ਜਦੋਂ ਲਗਜ਼ਰੀ ਕਾਰਾਂ ਛੱਡ ਬੱਸਾਂ ''ਚ ਧੱਕੇ ਖਾਣ ਨੂੰ ਮਜ਼ਬੂਰ ਹੋਏ ਸਨ ਮੁਕੇਸ਼ ਅੰਬਾਨੀ

ਜਲੰਧਰ (ਬਿਊਰੋ) — ਦੇਸ਼ ਦੇ ਸਭ ਤੋਂ ਵੱਡੇ ਕਾਰੋਬਾਰੀ ਮੁਕੇਸ਼ ਅੰਬਾਨੀ ਦੁਨੀਆਂ ਦੇ ਸਭ ਤੋਂ ਅਮੀਰ ਲੋਕਾਂ ਦੀ ਲਿਸਟ 'ਚ ਸਭ ਤੋਂ ਟੌਪ 'ਤੇ ਆਉਂਦੇ ਹਨ। ਸ਼ਾਇਦ ਹੀ ਕੋਈ ਹੋਵੇਗਾ ਜਿਹੜਾ ਮੁਕੇਸ਼ ਅੰਬਾਨੀ ਬਾਰੇ ਨਹੀਂ ਜਾਣਦਾ ਹੋਵੇਗਾ। ਮੁਕੇਸ਼ ਅੰਬਾਨੀ ਦੀ ਇਸ ਤਰੱਕੀ ਬਾਰੇ ਤਾਂ ਹਰ ਕੋਈ ਜਾਣਦਾ ਹੈ ਪਰ ਉਨ੍ਹਾਂ ਦੀ ਲਵ ਸਟੋਰੀ ਬਾਰੇ ਕੋਈ ਵਿਰਲਾ ਹੀ ਜਾਣਦਾ ਹੋਵੇਗਾ। ਇਸ ਰਾਹੀਂ ਤੁਹਾਨੂੰ ਦੱਸਣ ਜਾ ਰਹੇ ਹਾਂ ਕਿ ਕਿਸ ਤਰ੍ਹਾਂ ਮੁਕੇਸ਼ ਅੰੰਬਾਨੀ ਨੂੰ ਨੀਤਾ ਅੰਬਾਨੀ ਨਾਲ ਪਿਆਰ ਹੋਇਆ ਤੇ ਕਿਵੇਂ ਦੋਹਾਂ ਨੇ ਵਿਆਹ ਕਰਵਾਇਆ।

ਮੁਕੇਸ਼ ਅੰਬਾਨੀ ਨੇ ਨੀਤਾ ਨਾਲ ਵਿਆਹ ਕਰਵਾਉਣ ਲਈ ਰੋਡ 'ਤੇ ਚੱਕਾ ਜਾਮ ਤੱਕ ਕਰ ਦਿੱਤਾ ਸੀ। ਨੀਤਾ ਦੇ ਪਿਤਾ ਬਿੜਲਾ ਗਰੁੱਪ 'ਚ ਕੰਮ ਕਰਦੇ ਸਨ। 1 ਦਿਨ ਬਿੜਲਾ ਪਰਿਵਾਰ ਨੇ ਇਕ ਪ੍ਰੋਗਰਾਮ ਰੱਖਿਆ ਸੀ। ਇਸ ਫੰਕਸ਼ਨ 'ਚ ਨੀਤਾ ਵੀ ਪਹੁੰਚੀ ਹੋਈ ਸੀ, ਇਸ ਦੌਰਾਨ ਨੀਤਾ ਨੇ ਭਾਰਤੀ ਕਲਾਸੀਕਲ ਡਾਂਸ ਕੀਤਾ ਸੀ।

ਜਦੋਂ ਉਨ੍ਹਾਂ ਨੇ ਡਾਂਸ ਕੀਤਾ ਤਾਂ ਮੁਕੇਸ਼ ਅੰਬਾਨੀ ਦੇ ਪਿਤਾ ਧੀਰੂ ਬਾਈ ਅੰਬਾਨੀ ਦੀ ਨਜ਼ਰ ਉਨ੍ਹਾਂ 'ਤੇ ਪਈ। ਧੀਰੂ ਭਾਈ ਨੀਤਾ ਤੋਂ ਕਾਫੀ ਪ੍ਰਭਾਵਿਤ ਹੋਏ, ਇਸੇ ਦੌਰਾਨ ਉਨ੍ਹਾਂ ਨੇ ਮਨ ਬਣਾ ਲਿਆ ਕਿ ਉਹ ਨੀਤਾ ਨੂੰ ਆਪਣੇ ਘਰ ਦੀ ਨੂੰਹ ਬਣਾਉਣਗੇ।ਇਸ ਤੋਂ ਬਾਅਦ ਧੀਰੂ ਭਾਈ ਨੇ ਕਿਸੇ ਤੋਂ ਨੀਤਾ ਦਾ ਨੰਬਰ ਲੈ ਕੇ ਫੋਨ ਕੀਤਾ। ਨੀਤਾ ਨੇ ਫੋਨ ਚੁੱਕਿਆ ਤਾਂ ਉਨ੍ਹਾਂ ਨੇ ਕਿਹਾ ਕਿ ''ਮੈਂ ਧੀਰੂ ਭਾਈ ਅੰਬਾਨੀ ਬੋਲ ਰਿਹਾ ਹਾਂ। ਨੀਤਾ ਨੇ ਸਮਝਿਆ ਕਿ ਕੋਈ ਉਨ੍ਹਾਂ ਨਾਲ ਮਸਤੀ ਕਰ ਰਿਹਾ ਹੈ। ਇਹ ਸਿਲਸਿਲਾ ਦੋ ਤਿੰਨ ਵਾਰ ਹੋਇਆ ਪਰ ਹਰ ਵਾਰ ਨੀਤਾ ਨੇ ਫੋਨ ਕੱਟ ਦਿੱਤਾ।

ਇਸ ਤੋਂ ਬਾਅਦ ਧੀਰੂ ਭਾਈ ਨੇ ਨੀਤਾ ਦੇ ਪਰਿਵਾਰ ਨਾਲ ਮੁਲਾਕਾਤ ਕੀਤੀ ਤੇ ਦੋਹਾਂ ਪਰਿਵਾਰਾਂ ਨੇ ਇਹ ਤੈਅ ਕੀਤਾ ਕਿ ਉਹ ਨੀਤਾ ਦਾ ਮੁਕੇਸ਼ ਨਾਲ ਵਿਆਹ ਕਰਵਾ ਦੇਣਗੇ। ਇਸ ਤੋਂ ਬਾਅਦ ਨੀਤਾ ਤੇ ਮੁਕੇਸ਼ ਅੰਬਾਨੀ ਮਿਲਣ ਲੱਗੇ ਸਨ। ਮੁਕੇਸ਼ ਹਮੇਸ਼ਾ ਮਹਿੰਗੀਆਂ ਕਾਰਾਂ 'ਚ ਨੀਤਾ ਨੂੰ ਮਿਲਣ ਲਈ ਆਉਂਦੇ ਸਨ ਪਰ ਨੀਤਾ ਚਾਹੁੰਦੀ ਸੀ ਕਿ ਉਹ ਮਹਿੰਗੀਆਂ ਕਾਰਾਂ ਛੱਡ ਕੇ ਉਸ ਨਾਲ ਬੱਸ 'ਚ ਸਫਰ ਕਰਨ।