ਰਾਖੀ ਸਾਵੰਤ ਨੇ ਵਿਆਹ ਦੀਆਂ ਖਬਰਾਂ ''ਤੇ ਲਗਾਈ ਮੋਹਰ, ਦੱਸਿਆ ਇੰਝ ਸ਼ੁਰੂ ਹੋਈ ਲਵ ਸਟੋਰੀ

ਮੁੰਬਈ(ਬਿਊਰੋ)— ਬਾਲੀਵੁੱਡ ਦੀ ਕੰਟਰੋਵਰਸੀ ਕੁਈਨ ਰਾਖੀ ਸਾਵੰਤ ਆਪਣੇ ਵਿਆਹ ਦੀਆਂ ਖਬਰਾਂ ਖਾਰਿਜ ਕਰਨ ਤੋਂ ਬਾਅਦ ਹੁਣ ਇਕ ਨਵਾਂ ਬਿਆਨ ਜਾਰੀ ਕਰਕੇ ਖਲਬਲੀ ਮਚਾ ਦਿੱਤੀ ਹੈ । ਦਰਅਸਲ ਰਾਖੀ ਸਾਵੰਤ ਨੇ ਵਿਆਹ ਕਰਨ ਦੀ ਗੱਲ ਨੂੰ ਸਵੀਕਾਰ ਕਰ ਲਿਆ ਹੈ । ਇਕ ਇੰਟਰਵਿਊ 'ਚ ਰਾਖੀ ਨੇ ਕਿਹਾ ਹੈ ਕਿ ਉਸ ਨੇ ਵਿਆਹ ਕਰਵਾ ਲਿਆ ਹੈ ।

ਰਾਖੀ ਨੇ ਕਿਹਾ ਹੈ ਕਿ 'ਮੈਂ ਡਰ ਗਈ ਸੀ, ਹਾਂ ਮੈਂ ਵਿਆਹ ਕਰਵਾ ਲਿਆ ਹੈ, ਮੈਂ ਆਪਣੇ ਵਿਆਹ ਦੀ ਖਬਰ ਨੂੰ ਸਵੀਕਾਰ ਕਰ ਰਹੀ ਹਾ।'  ਇੰਟਰਵਿਊ ਦੌਰਾਨ ਰਾਖੀ ਕੋਲੋਂ ਪੁੱਛਿਆ ਗਿਆ ਕਿ ਉਨ੍ਹਾਂ ਦਾ ਵਿਆਹ ਅਚਾਨਕ ਇਸ ਤਰ੍ਹਾਂ ਕਿਵੇਂ ਹੋਇਆ? ਇਸ 'ਤੇ ਰਾਖੀ ਨੇ ਕਿਹਾ, 'ਸਭ ਤੋਂ ਪਹਿਲਾਂ ਮੈਂ ਇਹ ਦੱਸਣਾ ਚਾਹੁੰਦੀ ਹਾਂ ਕਿ ਮੇਰਾ ਪਤੀ ਐੱਨ.ਆਰ.ਆਈ ਹੈ'

ਰਾਖੀ ਨੇ ਅੱਗੇ ਦੱਸਿਆ,'ਮੇਰੇ ਪਤੀ ਦਾ ਨਾਂ ਰਿਤੇਸ਼ ਹੈ ਤੇ ਉਹ ਯੂ.ਕੇ. 'ਚ ਰਹਿੰਦੇ ਹਨ। ਉਹ ਵਾਪਸ ਜਾ ਚੁੱਕਿਆ ਹੈ ਮੇਰੇ ਵੀਜੇ ਦਾ ਪ੍ਰੋਸੈਸ ਚੱਲ ਰਿਹਾ ਹੈ ਤੇ ਮੈਂ ਵੀ ਜਲਦ ਉੱਥੇ ਪਹੁੰਚਣ ਵਾਲੀ ਹਾਂ।'

ਰਾਖੀ ਨੇ ਅੱਗੇ ਕਿਹਾ,'ਉਹ ਰੱਬ ਦੀ ਸ਼ੁਕਰਗੁਜ਼ਾਰ ਹੈ ਕਿ ਉਸ ਨੂੰ ਬਹੁਤ ਵਧੀਆ ਪਤੀ ਮਿਲਿਆ ਹੈ? ਰਾਖੀ ਨੇ ਕਿਹਾ ਕਿ ਉਨ੍ਹਾਂ ਦੋਵਾਂ ਨੂੰ ਫੋਨ 'ਤੇ ਹੀ ਇਕ-ਦੂਜੇ ਨਾਲ ਪਿਆਰ ਹੋ ਗਿਆ ਸੀ।'' ਇਸ ਤੋਂ ਪਹਿਲਾਂ ਦੀ ਗੱਲ ਕੀਤੀ ਜਾਵੇ ਤਾਂ ਇਹ ਖਬਰਾਂ ਸਾਹਮਣੇ ਆਈਆਂ ਸਨ ਕਿ ਰਾਖੀ ਨੇ ਮੁੰਬਈ ਦੇ ਇਕ ਹੋਟਲ 'ਚ ਚੋਰੀ ਛਿਪੇ ਵਿਆਹ ਕਰਵਾ ਲਿਆ ਹੈ।

ਇਨ੍ਹਾਂ ਖਬਰਾਂ ਤੋਂ ਬਾਅਦ ਰਾਖੀ ਨੇ ਕਿਹਾ ਸੀ ਕਿ ਉਸ ਨੇ ਕੋਈ ਵਿਆਹ ਨਹੀਂ ਕਰਵਾਇਆ, ਇਹ ਤਾਂ ਇਕ ਫੋਟੋਸ਼ੂਟ ਸੀ। ਹੁਣ ਰਾਖੀ ਦਾ ਨਵਾਂ ਬਿਆਨ ਸਾਹਮਣੇ ਆਇਆ ਹੈ, ਜਿਸ 'ਚ ਉਸ ਨੇ ਕਿਹਾ ਹੈ ਕਿ ਉਸ ਦਾ ਵਿਆਹ ਹੋ ਗਿਆ ਹੈ  ਪਰ ਹੁਣ ਦੇਖਣਾ ਇਹ ਦਿਲਚਸਪ ਹੋਵੇਗਾ ਕਿ ਰਾਖੀ ਆਪਣੀ ਇਸ ਗੱਲ ਤੇ ਟਿੱਕੀ ਰਹਿੰਦੀ ਹੈ ਜਾਂ ਆਉਣ ਵਾਲੇ ਦਿਨਾਂ 'ਚ ਕੁਝ ਨਵਾਂ ਖੁਲਾਸਾ ਕਰੇਗੀ।