ਕਵਿਤਾ ਕੌਸ਼ਿਕ ਨੇ ਸੋਸ਼ਲ ਮੀਡੀਆ ''ਤੇ ਜ਼ਾਹਿਰ ਕੀਤੀ ਦਿਲ ਦੀ ਗੱਲ
8/9/2019 4:08:12 PM
ਜਲੰਧਰ (ਬਿਊਰੋ) - ਟੀ. ਵੀ ਦੁਨੀਆ ਤੇ ਪੰਜਾਬੀ ਸਿਨੇਮਾ ਦੀ ਮਸ਼ਹੂਰ ਅਦਾਕਾਰਾ ਕਵਿਤਾ ਕੌਸ਼ਿਕ ਸੋਸ਼ਲ ਮੀਡੀਆ 'ਤੇ ਖੂਬ ਚਰਚਾ 'ਚ ਰਹਿੰਦੀ ਹੈ। ਕਵਿਤਾ ਆਪਣੀ ਅਦਾਕਾਰੀ ਦੇ ਨਾਲ-ਨਾਲ ਫਿੱਟਨੈਸ ਲਈ ਵੀ ਜਾਣੀ ਜਾਂਦੀ ਹੈ ਪਰ ਇਸ ਵਾਰ ਕਵਿਤਾ ਕੌਸ਼ਿਕ ਨੇ ਇਕ ਵੱਖਰੀ ਪੋਸਟ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਸ਼ੇਅਰ ਕੀਤੀ ਹੈ। ਇਸ ਪੋਸਟ 'ਚ ਕਵਿਤਾ ਨੇ ਪੰਜਾਬੀ ਫਿਲਮਾਂ 'ਚ ਨਿਭਾਏ ਆਪਣੇ ਵੱਖ-ਵੱਖ ਕਿਰਦਾਰਾਂ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ। ਇਸ ਤਸਵੀਰ ਦੇ ਨਾਲ ਹੀ ਕਵਿਤਾ ਨੇ ਵੱਡੀ ਕੈਪਸ਼ਨ ਵੀ ਲਿਖੀ ਹੈ। ਜਿਸ 'ਚ ਕਵਿਤਾ ਨੇ ਆਪਣੇ ਵੱਖ-ਵੱਖ ਕਿਰਦਾਰਾਂ ਦੇ ਨਾਮ ਵੀ ਲਿਖੇ ਹਨ।
ਦੱਸ ਦੀਈਏ ਕਿ ਕਵਿਤਾ ਕੌਸ਼ਿਕ ਨੇ 4 ਪੰਜਾਬੀ ਫਿਲਮਾਂ 'ਚ ਕੰਮ ਕੀਤਾ ਹੈ।ਸਾਲ 2017 'ਚ ਆਈ 'ਵੇਖ ਬਰਾਤਾਂ ਚੱਲੀਆਂ' ਕਵਿਤਾ ਦੀ ਪਹਿਲੀ ਪੰਜਾਬੀ ਫਿਲਮ ਸੀ ।ਜਿਸ 'ਚ ਕਵਿਤਾ ਨੇ 'ਸਰਲਾ' ਨਾਂ ਦੀ ਹਰਿਆਣਵੀ ਲੜਕੀ ਦਾ ਕਿਰਦਾਰ ਨਿਭਾਇਆ ਸੀ। 'ਵਧਾਈਆਂ ਜੀ ਵਧਾਈਆਂ' ਕਵਿਤਾ 'ਗਗਨ' ਨਾਂ ਦੇ ਕਿਰਦਾਰ 'ਚ ਨਜ਼ਰ ਆਈ ਸੀ।ਉਸ ਤੋਂ ਬਾਅਦ ਕਵਿਤਾ ਨੇ 'ਨਨਕਾਣਾ' ਫਿਲਮ 'ਚ ਇਕ ਦੇਸੀ ਔਰਤ ਦਾ ਕਿਰਦਾਰ ਨਿਭਾਇਆ ਸੀ ਤੇ ਹਾਲ ਹੀ 'ਚ ਰਿਲੀਜ਼ ਹੋਈ 'ਮਿੰਦੋ ਤਸੀਲਦਾਰਨੀ' 'ਚ ਇਕ ਅਫਸਰ ਦੇ ਕਿਰਦਾਰ 'ਚ ਨਜ਼ਰ ਆਈ ਸੀ।ਕਵਿਤਾ ਦੇ ਇਨ੍ਹਾਂ ਕਿਰਦਾਰਾਂ ਨੂੰ ਦਰਸ਼ਕਾਂ ਵੱਲੋਂ ਖੂਬ ਪਸੰਦ ਕੀਤਾ ਗਿਆ। ਕਵਿਤਾ ਪੰਜਾਬੀ ਸਿਨੇਮਾ ਦੇ ਨਾਲ-ਨਾਲ ਟੀ.ਵੀ ਸੀਰੀਅਲ ਦੀ ਸਰਗਰਮ ਅਦਾਕਾਰਾ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ