ਪੰਜਾਬੀ ਸਿਨੇਮਾ ਦਾ ਅਨਿੱਖੜਵਾਂ ਅੰਗ ਹੈ ''ਮੰਜੇ ਬਿਸਤਰੇ 2'' ਦਾ ਅਦਾਕਾਰ ਸਰਦਾਰ ਸੋਹੀ
4/3/2019 11:37:48 AM
ਜਲੰਧਰ (ਬਿਊਰੋ) : ਪੰਜਾਬੀ ਫਿਲਮ ਇੰਡਸਟਰੀ 'ਚ ਉੱਘੇ ਅਦਾਕਾਰ ਸਰਦਾਰ ਸੋਹੀ ਦਾ ਕਾਫੀ ਬੋਲਬਾਲਾ ਹੈ। ਇਨ੍ਹੀਂ ਦਿਨੀਂ ਸਰਦਾਰ ਸੋਹੀ ਆਪਣੀ ਆਉਣ ਵਾਲੀ ਫਿਲਮ 'ਮੰਜੇ ਬਿਸਤਰੇ 2' ਦੀ ਪ੍ਰਮੋਸ਼ਨ 'ਚ ਰੁੱਝੇ ਹੋਏ ਹਨ। ਇਸ ਫਿਲਮ 'ਚ ਗਿੱਪੀ ਗਰੇਵਾਲ ਤੇ ਸਿਮੀ ਚਾਹਲ ਮੁੱਖ ਭੂਮਿਕਾ 'ਚ ਹਨ। ਇਨ੍ਹਾਂ ਤੋਂ ਇਲਾਵਾ ਪੰਜਾਬੀ ਫਿਲਮ ਇੰਡਸਟਰੀ ਦੇ ਕਈ ਨਾਮੀ ਕਲਾਕਾਰ ਵੀ ਨਜ਼ਰ ਆਉਣਗੇ। ਸਰਦਾਰ ਸੋਹੀ ਪੰਜਾਬੀ ਫਿਲਮ ਇੰਡਸਟਰੀ ਦੀ ਉਹ ਫਨਕਾਰ ਹੈ, ਜਿਨ੍ਹਾਂ ਬਿਨਾਂ ਅੱਜ ਕੋਈ ਵੀ ਪੰਜਾਬੀ ਫਿਲਮ ਅਧੂਰੀ ਜਿਹੀ ਲੱਗਦੀ ਹੈ।
ਪਰਮਜੀਤ ਸਿੰਘ ਤੋ ਬਣੇ ਸਰਦਾਰ ਸੋਹੀ
ਦੱਸ ਦਈਏ ਕਿ ਸਰਦਾਰ ਸੋਹੀ ਦਾ ਅਸਲ ਨਾਂ ਪਰਮਜੀਤ ਸਿੰਘ ਸੀ। ਰੰਗ ਮੰਚ ਨੇ ਉਨ੍ਹਾਂ ਨੂੰ ਨਾਂ ਦੇ ਦਿੱਤਾ ਹੈ। ਅੱਜ ਕੱਲ ਉਨ੍ਹਾਂ ਨੂੰ ਫਿਲਮ ਇੰਡਸਟਰੀ 'ਚ ਹਰ ਕੋਈ ਸਰਦਾਰ ਸੋਹੀ ਦੇ ਨਾਂ ਨਾਲ ਜਾਣਦੇ ਹਨ।
ਪੜਾਈ ਤੋਂ ਹਮੇਸ਼ਾ ਦੂਰ ਰਹੇ ਸਰਦਾਰ ਸੋਹੀ
ਬਚਪਨ ਤੋਂ ਪੜਾਈ ਤੋਂ ਤਾਂ ਸਰਦਾਰ ਸੋਹੀ ਦੂਰ ਹੋ ਗਏ ਸਨ ਪਰ ਅਦਾਕਾਰੀ ਦਾ ਕੀੜਾ ਉਨ੍ਹਾਂ ਦੇ ਅੰਦਰ ਹਮੇਸ਼ਾ ਜਿਉਂਦਾ ਰਿਹਾ, ਜੋ ਸਰਦਾਰ ਸੋਹੀ ਨੂੰ ਮੁੰਬਈ ਤੱਕ ਲੈ ਗਿਆ ਪਰ 2 ਮਹੀਨਿਆਂ ਬਾਅਦ ਹੀ ਉਨ੍ਹਾਂ ਨੂੰ ਵਾਪਸ ਪਰਤਣਾ ਪਿਆ। ਦਰਅਸਲ ਸਰਦਾਰ ਸੋਹੀ ਨੂੰ ਇਹ ਤਾਂ ਪਤਾ ਲੱਗ ਗਿਆ ਸੀ ਕਿ ਐਕਟਿੰਗ ਸਿੱਖਣ ਤੋਂ ਬਿਨਾਂ ਕੀਤੇ ਗੱਲ ਨਹੀਂ ਬਣਨੀ, ਜਿਸ ਤੋਂ ਬਾਅਦ ਉਨ੍ਹਾਂ ਦੀ ਜ਼ਿੰਦਗੀ 'ਚ ਵੱਡਾ ਮੋੜ ਆਇਆ 'ਤੇ ਸਰਦਾਰ ਸੋਹੀ ਪੰਜਾਬ ਦੇ ਉੱਗੇ ਰੰਗ ਮੰਚ ਦੇ ਖਿਡਾਰੀ ਹਰਪਾਲ ਸਿੰਘ ਟਿਵਾਣਾ ਨਾਲ ਜੁੜੇ। ਲੰਬਾ ਸਮਾਂ ਉਨ੍ਹਾਂ ਦੀ ਛੱਤਰ ਛਾਇਆ ਹੇਠ ਰੰਗ ਮੰਚ 'ਚ ਆਪਣੀ ਅਦਾਕਾਰੀ ਨੂੰ ਨਿਖਾਰਿਆ।
'ਲੌਂਗ ਦਾ ਲਿਸ਼ਕਾਰਾ' ਫਿਲਮ ਨਾਲ ਕੀਤੀ ਕਰੀਅਰ ਦੀ ਸ਼ੁਰੂਆਤ
ਰਾਜ ਬੱਬਰ ਵਰਗੇ ਵੱਡੇ ਕਲਾਕਾਰ ਵੀ ਹਰਪਾਲ ਟਿਵਾਣਾ ਦੇ ਸ਼ਗਿਰਦ ਸਨ, ਜਿੰਨ੍ਹਾਂ ਦੀ ਫਿਲਮ ਹਿੱਟ ਹੋਣ ਤੋਂ ਬਾਅਦ ਹਰਪਾਲ ਟਿਵਾਣਾ ਹੋਰਾਂ ਨੇ ਵੀ ਫਿਲਮ ਬਣਾਈ। 'ਲੌਂਗ ਦਾ ਲਿਸ਼ਕਾਰਾ' ਸੀ ਸਰਦਾਰ ਸੋਹੀ ਦੀ ਪਹਿਲੀ ਫਿਲਮ, ਜੋ 3 ਸਾਲਾਂ 'ਚ ਪੂਰੀ ਹੋਈ ਸੀ। ਸਰਦਾਰ ਸੋਹੀ ਦਾ ਇਸ ਤੋਂ ਫਿਲਮੀ ਸਫਰ ਸ਼ੁਰੂ ਹੋ ਗਿਆ ਅਤੇ ਕਈ ਵੱਡੀਆਂ ਫਿਲਮਾਂ 'ਚ ਉਨ੍ਹਾਂ ਨੇ ਕੰਮ ਕੀਤਾ।
ਕਈ ਫਿਲਮਾਂ 'ਚ ਛੱਡ ਚੁੱਕੇ ਹਨ ਛਾਪ
ਸਰਦਾਰ ਸੋਹੀ ਨੇ ਹੁਣ ਤੱਕ ਕਈ ਪੰਜਾਬੀ ਫਿਲਮਾਂ 'ਚ ਕੰਮ ਕੀਤਾ ਹੈ। ਦੱਸ ਦਈਏ ਕਿ ਸਰਦਾਰ ਸੋਹੀ 60 ਤੋਂ ਵੱਧ ਫਿਲਮਾਂ 'ਚ ਆਪਣੇ ਕਿਰਦਾਰ ਦੀ ਛਾਪ ਛੱਡ ਚੁੱਕੇ ਹਨ। ਅਦਾਕਾਰੀ ਹੀ ਨਹੀਂ ਸਗੋਂ ਸਰਦਾਰ ਸੋਹੀ ਦੀ ਨੂੰ ਲਿਖਣ ਦਾ ਸ਼ੌਕੀਨ ਹੈ। ਕਈ ਫਿਲਮਾਂ ਦੇ ਡਾਇਲਾਗ ਸਰਦਾਰ ਸੋਹੀ ਵੱਲੋਂ ਤਰਾਸ਼ੇ ਜਾ ਚੁੱਕੇ ਹਨ।
ਜਿੱਤ ਚੁੱਕੇ ਹਨ ਕਈ ਐਵਾਰਡਜ਼
ਸਰਦਾਰ ਸੋਹੀ ਕਈ ਐਵਾਰਡ ਵੀ ਜਿੱਤ ਚੁੱਕੇ ਹਨ। ਸਰਦਾਰ ਸੋਹੀ ਦਾ ਪੰਜਾਬੀ ਸਿਨੇਮਾ ਦਾ ਇਹ ਅਣਥੱਕ 'ਤੇ ਕਾਮਯਾਬੀ ਨਾਲ ਭਰਪੂਰ ਸਫਰ ਹਾਲੇ ਵੀ ਜਾਰੀ ਹੈ। ਸਰਦਾਰ ਸੋਹੀ ਗਿੱਪੀ ਗਰੇਵਾਲ ਦੀ ਆਉਣ ਵਾਲੀ ਫਿਲਮ 'ਮੰਜੇ ਬਿਸਤਰੇ 2' 'ਚ ਵੀ ਨਜ਼ਰ ਆਉਣਗੇ। ਦੱਸ ਦਈਏ ਕਿ ਇਹ ਫਿਲਮ 12 ਅਪ੍ਰੈਲ ਨੂੰ ਰਿਲੀਜ਼ ਹੋਣ ਵਾਲੀ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ