ਤੀਜੇ ਦਿਨ ਵੀ ਪ੍ਰਭਾਸ ਦੀ ‘ਸਾਹੋ’ ਨੇ ਕੀਤੀ ਜ਼ਬਰਦਸਤ ਕਮਾਈ
9/2/2019 3:58:08 PM
ਮੁੰਬਈ(ਬਿਊਰੋ)- ਸਾਊਥ ਸਟਾਰ ਪ੍ਰਭਾਸ ਅਤੇ ਬਾਲੀਵੁੱਡ ਅਦਾਕਾਰਾ ਸ਼ਰਧਾ ਕਪੂਰ ਦੀ ਫ਼ਿਲਮ ‘ਸਾਹੋ’ ਬਾਕਸ ਆਫਿਸ ’ਤੇ ਬਹੁਤ ਵਧੀਆ ਕਮਾਈ ਕਰ ਰਹੀ ਹੈ। 24 ਕਰੋੜ ਰੁਪਏ ਨਾਲ ਸ਼ਾਨਦਾਰ ਓਪਨਿੰਗ ਕਰਨ ਵਾਲੀ ‘ਸਾਹੋ’ ਨੇ ਤੀਜੇ ਦਿਨ ਯਾਨੀ ਐਤਵਾਰ ਨੂੰ ਵੀ ਵਧੀਆ ਕਮਾਈ ਕੀਤੀ ਹੈ। ਬਾਕਸ ਆਫ਼ਿਸ ਇੰਡੀਆ ਡੌਟ ਕੌਮ ਦੇ ਮੁਤਾਬਕ ‘ਸਾਹੋ’ ਨੇ ਪਿਛਲੇ ਦਿਨ ਯਾਨੀ ਐਤਵਾਰ ਨੂੰ 29 ਤੋਂ 30 ਕਰੋੜ ਦੀ ਜ਼ਬਰਦਸਤ ਕਮਾਈ ਕੀਤੀ ਹੈ। ਇਸ ਤਰ੍ਹਾਂ ਇਹ ਫ਼ਿਲਮ ਸਿਰਫ ਹਿੰਦੀ ਭਾਸ਼ਾ ‘ਚ ਹੀ ਤਿੰਨ ਦਿਨ ਦੇ ਅੰਦਰ 79 ਤੋਂ 80 ਕਰੋੜ ਦੀ ਕਮਾਈ ਕਰ ਚੁੱਕੀ ਹੈ। ਇਸੇ ਤਰ੍ਹਾਂ ਦੂਜੇ ਦਿਨ ਵੀ ਫ਼ਿਲਮ ਨੇ 23 ਕਰੋੜ ਦੀ ਰੁਪਏ ਦੀ ਕਮਾਈ ਕੀਤੀ ਸੀ।
ਫ਼ਿਲਮ ਦੇ ਓਵਰ ਆਲ ਬਿਜ਼ਨਸ ਦੀ ਗੱਲ ਕਰੀਏ ਤਾਂ ਦੇਸ਼ ਭਰ ‘ਚੋਂ ਹੁਣ ਤੱਕ ‘ਸਾਹੋ’ ਫ਼ਿਲਮ 200 ਕਰੋੜ ਰੁਪਏ ਦਾ ਅੰਕੜਾ ਛੂਹ ਲਿਆ ਹੈ। ਕਮਾਈ ਦੇ ਮਾਮਲੇ ‘ਚ ‘ਸਾਹੋ’ ਫਿਲਮ ਦੀ ਗੱਲ ਕਰੀਏ ਤਾਂ ਇਹ ਤੀਸਰੀ ਅਜਿਹੀ ਡੱਬ ਫ਼ਿਲਮ ਬਣ ਚੁੱਕੀ ਹੈ ਜਿਸ ਨੇ ਹਿੰਦੀ ਸਿਨੇਮਾ ‘ਤੇ ਸਭ ਤੋਂ ਵੱਧ ਕਮਾਈ ਦਾ ਰਿਕਾਰਡ ਬਣਾਇਆ ਹੈ। ਇਸ ਤੋਂ ਪਹਿਲਾਂ ਪ੍ਰਭਾਸ ਨੇ ‘ਬਾਹੂਬਲੀ’ ਰਾਹੀਂ ਵੀ ਖੂਬ ਧਮਾਲ ਮਚਾਇਆ ਸੀ। ਇਸ ਤੋਂ ਪਹਿਲਾਂ ਬਾਹੂਬਲੀ ਫ਼ਿਲਮ ਦੇ ਜ਼ਰੀਏ ਪ੍ਰਭਾਸ ਹਿੰਦੀ ਸਿਨੇਮਾ ‘ਤੇ ਕਮਾਲ ਦਾ ਪ੍ਰਦਰਸ਼ਨ ਕਰ ਚੁੱਕੇ ਹਨ। ਹੁਣ ਇਸ ਮਾਡਰਨ ਅੰਦਾਜ਼ ਅਤੇ ਐਕਸ਼ਨ ਨਾਲ ਭਰਪੂਰ ਫ਼ਿਲਮ ਸਾਹੋ ‘ਚ ਵੀ ਪ੍ਰਭਾਸ ਨੂੰ ਦਰਸ਼ਕ ਕਾਫੀ ਪਸੰਦ ਕਰ ਰਹੇ ਹਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
