ਬਾਲੀਵੁੱਡ ’ਤੇ ਭੜਕੀ ਪਾਕਿ ਅਦਾਕਾਰਾ, ਲਗਾਇਆ ਗੀਤ ਚੋਰੀ ਕਰਨ ਦਾ ਦੋਸ਼

ਮੁੰਬਈ(ਬਿਊਰੋ)- ਆਲੀਆ ਭੱਟ ਨੇ ‘ਪਰਾਡਾ’ ਗੀਤ ਨਾਲ ਆਪਣਾ ਮਿਊਜ਼ਿਕ ਵੀਡੀਓ ਡੈਬਿਊ ਕੀਤਾ ਹੈ। ਇਸ ਡਾਂਸ ਨੰਬਰ ਨੂੰ ਫੈਨਜ਼ ਸਮੇਤ ਬਾਲੀਵੁੱਡ ਸਿਤਾਰਿਆਂ ਨੇ ਵੀ ਕਾਫੀ ਪਸੰਦ ਕੀਤਾ ਪਰ ਪਾਕਿਸਤਾਨੀ ਅਦਾਕਾਰਾ ਮੇਹਵਿਸ਼ ਹਯਾਤ ‘ਪਰਾਡਾ’ ਗੀਤ ਨੂੰ ਲੈ ਕੇ ਆਲੀਆ ਭੱਟ ’ਤੇ ਭੜਕ ਗਈ। ਮੇਹਵਿਸ਼ ਨੇ ਬਾਲੀਵੁੱਡ ’ਤੇ ਪਾਕਿਸਤਾਨੀ ਗੀਤਾਂ ਨੂੰ ਚੋਰੀ ਦਾ ਦੋਸ਼ ਲਗਾਇਆ ਹੈ। ਮੇਹਵਿਸ਼ ਦਾ ਦਾਅਵਾ ਹੈ ਕਿ ਆਲੀਆ ਦਾ ‘ਪਰਾਡਾ’ ਗੀਤ ਪਾਕਿਸਤਾਨੀ ਐੱਲਬਮ ‘ਵਾਇਟਲ ਸਾਈਨ’ ਦੇ ‘ਗੋਰੇ ਰੰਗ ਕਾ ਜਮਾਨਾ...’ ਨਾਲ ਮਿਲਦਾ-ਜੁਲਦਾ ਹੈ।

I find this strange. On the one hand Bollywood vilifies Pakistan at every opportunity they get. On the other, they continue to steal our songs without so much as an acknowledgment. “Copyright violation” and “royalty payments” obviously mean nothing.https://t.co/2x48WIGjf3

— Mehwish Hayat TI (@MehwishHayat) August 24, 2019

ਦੱਸ ਦੇਈਏ ਕਿ ਦੋਵਾਂ ਗੀਤਾਂ ’ਚ ਸਮਾਨਤਾਵਾਂ ਦੀ ਗੱਲ ਪਹਿਲਾਂ ਟਵਿਟਰ ਯੂਜ਼ਰਸ ਨੇ ਚੁੱਕੀ। ਬਾਅਦ ’ਚ ਮੇਹਵਿਸ਼ ਹਯਾਤ ਨੇ ਬਾਲੀਵੁੱਡ ’ਤੇ ਨਕਲ ਦਾ ਦੋਸ਼ ਲਗਾਉਂਦੇ ਹੋਏ ਟਵੀਟ ਕੀਤਾ। ਉਨ੍ਹਾਂ ਨੇ ਲਿਖਿਆ,‘‘ਇਹ ਬਹੁਤ ਅਜੀਬ ਹੈ। ਇਕ ਪਾਸੇ ਤਾਂ ਬਾਲੀਵੁੱਡ ਹਰ ਮੌਕੇ ’ਤੇ ਪਾਕਿਸਤਾਨ ਨੂੰ ਗਾਲ੍ਹਾਂ ਦਿੰਦਾ ਹੈ, ਨਫਰਤ ਕਰਦਾ ਹੈ, ਦੂਜੇ ਪਾਸੇ ਉਹ ਲਗਾਤਾਰ ਸਾਡੇ ਗੀਤ ਚੋਰੀ ਰਹੇ ਹਨ। ਕਾਪੀਰਾਈਟ ਉਲੰਘਣਾ ਅਤੇ ਰਾਇਲਟੀ ਭੁਗਤਾਨ ਨਾਲ ਉਨ੍ਹਾਂ ਨੂੰ ਕੋਈ ਮਤਲਬ ਹੀ ਨਹੀਂ ਹੈ।’’