B''Day Spl : ਗਾਇਕੀ ਤੋਂ ਬੇਬਾਕੀ ਨਾਲ ਹਰ ਰਾਏ ਰੱਖਣ ਵਾਲੀ ਰੁਪਿੰਦਰ ਹਾਂਡਾ
9/30/2019 11:55:19 AM
ਜਲੰਧਰ (ਬਿਊਰੋ) — ਸੁਰਾਂ ਦੀ ਮੱਲਿਕਾ ਰੁਪਿੰਦਰ ਹਾਂਡਾ ਦਾ ਅੱਜ ਜਨਮਦਿਨ ਹੈ। ਉਹ ਹਮੇਸ਼ਾ ਹੀ ਆਪਣੇ ਬੋਲਾਂ ਨਾਲ ਦਰਸ਼ਕਾਂ ਦੇ ਦਿਲ ਲੁੱਟਦੇ ਰਹਿੰਦੇ ਹਨ। ਸੋਰਤਿਆਂ ਦੀ ਝੋਲੀ 'ਚ ਆਨੇਕਾਂ ਹੀ ਸੱਭਿਆਚਾਰਕ ਗੀਤ ਪਾਉਣ ਵਾਲੀ ਗਾਇਕਾ ਰੁਪਿੰਦਰ ਹਾਂਡਾ ਹਮੇਸ਼ਾ ਆਪਣੇ ਗੀਤਾਂ ਤੇ ਬੇਬਾਕੀ ਭਰੇ ਅੰਦਾਜ਼ ਨੂੰ ਲੈ ਕੇ ਸੁਰਖੀਆਂ 'ਚ ਰਹਿੰਦੇ ਹਨ।
ਰੁਪਿੰਦਰ ਹਾਂਡਾ ਹੁਣ ਤੱਕ 'ਨਾ ਰੁਸਦੀ', 'ਸਟੈਂਡ', 'ਪਰਵਾਹ ਨੀ ਕਰਦੀ', 'ਦੁੱਖ', 'ਤੇਰੀ ਮੇਰੀ', 'ਟੋਰ', 'ਕਿਸੇ ਬਹਾਨੇ', 'ਸਾਹਾਂ ਵਿਚ', 'ਬੇਰੁਖੀਆਂ' ਅਤੇ 'ਕੁਈਨ ਆਫ ਸਰਦਾਰ' ਸਮੇਤ ਆਨੇਕਾਂ ਗੀਤ ਗਾ ਚੁੱਕੀ ਹੈ। ਉਨ੍ਹਾਂ ਦੇ ਗੀਤ 'ਘੈਂਟ ਜਿਹੀ ਜੱਟੀ ਹਾਂ' ਨੂੰ ਸਰੋਤਿਆਂ ਵਲੋਂ ਖੂਬ ਪਸੰਦ ਕੀਤਾ ਗਿਆ।
ਦੱਸ ਦਈਏ ਕਿ ਰੁਪਿੰਦਰ ਹਾਂਡਾ ਨੇ ਬੀਤੇ ਦਿਨੀਂ ਆਪਣੇ ਇਕ ਨੰਨ੍ਹੇ ਫੈਨ ਦੀ ਤਸਵੀਰ ਸਾਂਝੀ ਕੀਤੀ ਸੀ, ਜਿਸ 'ਚ ਉਨ੍ਹਾਂ ਦੇ ਪ੍ਰਸ਼ੰਸਕ ਨੇ ਆਪਣੀ ਬਾਂਹ 'ਤੇ ਉਨ੍ਹਾਂ ਦੇ ਨਾਂ ਦਾ ਟੈਟੂ ਬਣਾਇਆ ਹੈ।
ਇਸ ਤਸਵੀਰ ਨੂੰ ਸਾਂਝਾ ਕਰਦੇ ਹੋਏ ਰੁਪਿੰਦਰ ਹਾਂਡਾ ਨੇ ਲਿਖਿਆ ਕਿ ''ਭੋਲੇ ਭਾਲੇ ਬੱਚੇ ਰੱਬ ਦਾ ਰੂਪ ਹੁੰਦੇ ਹਨ। ਦਿਲ ਤੋਂ ਸੋਚਦੇ, ਇਸ ਬੱਚੇ ਨੇ ਮੇਰੇ ਨਾਂ ਦਾ ਟੈਟੂ ਆਪਣੀ ਬਾਂਹ 'ਤੇ ਗੁਦਵਾਇਆ ਹੋਇਆ ਹੈ। ਧੰਨਵਾਦ ਮੇਰੇ ਛੋਟੇ ਜਿਹੇ ਪਿਆਰੇ ਪ੍ਰਸ਼ੰਸਕ ਪ੍ਰਮਾਤਮਾ ਤੁਹਾਡਾ ਭਲਾ ਕਰੇ, ਜਲਦ ਮਿਲਣ ਆਵਾਂਗੀ।''
ਦੱਸਣਯੋਗ ਹੈ ਕਿ ਪਿਛਲੇ ਸਾਲ ਹਰਿਆਣਾ ਜੀ. ਕੇ. ਪ੍ਰਸ਼ਨ ਪੱਤਰ 'ਚ ਰੁਪਿੰਦਰ ਹਾਂਡਾ ਨੂੰ ਲੈ ਕੇ ਇਕ ਸਵਾਲ ਪੁੱਛਿਆ ਗਿਆ ਸੀ। ਇਸ ਪ੍ਰਸ਼ਨ ਪੱਤਰ 'ਚ ਪੁੱਛਿਆ ਗਿਆ ਸੀ ਕਿ 'ਪੰਜਾਬੀ ਗਾਇਕਾ ਰੁਪਿੰਦਰ ਹਾਂਡਾ ਕਿੱਥੇ ਦੀ ਰਹਿਣ ਵਾਲੀ ਹੈ?' ਰੁਪਿੰਦਰ ਹਾਂਡਾ ਲਈ ਇਹ ਗੱਲ ਕਾਫੀ ਮਾਣ ਵਾਲੀ ਸੀ, ਕਿ ਜੇ. ਕੇ. ਦੇ ਪੇਪਰ 'ਚ ਉਨ੍ਹਾਂ ਨੂੰ ਲੈ ਕੇ ਸਵਾਲ ਪੁੱਛਿਆ ਗਿਆ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
