ਸਰਗੁਣ ਮਹਿਤਾ ਦੇ ਪਤੀ ਨੇ ਖਰੀਦੀ ਲਗਜ਼ਰੀ ਕਾਰ, ਦੇਖੋ ਸ਼ਾਨਦਾਰ ਤਸਵੀਰਾਂ
1/28/2020 3:56:25 PM
ਜਲੰਧਰ (ਬਿਊਰੋ) — ਪੰਜਾਬੀ ਅਦਾਕਾਰਾ ਸਰਗੁਣ ਮਹਿਤਾ ਤੇ ਟੀ. ਵੀ. ਐਕਟਰ ਰਵੀ ਦੁਬੇ ਇਨ੍ਹੀਂ ਦਿਨੀਂ ਸੱਤਵੇਂ ਆਸਮਾਨ 'ਤੇ ਹੈ। ਦਰਅਸਲ, ਇਸ ਜੋੜੀ ਨੇ ਲਗਜ਼ਰੀ ਕਾਰ ਬੀ. ਐੱਮ. ਡਬਲਯੂ ਦਾ ਆਪਣੇ ਘਰ 'ਚ ਸਵਾਗਤ ਕੀਤਾ ਹੈ। ਇਸ ਜੋੜੀ ਨੇ ਹਾਲ ਹੀ 'ਚ ਲਗਜ਼ਰੀ ਕਾਰ ਬੀ. ਐੱਮ. ਡਬਲਯੂ. ਖਰੀਦੀ ਹੈ, ਜਿਸ ਦੀਆਂ ਤਸਵੀਰਾਂ ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ 'ਚ ਦੋਵੇਂ ਗੱਡੀ ਨਾਲ ਪੋਜ਼ ਦਿੰਦੇ ਨਜ਼ਰ ਆ ਰਹੇ ਹਨ। ਇਸ ਦੌਰਾਨ ਰਵੀ ਦੁਬੇ ਕਾਫੀ ਖੁਸ਼ ਨਜ਼ਰ ਆ ਰਹੇ ਹਨ।
ਦੱਸ ਦਈਏ ਕਿ ਬੀ. ਐੱਮ. ਡਬਲਯੂ. ਐਕਸ7 ਦਾ ਮਾਰਕਿਟ ਪ੍ਰਾਈਜ਼ ਤਕਰੀਬਨ 98 ਲੱਖ ਤੋਂ 1.25 ਕਰੋੜ ਦੇ ਨੇੜੇ ਹੈ। ਰਵੀ ਨੇ ਇਸ ਨੂੰ ਇਕ ਵੱਡੀ ਡੀਲ ਦੱਸਿਆ ਹੈ। ਗੱਡੀ ਦੀਆਂ ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਰਵੀ ਨੇ ਲਿਖਿਆ, ''ਮੈਂ ਇਹ ਨਹੀਂ ਦਿਖਾਵਾਂਗਾ ਕਿ ਇਹ ਮੇਰੇ ਲਈ ਇਕ ਛੋਟੀ ਡੀਲ ਹੈ ਕਿਉਂਕਿ ਸਾਡੇ ਲਈ ਇਹ ਬਹੁਤ ਵੱਡੀ ਗੱਲ ਹੈ। ਸਾਡੇ ਸਾਰਿਆਂ ਦੇ ਸੁਫਨੇ ਹੁੰਦੇ ਹਨ ਤੇ ਭਵਿੱਖ ਨੂੰ ਦੇਖਣ ਦਾ ਨਜ਼ਰੀਆ ਹੁੰਦਾ ਹੈ। ਮੇਰੀ ਤੇ ਸਰਗੁਣ ਦੀ ਜਰਨੀ ਵੀ ਇਸੇ ਨਾਲ ਸ਼ੁਰੂ ਹੋਈ ਸੀ।#𝗧𝗲𝗮𝗺𝗥𝗮𝘃𝗶𝗦𝗮𝗿𝗴𝘂𝗻 𝗶𝘀 𝗰𝗲𝗹𝗲𝗯𝗿𝗮𝘁𝗶𝗻𝗴।''
ਦੱਸਣਯੋਗ ਹੈ ਕਿ ਰਵੀ ਤੇ ਸਰਗੁਣ ਮਹਿਤਾ ਲੰਬੇ ਸਮੇਂ ਤੋਂ ਛੋਟੇ ਪਰਦੇ 'ਤੇ ਸਰਗਰਮ ਹਨ। ਦੋਵਾਂ ਦੀ ਐਕਟਿੰਗ ਨੂੰ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਰਵੀ ਦੁਬੇ ਦਾ ਸ਼ੋਅ 'ਜਮਾਈ ਰਾਜਾ' ਨੂੰ ਕਾਫੀ ਪਸੰਦ ਕੀਤਾ ਗਿਆ ਸੀ। ਉਥੇ ਹੀ ਸਰਗੁਣ ਮਹਿਤਾ ਟੀ. ਵੀ. ਇੰਡਸਟਰੀ ਦੇ ਨਾਲ-ਨਾਲ ਪੰਜਾਬੀ ਇੰਡਸਟਰੀ 'ਚ ਕਾਫੀ ਸਰਗਰਮ ਹੈ। ਪੰਜਾਬੀ ਇੰਡਸਟਰੀ 'ਚ ਸਰਗੁਣ ਵੱਡਾ ਨਾਂ ਬਣ ਗਈ ਹੈ।
ਅਜਿਹੀ ਹੈ ਰਵੀ ਤੇ ਸਰਗੁਣ ਦੀ ਲਵ ਸਟੋਰੀ
ਦੱਸ ਦਈਏ ਕਿ ਸਰਗੁਣ ਮਹਿਤਾ ਤੇ ਰਵੀ ਦੁਬੇ ਪਹਿਲੀ ਵਾਰ ਜੀ. ਟੀ. ਵੀ. ਦੇ ਸ਼ੋਅ 12/24 ਕਰੋਲ ਬਾਗ 'ਚ ਨਜ਼ਰ ਆਏ ਸਨ। ਇਸ ਸ਼ੋਅ 'ਚ ਰਵੀ ਤੇ ਸਰਗੁਣ ਨੇ ਪਤੀ-ਪਤਨੀ ਦਾ ਕਿਰਦਾਰ ਨਿਭਾਇਆ ਸੀ। ਇਸ ਸ਼ੋਅ ਤੋਂ ਰਵੀ ਤੇ ਸਰਗੁਣ ਦੀ ਲਵ ਸਟੋਰੀ ਸ਼ੁਰੂ ਹੋਈ ਸੀ। ਇਸ ਤੋਂ ਬਾਅਦ ਰਵੀ ਦੁਬੇ ਤੇ ਸਰਗੁਣ ਮਹਿਤਾ 'ਨੱਚ ਬੱਲੀਏ 5' 'ਚ ਨਜ਼ਰ ਆਏ ਸਨ। 'ਨੱਚ ਬੱਲੀਏ' 'ਚ ਰਵੀ ਨੇ ਸਰਗੁਣ ਨੂੰ ਵਿਆਹ ਲਈ ਪ੍ਰਪੋਜ਼ ਕੀਤਾ ਸੀ। ਦਸੰਬਰ 2013 'ਚ ਸਰਗੁਣ ਤੇ ਰਵੀ ਨੇ ਹਿੰਦੂ ਰੀਤੀ-ਰਿਵਾਜ਼ਾਂ ਨਾਲ ਵਿਆਹ ਕਰਵਾਇਆ ਸੀ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ