ਲਗਜ਼ਰੀ ਜ਼ਿੰਦਗੀ ਦੇ ਮਾਮਲੇ 'ਚ ਕਪਿਲ ਨੇ ਪਿੱਛੇ ਛੱਡੇ ਬਾਲੀਵੁੱਡ ਖਾਨਜ਼

ਜਲੰਧਰ (ਬਿਊਰੋ) — ਮਸ਼ਹੂਰ ਕਮੇਡੀਅਨ ਕਿੰਗ ਕਪਿਲ ਸ਼ਰਮਾ ਨੇ ਬੀਤੇ ਦਿਨੀਂ ਆਪਣਾ 38ਵਾਂ ਜਨਮਦਿਨ ਸੈਲੀਬ੍ਰੇਟ ਕੀਤਾ। ਇਸ ਦੌਰਾਨ ਕਪਿਲ ਸ਼ਰਮਾ ਨੇ ਪਤਨੀ ਗਿਨੀ ਚਤਰਥ ਤੇ ਮਾਂ ਨਾਲ ਕੇਕ ਕੱਟਿਆ, ਜਿਸ ਦੀਆਂ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀਆਂ ਹਨ। ਦੱਸ ਦਈਏ ਕਪਿਲ ਬਰਥਡੇ ਦੀ ਗ੍ਰੈਂਡ ਪਾਰਟੀ 'ਚ ਪੰਜਾਬੀ ਗਾਇਕ ਮੀਕਾ ਸਿੰਘ ਵੀ ਪਹੁੰਚੇ ਸਨ। 

ਵਿਆਹ ਤੋਂ ਬਾਅਦ ਕਪਿਲ ਦਾ ਪਹਿਲਾ ਜਨਮਦਿਨ

ਦੱਸ ਦਈਏ ਕਿ ਕਪਿਲ ਸ਼ਰਮਾ ਦੇ ਵਿਆਹ ਤੋਂ ਬਾਅਦ ਇਹ ਉਨ੍ਹਾਂ ਦਾ ਪਹਿਲਾ ਜਨਮਦਿਨ ਹੈ। ਜਿਵੇਂ ਕਪਿਲ ਸ਼ਰਮਾ ਕਮੇਡੀ ਦੇ ਕਿੰਗ ਹਨ, ਉਸੇ ਤਰ੍ਹਾਂ ਉਹ ਅਸਲ ਜ਼ਿੰਦਗੀ 'ਚ ਵੀ ਕਿੰਗ ਵਾਂਗ ਰਹਿੰਦੇ ਹਨ। ਕਪਿਲ ਸ਼ਰਮਾ ਸਟਾਈਲ ਦੀ ਗੱਲ ਕੀਤੀ ਜਾਵੇ ਤਾਂ ਉਨ੍ਹਾਂ ਦਾ ਸਟਾਈਲ ਕਾਫੀ ਲਗਜ਼ਰੀ ਹੈ। ਕਪਿਲ ਸ਼ਰਮਾ ਦੀ ਨੈੱਟਵਰਥ 170 ਕਰੋੜ ਰੁਪਏ ਦੀ ਹੈ ਅਤੇ ਉਨ੍ਹਾਂ ਕੋਲ ਕਈ ਮਹਿੰਗੀਆਂ ਚੀਜ਼ਾਂ ਹਨ।

ਪੰਜਾਬ 'ਚ ਹੈ ਕਪਿਲ ਦਾ ਆਲੀਸ਼ਾਨ ਬੰਗਲਾ

ਦੱਸਣਯੋਗ ਹੈ ਕਿ ਕਪਿਲ ਸ਼ਰਮਾ ਕੋਲ ਪੰਜਾਬ 'ਚ ਆਲੀਸ਼ਾਨ ਬੰਗਲਾ ਹੈ। ਕਪਿਲ ਜਦੋਂ ਵੀ ਪੰਜਾਬ ਆਉਂਦੇ ਹਨ ਉਹ ਇਸ ਬੰਗਲੇ 'ਚ ਹੀ ਰਹਿੰਦੇ ਹਨ। ਕਪਿਲ ਦੇ ਇਸ ਬੰਗਲੇ ਦੀ ਕੀਮਤ 25 ਕਰੋੜ ਰੁਪਏ ਹੈ। ਇਸ ਤੋਂ ਇਲਾਵਾ ਮੁਬੰਈ 'ਚ ਕਪਿਲ ਕੋਲ ਡੀ. ਐੱਲ. ਐੱਚ. ਇਨਕਲੇਵ 'ਚ ਮਹਿੰਗੇ ਫਲੈਟ ਹਨ। ਨਜਾਇਜ਼ ਨਿਰਮਾਣ ਕਰਕੇ ਉਨ੍ਹਾਂ ਦਾ ਇਹ ਫਲੈਟ ਵਿਵਾਦਾਂ 'ਚ ਵੀ ਰਿਹਾ ਹੈ। ਕਪਿਲ ਸ਼ਰਮਾ ਦੇ ਇਸ ਫਲੈਟ ਦੀ ਕੀਮਤ 15 ਕਰੋੜ ਰੁਪਏ ਦੱਸੀ ਜਾਂਦੀ ਹੈ।

ਲਗਜ਼ਰੀ ਵੈਨਿਟੀ ਵੈਨ ਦੇ ਮਾਲਕ ਹਨ ਕਪਿਲ

ਕਪਿਲ ਸ਼ਰਮਾ ਨੇ ਕੁਝ ਸਮਾਂ ਪਹਿਲਾਂ ਹੀ ਲਗਜ਼ਰੀ ਵੈਨਿਟੀ ਵੈਨ ਖਰੀਦੀ ਹੈ। ਦੱਸ ਦਈਏ ਕਿ ਕਪਿਲ ਦੀ ਵੈਨਿਟੀ ਵੈਨ ਇੰਡਸਟਰੀ ਦੀ ਸਭ ਤੋਂ ਮਹਿੰਗੀ ਵੈਨਿਟੀ ਵੈਨ ਹੈ। ਕਪਿਲ ਦੀ ਵੈਨਿਟੀ ਵੈਨ ਦੀ ਕੀਮਤ 5.5 ਕਰੋੜ ਹੈ। ਇਸ ਨੂੰ ਖਾਸ ਤੌਰ 'ਤੇ ਕਪਿਲ ਲਈ ਦਿਲੀਪ ਛਾਬੜਾ ਨੇ ਡਿਜ਼ਾਈਨ ਕੀਤਾ ਹੈ। ਕਪਿਲ ਦੀਆਂ ਕਾਰਾਂ ਦੀ ਗੱਲ ਕੀਤੀ ਜਾਵੇ ਤਾਂ ਉਨ੍ਹਾਂ ਕੋਲ 1.19 ਕਰੋੜ ਕੀਮਤ ਵਾਲੀ ਮਰਸਡੀਜ ਹੈ। ਮਰਸਡੀਜ ਤੋਂ ਇਲਾਵਾ ਕਪਿਲ ਦੇ ਕੋਲ ਵਾਲਵੋ ਐਕਸ. ਸੀ. ਵੀ. ਹੈ। ਇਸ ਦੀ ਕੀਮਤ 90 ਤੋਂ 1.3 ਕਰੋੜ ਰੁਪਏ ਹੈ।