''ਮੌਮ'' ਨੇ ਚੀਨ ''ਚ ਕੀਤੀ ਜ਼ਬਰਦਸਤ ਕਮਾਈ, ਬੋਨੀ ਕਪੂਰ ਹੋਏ ਭਾਵੁਕ

ਮੁੰਬਈ (ਬਿਊਰੋ) : ਚੀਨ 'ਚ ਸ਼ੁੱਕਰਵਾਰ ਨੂੰ ਸ਼੍ਰੀਦੇਵੀ ਦੀ ਆਖਰੀ ਫਿਲਮ 'ਮੌਮ' ਰਿਲੀਜ਼ ਹੋਈ ਅਤੇ ਇਹ ਪਲ ਬੋਨੀ ਕਪੂਰ ਅਤੇ ਉਸ ਦੇ ਪਰਿਵਾਰ ਲਈ ਬੇਹੱਦ ਭਾਵੁਕ ਸਨ। ਸ਼੍ਰੀਦੇਵੀ ਦੇ ਪਤੀ ਅਤੇ ਫਿਲਮ ਪ੍ਰੋਡਿਊਸਰ ਬੋਨੀ ਕਪੂਰ ਨੇ ਟਵੀਟ ਕੀਤਾ, ''ਅੱਜ ਚੀਨ 'ਚ 'ਮੌਮ' ਰਿਲੀਜ਼ ਹੋਈ ਹੈ। ਮੇਰੇ ਲਈ ਇਹ ਬੇਹੱਦ ਭਾਵਨਾਤਮਕ ਪਲ ਹੈ। ਸ਼੍ਰੀਦੇਵੀ ਦੀ ਆਖਰੀ ਫਿਲਮ ਨੂੰ ਇਸ ਪੱਧਰ ਤਕ ਪਹੁੰਚਾਉਣ ਲਈ ਜ਼ੀ ਸਟੂਡਿਓ ਦਾ ਧੰਨਵਾਦ।''

#Mom debuts at No 4 position at #China BO [opens better than last month’s #AndhaDhun]... Although the start is good, the biz needs to witness an upturn on Sat and Sun for a healthy weekend total... Fri $ 1.64 million [₹ 11.47 cr]. Note: Includes screenings held earlier.

— taran adarsh (@taran_adarsh) May 11, 2019

ਰਵੀ ਉਦੇਵਰ ਵੱਲੋਂ ਡਾਇਰੈਕਟ ਇਸ ਫਿਲਮ 'ਚ ਸ਼੍ਰੀਦੇਵੀ ਨੂੰ ਅਜਿਹਾ ਮਾਂ ਦਾ ਕਿਰਦਾਰ ਪਲੇਅ ਕੀਤਾ ਸੀ, ਜੋ ਸੌਤੇਲੀ ਧੀ ਨੂੰ ਨਿਆਂ ਦਵਾਉਣ ਲਈ ਇਕ ਨਵੇਂ ਸਫਰ ਦੀ ਸ਼ੁਰੂਆਤ ਕਰਦੀ ਹੈ। ਫਿਲਮ 'ਚ ਪਾਕਿਸਤਾਨੀ ਅਦਾਕਾਰਾ ਸਜਲ ਅਲੀ ਨੇ ਇਸ ਕਿਰਦਾਰ ਨੂੰ ਪਲੇਅ ਕੀਤਾ ਸੀ, ਜਿਸ ਨਾਲ ਗੈਂਗਰੇਪ ਹੁੰਦਾ ਹੈ। ਫਿਲਮ ਨੇ ਚੀਨ ਦੇ ਬਾਕਸ ਆਫਿਸ 'ਤੇ ਪਹਿਲੇ ਦਿਨ ਚੰਗਾ ਪ੍ਰਦਰਸ਼ਨ ਕੀਤਾ ਹੈ।

Mom releases in China today. An emotional moment for me. Thank you @ZeeStudios_ for spreading Sri’s last film to such wider audiences. I hope people will connect with the film there too. @SrideviBKapoor @MomTheMovie pic.twitter.com/VgAtGiuG9H

— Boney Kapoor (@BoneyKapoor) May 10, 2019

ਪਹਿਲੇ ਹੀ ਦਿਨ ਫਿਲਮ ਨੇ 11.47 ਕਰੋੜ ਰੁਪਏ ਦਾ ਕਾਰੋਬਾਰ ਕਰ ਲਿਆ ਹੈ। ਚੀਨ 'ਚ ਡੈਬਿਊ ਕਰਨ ਵਾਲੀ ਫਿਲਮਾਂ 'ਚ ਇਹ ਕਲੈਕਸ਼ਨ ਚੌਥੇ ਨੰਬਰ 'ਤੇ ਹੈ। ਸ਼੍ਰੀਦੇਵੀ ਨੂੰ ਇਸ ਫਿਲਮ 'ਚ ਨਿਭਾਏ ਕਿਰਦਾਰ ਲਈ ਮੌਤ ਤੋਂ ਬਾਅਦ ਬੈਸਟ ਐਕਟਰਸ ਦਾ ਨੈਸ਼ਨਲ ਐਵਾਰਡ ਮਿਲਿਆ ਸੀ। ਇਸ ਫਿਲਮ ਇਸ ਤੋਂ ਪਹਿਲਾਂ 40 ਖੇਤਰਾਂ 'ਚ ਰਿਲੀਜ਼ ਹੋ ਚੁੱਕੀ ਹੈ।