਫਿਲਮ 'ਬੌਬੀ ਜਾਸੂਸ' ਪਿਛਲੇ ਸਾਲ ਰਿਲੀਜ਼ ਹੋਈ, ਜਿਸ 'ਚ ਵਿਦਿਆ ਬਾਲਨ ਨੇ ਲੀਡ ਰੋਲ ਕੀਤਾ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
