ਦਿੱਲੀ ਦੇ ਵੱਧਦੇ ਪ੍ਰਦੂਸ਼ਣ ਤੋਂ ਪ੍ਰੇਸ਼ਾਨ ਹੋਈ ਪ੍ਰਿਅੰਕਾ ਚੋਪੜਾ ਨੇ ਲੋਕਾਂ ਨੂੰ ਕੀਤੀ ਇਹ ਅਪੀਲ
11/4/2019 9:54:03 AM
ਮੁੰਬਈ(ਬਿਊਰੋ)- ਦਿੱਲੀ- ਐੱਨ.ਸੀ.ਆਰ. ਵਿਚ ਧੁੰਦ ਦੀ ਸੰਘਣੀ ਚਾਦਰ ਛਾਈ ਹੋਈ ਹੈ। ਐੱਨ.ਸੀ.ਆਰ. ਦੇ ਸਾਰੇ ਸ਼ਹਿਰਾਂ ਦੀ ਹਵਾ ਬੇਹੱਦ ਖਰਾਬ ਹੈ। ਇਸ ਪ੍ਰਦੂਸ਼ਣ ਨਾਲ ਸਿਰਫ ਆਮ ਲੋਕ ਹੀ ਨਹੀਂ ਸਗੋਂ ਬਾਲੀਵੁੱਡ ਸਿਤਾਰੇ ਵੀ ਪ੍ਰਭਾਵਿਤ ਹਨ। ਪ੍ਰਿਅੰਕਾ ਚੋਪੜਾ ਇਨ੍ਹੀਂ ਦਿਨੀਂ ਆਪਣੀ ਨੈੱਟਫਲਿਕਸ ਫਿਲਮ ‘ਦਿ ਵਹਾਇਟ ਟਾਈਗਰ’ ਦੀ ਸ਼ੂਟਿੰਗ ਦਿੱਲੀ ’ਚ ਕਰ ਰਹੀ ਹੈ। ਉਨ੍ਹਾਂ ਨੇ ਵੱਧਦੇ ਪ੍ਰਦੂਸ਼ਣ ’ਤੇ ਚਿੰਤਾ ਜਤਾਈ ਹੈ।
ਪ੍ਰਿਅੰਕਾ ਚੋਪੜਾ ਨੇ ਇੰਸਟਾਗ੍ਰਾਮ ’ਤੇ ਚਿਹਰੇ ’ਤੇ ਮਾਸਕ ਅਤੇ ਅੱਖਾਂ ’ਤੇ ਚਸ਼ਮਾ ਲਗਾਏ ਹੋਏ ਆਪਣੀ ਇਕ ਤਸਵੀਰ ਸ਼ੇਅਰ ਕੀਤੀ ਹੈ। ਪ੍ਰਿਅੰਕਾ ਨੇ ਆਪਣੇ ਪੋਸਟ ਵਿਚ ਲਿਖਿਆ,‘ ‘ਦਿ ਵਹਾਇਟ ਟਾਈਗਰ’ ਦੇ ਸ਼ੂਟ ਦਾ ਦਿਨ। ਇਸ ਸ਼ਹਿਰ ਵਿਚ ਫਿਲਹਾਲ ਸ਼ੂਟਿੰਗ ਕਰਨਾ ਬਹੁਤ ਮੁਸ਼ਕਿਲ ਹੋ ਰਿਹਾ ਹੈ, ਮੈਨੂੰ ਸਮਝ ਨਹੀਂ ਆਉਂਦਾ ਕਿ ਲੋਕ ਇਨ੍ਹਾਂ ਹਾਲਾਤਾਂ ਵਿਚ ਇੱਥੇ ਰਹਿ ਕਿਵੇਂ ਰਹੇ ਹਨ। ਸ਼ੁੱਕਰ ਹੈ ਕਿ ਸਾਡੇ ਕੋਲ ਏਅਰ ਪਿਊਰੀਫਾਇਰ ਅਤੇ ਮਾਸਕ ਵਰਗੀਆਂ ਸਹੂਲਤਾਂ ਹਨ। ਗਰੀਬਾਂ ਅਤੇ ਬੇਘਰਾਂ ਲਈ ਦੁਆਵਾਂ ਕਰੋ। ਸਾਰੇ ਲੋਕ ਆਪਣਾ ਧਿਆਨ ਰੱਖਣ।’
ਇਸ ਤੋਂ ਪਹਿਲਾਂ ਅਰਜੁਨ ਰਾਮਪਾਲ ਨੇ ਟਵੀਟ ਕਰ ਦੱਸਿਆ ਸੀ ਕਿ ਦਿੱਲੀ ਵਿਚ ਹਾਲਤ ਹੁਣ ਕਿੰਨੀ ਖਰਾਬ ਹੈ। ਉਨ੍ਹਾਂ ਨੇ ਲਿਖਿਆ,‘‘ਹੁਣੇ-ਹੁਣੇ ਦਿੱਲੀ ਪਹੁੰਚਿਆ ਹਾਂ। ਇੱਥੇ ਦੀ ਹਵਾ ਬਿਲਕੁੱਲ ਸਾਹ ਲੈਣ ਦੇ ਕਾਬਿਲ ਨਹੀਂ ਹੈ। ਸ਼ਹਿਰ ਦੀ ਅੱਜ ਜੋ ਹਾਲਤ ਹੋ ਗਈ ਹੈ। ਪ੍ਰਦੂਸ਼ਣ ਸਾਫ ਨਜ਼ਰ ਆ ਰਿਹਾ ਹੈ, ਚਾਰੇ ਪਾਸੇ ਧੁੰਧ ਛਾਈ ਹੋਈ ਹੈ। ਲੋਕਾਂ ਨੇ ਮਾਸਕ ਲਗਾ ਕੇ ਰੱਖਿਆ ਹੈ। ਅਖੀਰ ਕਿਸੇ ਨੂੰ ਜਗਾਉਣ ਲਈ ਅਤੇ ਸਹੀ ਕਦਮ ਚੁੱਕਣ ਲਈ ਕਿੰਨੀਆਂ ਹੋਰ ਤਬਾਹੀਆਂ ਦੀ ਜ਼ਰੂਰਤ ਹੈ? ਸਾਨੂੰ ਦੱਸੋ ਜੇਕਰ ਅਸੀਂ ਲੋਕ ਗਲਤ ਹਾਂ? ਦਿੱਲੀ ਬਚਾਓ।’’
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ