ਰਾਹੁਲ ਦੇਵ ਦੇ ਪਿਤਾ ਦਾ ਦਿਹਾਂਤ, ਸੋਸ਼ਲ ਮੀਡੀਆ ''ਤੇ ਲਿਖੀ ਭਾਵੁਕ ਪੋਸਟ
4/22/2019 3:54:56 PM
ਮੁੰਬਈ (ਬਿਊਰੋ) — ਟੈਲੀਵਿਜ਼ਨ ਦੀ ਦੁਨੀਆ ਦੇ ਮਸ਼ਹੂਰ ਕਲਾਕਾਰ ਤੇ ਬਾਲੀਵੁੱਡ ਐਕਟਰ ਰਾਹੁਲ ਦੇਵ ਦੇ ਪਿਤਾ ਦਾ ਦਿਹਾਂਤ ਹੋ ਗਿਆ ਹੈ। ਰਾਹੁਲ ਦੇਵ ਦੇ ਪਿਤਾ 91 ਸਾਲ ਦੇ ਸਨ। ਰਾਹੁਲ ਦੇਵ ਨੇ ਟਵੀਟ ਕਰਕੇ ਇਸ ਗੱਲ ਦੀ ਜਾਣਕਾਰੀ ਦਿੱਤੀ ਕਿ ਬੀਤੇ ਹਫਤੇ ਮੇਰੇ ਪਿਤਾ ਦਾ ਦਿਹਾਂਤ ਹੋ ਗਿਆ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਪਿਤਾ ਦੀ ਇਕ ਤਸਵੀਰ ਵੀ ਸ਼ੇਅਰ ਕੀਤੀ ਹੈ, ਜਿਸ 'ਚ ਉਹ ਪਿਤਾ ਨਾਲ ਬੈਠੇ ਨਜ਼ਰ ਆ ਰਹੇ ਹਨ। ਰਾਹੁਲ ਨੇ ਕੈਪਸ਼ਨ 'ਚ ਲਿਖਿਆ, ''ਤੁਹਾਡੀ ਹਮੇਸ਼ਾ ਯਾਦ ਆਏਗੀ ਪਾਪਾ। 5 ਦਿਨ ਪਹਿਲਾ 91 ਸਾਲ ਦੀ ਉਮਰ 'ਚ ਉਹ ਸਾਨੂੰ ਛੱਡ ਕੇ ਹਮੇਸ਼ਾ ਲਈ ਚਲੇ ਗਏ। ਸ਼ਾਨਦਾਰ 90 ਦੀ ਉਮਰ 'ਚ ਉਨ੍ਹਾਂ ਨਾਲ ਬਿਤਾਇਆ ਸਭ ਤੋਂ ਯਾਦਗਾਰ ਪਲ''।
ਰਾਹੁਲ ਨੇ ਇਹ ਵੀ ਕਿਹਾ ਹੈ ਕਿ ਮੇਰੇ ਪਿਤਾ ਇਕ ਪੁਲਸ ਆਫਸਰ ਸਨ ਅਤੇ ਉਨ੍ਹਾਂ ਨੂੰ ਕਈ ਪੁਰਸਕਾਰਾਂ ਨਾਲ ਸਨਮਾਨਿਤ ਕੀਤਾ ਜਾ ਚੁੱਕਾ ਹੈ। ਰਾਹੁਲ ਨੇ ਕਿਹਾ, ''ਉਹ ਇਕ ਸਾਧਾਰਨ ਤੇ ਦਿਆਲੁ ਕਿਸਮ ਦੇ ਇਨਸਾਨ ਸਨ। ਖੁਦ 'ਤੇ ਮਾਣ ਮਹਿਸੂਸ ਕਰਦਾ ਹਾਂ ਕਿ ਮੈਂ ਉਨ੍ਹਾਂ ਦਾ ਬੇਟਾ ਹਾਂ।''
ਦੱਸਣਯੋਗ ਹੈ ਕਿ ਰਾਹੁਲ ਦੇਵ ਨੇ ਸਾਲ 2000 'ਚ ਆਈ ਫਿਲਮ 'ਚੈਂਪੀਅਨ' ਨਾਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ। ਰਾਹੁਲ ਫਿਲਮ 'ਅਸ਼ੋਕਾ', 'ਓਮਕਾਰਾ', 'ਮੁਬਾਰਾਕਾਂ' 'ਚ ਵੀ ਕੰਮ ਕਰ ਚੁੱਕੇ ਹਨ। ਹਿੰਦੀ ਤੋਂ ਇਲਾਵਾ ਰਾਹੁਲ ਦੇਵ ਨੇ ਬੰਗਾਲਾ, ਕੰਨੜ, ਮਲਿਆਲਮ, ਓਡੀਸ਼ਾ, ਪੰਜਾਬੀ, ਤਮਿਲ ਤੇ ਤੇਲੁਗੁ ਫਿਲਮਾਂ 'ਚ ਵੀ ਕੰਮ ਕੀਤਾ ਹੈ।
Will miss you Papa ❤️.. He left us five days ago, a brilliant innings of 91 .. Most cherished moment with him at a robust ninety. Decorated police officer & the recipient of the coveted Gallantry Award. A simple, kind & free spirited soul. Blessed to be his son 🙏❤️ pic.twitter.com/pnuMeng4bd
— Rahul Dev Official (@RahulDevRising) April 21, 2019
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ