''83'' ''ਚ ਮਦਨ ਲਾਲ ਬਣੇ ਪੰਜਾਬੀ ਸਿੰਗਰ ਹਾਰਡੀ ਸੰਧੂ, ਰਣਵੀਰ ਨੇ ਸ਼ੇਅਰ ਕੀਤੀ ਪਹਿਲੀ ਝਲਕ
1/20/2020 9:21:06 AM
ਮੁੰਬਈ (ਬਿਊਰੋ) : ਬਾਲੀਵੁੱਡ ਫਿਲਮ '83' ਤੋਂ ਬੈਕ ਟੂ ਬੈਕ ਪੋਸਟਰ ਜਾਰੀ ਕੀਤੇ ਜਾ ਰਹੇ ਹਨ ਅਤੇ ਹੁਣ ਮਦਨ ਲਾਲ ਦੀ ਭੂਮਿਕਾ 'ਚ ਪੰਜਾਬੀ ਗਾਇਕ ਹਾਰਡੀ ਸੰਧੂ ਦਾ ਪੋਸਟਰ ਰਿਲੀਜ਼ ਕੀਤਾ ਗਿਆ ਹੈ। ਸਾਬਕਾ ਕ੍ਰਿਕਟਰ ਆਪਣੀ ਤੰਬਾਕੂਨੋਸ਼ੀ ਗੇਂਦਬਾਜ਼ੀ ਲਈ ਜਾਣੇ ਜਾਂਦੇ ਸੀ ਅਤੇ ਹਾਰਡੀ ਵੀ ਪੋਸਟਰ 'ਚ ਉਨ੍ਹਾਂ ਦੀ ਗੇਂਦਬਾਜ਼ੀ ਦੀ ਨਕਲ ਕਰਦੇ ਨਜ਼ਰ ਆ ਰਹੇ ਹਨ। ਬਾਲੀਵੁੱਡ ਐਕਟਰ ਰਣਵੀਰ ਸਿੰਘ ਨੇ ਆਪਣੇ ਸੋਸ਼ਲ ਮੀਡੀਆ 'ਤੇ ਨਵਾਂ ਪੋਸਟਰ ਸ਼ੇਅਰ ਕੀਤਾ ਹੈ, ਜਿਸ ਦੀ ਕੈਪਸ਼ਨ 'ਚ ਉਨ੍ਹਾਂ ਨੇ ਲਿਖਿਆ, “ਪੰਜਾਬ ਦਾ ਗੱਬਰੂ ਵੀਰ, ਪੇਸ਼ ਕਰਦਾ ਹੈ ਹਾਰਡੀ ਨੂੰ ਸੰਧੂ ਮਦਨ ਲਾਲ ਦੇ ਅੰਦਾਜ਼ 'ਚ।'' ਹਾਲ ਹੀ 'ਚ '83' ਦੇ ਨਿਰਮਾਤਾਵਾਂ ਦੁਆਰਾ ਸੁਨੀਲ ਗਾਵਸਕਰ ਦੀ ਭੂਮਿਕਾ 'ਚ ਤਾਹਿਰ ਰਾਜ ਭਸੀਨ, ਕੇ ਸ਼੍ਰੀਕਾਂਤ ਦੇ ਰੋਲ 'ਚ ਜੀਵਾ, ਮਹਿੰਦਰ ਅਮਰਨਾਥ ਨੂੰ ਸਾਕਿਬ ਸਲੀਮ ਵਜੋਂ, ਯਸ਼ਪਾਲ ਸ਼ਰਮਾ ਦੀ ਭੂਮਿਕਾ ਜਤਿਨ ਸਰਨਾ, ਸੰਦੀਪ ਪਾਟਿਲ ਵੱਜੋਂ ਚਿਰਾਗ ਪਾਟਿਲ, ਕ੍ਰੀਤੀ ਆਜ਼ਾਦ ਦੇ ਰੋਲ 'ਚ ਦਿਨਕਰ ਸ਼ਰਮਾ ਅਤੇ ਰੋਜਰ ਬਿੰਨੀ ਦੇ ਅੰਦਾਜ਼ 'ਚ ਨਿਸ਼ਾਂਤ ਦਹੀਆ ਦੇ ਪਹਿਲੇ ਪੋਸਟਰ ਸ਼ੇਅਰ ਕੀਤੇ ਗਏ ਸਨ।
ਦੱਸ ਦਈਏ ਕਿ ਰਣਵੀਰ ਸਿੰਘ ਦਾ ਫਿਲਮ ਦਾ ਪਹਿਲਾ ਲੁੱਕ ਪਹਿਲਾਂ ਹੀ ਦਰਸ਼ਕਾਂ ਦੀ ਦਿਲਚਸਪੀ ਵਧਾ ਚੁੱਕਾ ਹੈ, ਜਿਸ 'ਚ ਉਹ ਕਪਿਲ ਦੇਵ ਦੇ ਨਟਰਾਜ ਪੋਜ 'ਚ ਨਜ਼ਰ ਆਏ ਸਨ। '83' ਦਾ ਨਿਰਮਾਣ ਮਧੂ ਮੰਟੇਨਾ, ਸਾਜਿਦ ਨਾਡੀਆਡਵਾਲਾ ਅਤੇ ਰਿਲਾਇੰਸ ਐਂਟਰਟੇਨਮੈਂਟ ਮਿਲਕੇ ਕਰ ਰਹੇ ਹਨ। ਫਿਲਮ 10 ਅਪ੍ਰੈਲ 2020 ਨੂੰ ਵੱਡੇ ਪਰਦੇ 'ਤੇ ਰਿਲੀਜ਼ ਹੋਣ ਵਾਲੀ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
