ਨਾਗਰਿਕਤਾ ਕਾਨੂੰਨ ਬਿੱਲ ’ਤੇ ਪ੍ਰਿਯੰਕਾ ਨੇ ਤੋੜੀ ਚੁੱਪੀ, ਕਿਹਾ-ਹਰ ਆਵਾਜ਼ ਮਹੱਤਵ ਰੱਖਦੀ ਹੈ
12/20/2019 9:37:39 AM
ਮੁੰਬਈ(ਬਿਊਰੋ)- ਅਭਿਨੇਤਰੀ ਪ੍ਰਿਅੰਕਾ ਚੋਪੜਾ ਨੇ ਜਾਮੀਆ ਮਿਲੀਆ ਇਸਲਾਮੀਆ ਅਤੇ ਅਲੀਗੜ੍ਹ ਮੁਸਲਿਮ ਯੂਨੀਵਰਸਿਟੀ ਵਿਚ ਵਿਦਿਆਰਥੀਆਂ 'ਤੇ ਪੁਲਸ ਦੀ ਕਾਰਵਾਈ ਨੂੰ ਗਲਤ ਦੱਸਿਆ ਹੈ। ਵਿਦਿਆਰਥੀਆਂ ਦਾ ਪ੍ਰਦਰਸ਼ਨ ਹਿੰਸਕ ਹੋਣ ਤੋਂ ਬਾਅਦ ਪੁਲਸ ਇਸ ਯੂਨੀਵਰਸਿਟੀ ਅੰਦਰ ਦਾਖਲ ਹੋ ਗਈ ਸੀ। ਅਭਿਨੇਤਰੀ ਨੇ ਟਵਿਟਰ ’ਤੇ ਕਿਹਾ, ''ਹਰ ਬੱਚੇ ਲਈ ਸਿੱਖਿਆ ਸਾਡਾ ਸੁਪਨਾ ਹੈ। ਸਿੱਖਿਆ ਹੀ ਹੈ, ਜੋ ਸਾਨੂੰ ਆਜ਼ਾਦ ਰੂਪ ਵਿਚ ਸੋਚਣ ਦੇ ਯੋਗ ਬਣਾਉਂਦੀ ਹੈ। ਅਸੀਂ ਆਪਣੇ ਪਾਲਣ-ਪੋਸ਼ਣ ਵਿਚ ਉਨ੍ਹਾਂ ਨੂੰ ਆਵਾਜ਼ ਉਠਾਉਣਾ ਸਿਖਾਇਆ ਹੈ। ਇਕ ਵਧਦੇ-ਫੁਲਦੇ ਲੋਕਤੰਤਰ ਵਿਚ ਸ਼ਾਂਤੀਪੂਰਨ ਤਰੀਕੇ ਨਾਲ ਆਵਾਜ਼ ਉਠਾਉਣ 'ਤੇ ਹਿੰਸਾ ਹੋਣਾ ਗਲਤ ਹੈ। ਹਰ ਆਵਾਜ਼ ਮਹੱਤਵ ਰੱਖਦੀ ਹੈ ਅਤੇ ਹਰ ਆਵਾਜ਼ ਬਦਲਦੇ ਭਾਰਤ ਲਈ ਕੰਮ ਕਰੇਗੀ।''
— PRIYANKA (@priyankachopra) December 18, 2019
ਜ਼ਿਕਰਯੋਗ ਹੈ ਕਿ ਯੂਨੀਵਰਸਿਟੀ ਹਾਲ ਵਿਚ ਵਿਦਿਆਰਥੀਆਂ ਵਿਰੁੱਧ ਪੁਲਸ ਦੀ ਕਾਰਵਾਈ ਨੂੰ ਲੈ ਕੇ ਅਭਿਨੇਤਾ ਫਰਹਾਨ ਅਖਤਰ, ਰਿਤਿਕ ਰੋਸ਼ਨ, ਮੁਹੰਮਦ ਜੀਸ਼ਾਨ, ਪਰਿਣੀਤੀ ਚੋਪੜਾ, ਸਿਧਾਰਥ ਮਲਹੋਤਰਾ, ਜਾਵੇਦ ਅਖਤਰ ਅਤੇ ਅਨੁਰਾਗ ਕਸ਼ਯਪ ਜਿਹੇ ਸੈਲੀਬ੍ਰਿਟੀਜ਼ ਨੇ ਨੌਜਵਾਨਾਂ ਨਾਲ ਇਕਜੁੱਟਤਾ ਜ਼ਾਹਿਰ ਕੀਤੀ ਹੈ।
As a parent and a citizen of india , I am deeply saddened by the unrest across various educational institutions of our country. I hope and pray for peace to return as soon as possible. Great teachers learn from their students. I salute the worlds youngest democracy.
— Hrithik Roshan (@iHrithik) December 18, 2019
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ