ਬਾਈਕ ਚਲਾਉਂਦੇ ਹੋਏ ਸੋਨਾਕਸ਼ੀ ਸਿਨਹਾ ਨੇ ਦਿਖਾਇਆ VIP ਕਲਚਰ, ਹੋਈ ਟਰੋਲ
2/1/2020 1:05:27 PM
ਮੁੰਬਈ(ਬਿਊਰੋ)- ਬਾਲੀਵੁੱਡ ਅਦਾਕਾਰਾ ਸੋਨਾਕਸ਼ੀ ਸਿਨਹਾ ਸੋਸ਼ਲ ਮੀਡੀਆ ’ਤੇ ਬਹੁਤ ਵਾਰ ਟਰੋਲਰਜ਼ ਦਾ ਸਾਹਮਣਾ ਕਰ ਚੁੱਕੀ ਹੈ। ਉਹ ਕਦੇ ਆਪਣੀ ਸੋਸ਼ਲ ਮੀਡੀਆ ਪੋਸਟ ਨੂੰ ਲੈ ਕੇ ਤਾਂ ਕਦੇ ਬਿਆਨਾਂ ਕਾਰਨ ਟਰੋਲਰਜ਼ ਦੇ ਨਿਸ਼ਾਨੇ ’ਤੇ ਆ ਜਾਂਦੀ ਹੈ। ਇਸ ਵਾਰ ਸੋਨਾਕਸ਼ੀ ਸਿਨਹਾ ਮੁੰਬਈ ਦੀਆਂ ਸੜਕਾਂ ’ਤੇ ਬੁਲੇਟ ਬਾਈਕ ਚਲਾਉਣ ਕਾਰਨ ਸੋਸ਼ਲ ਮੀਡੀਆ ’ਤੇ ਟਰੋਲ ਹੋ ਰਹੀ ਹੈ। ਬਾਈਕ ਚਲਾਉਂਦੇ ਹੋਏ ਸੋਨਾਕਸ਼ੀ ਸਿਨਹਾ ਦਾ ਵੀਡੀਓ ਸੋਸ਼ਲ ਮੀਡੀਆ ’ਤੇ ਕਾਫੀ ਵਾਇਰਲ ਵੀ ਹੋ ਰਿਹਾ ਹੈ।
ਦਰਅਸਲ ਸੋਨਾਕਸ਼ੀ ਸਿਨਹਾ ਬੁਲੇਟ ਬਾਈਕ ਨਾਲ ਅਦਾਕਾਰਾ ਕਰੀਨਾ ਕਪੂਰ ਦੇ ਰੇਡੀਓ ਸ਼ੋਅ ਵਹਾਟ ਵੁਮਨ ਵਾਂਟ ਦੇ ਸੈੱਟ ’ਤੇ ਪਹੁੰਚੀ। ਉਹ ਰੈੱਡ ਕਲਰ ਦੀ ਬੁਲੇਟ ਬਾਈਕ ਨਾਲ ਸੈੱਟ ’ਤੇ ਪਹੁੰਚੀ। ਬਾਈਕ ਚਲਾਉਂਦੇ ਹੋਏ ਸੋਨਾਕਸ਼ੀ ਸਿਨਹਾ ਦੇ ਵੀਡੀਓ ਨੂੰ viralbhayani ਨੇ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ’ਤੇ ਸਾਂਝਾ ਕੀਤਾ। ਸੋਨਾਕਸ਼ੀ ਸਿਨਹਾ ਦੇ ਇਸ ਵੀਡੀਓ ’ਤੇ ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਉਨ੍ਹਾਂ ਨੂੰ ਉਨ੍ਹਾਂ ਦੇ ਵੀਆਈਪੀ ਕਲਚਰ ਲਈ ਟਰੋਲ ਕੀਤਾ।
ਇਕ ਯੂਜ਼ਰ ਨੇ ਲਿਖਿਆ,‘‘ਇੰਡੀਆ ਵਿਚ ਸਿਤਾਰਿਆਂ ਨੂੰ ਬੇਵਜ੍ਹਾ ਦਾ ਇੰਨਾ ਮਹੱਤਵ ਦਿੰਦੇ ਹਾਂ।’’ ਇਸ ਦੇ ਨਾਲ ਹੀ ਇਕ ਹੋਰ ਨੇ ਲਿਖਿਆ,‘‘ ਕੀ ਇਹ ਮਜ਼ਾਕ ਹੈ? ਇਸ ਨਾਲ ਲੋਕ ਪ੍ਰੇਸ਼ਾਨ ਹੋ ਰਹੇ ਹਨ ਅਤੇ ਉਨ੍ਹਾਂ ਨੂੰ ਟਰੈਫਿਕ ਨਿਯਮ ਨਹੀਂ ਪਤਾ ਹੈ।’’ ਇਕ ਹੋਰ ਨੇ ਲਿਖਿਆ,‘‘ਇਸ ਪੂਰੀ ਨੌਟੰਕੀ ਨਾਲ ਵਿਅਸਤ ਰੋਡ।’’
ਇਸ ਤੋਂ ਇਲਾਵਾ ਹੋਰ ਵੀ ਕਈ ਸੋਸ਼ਲ ਮੀਡੀਆ ਯੂਜ਼ਰਸ ਨੇ ਸੋਨਾਕਸ਼ੀ ਨੂੰ ਇਸ ਤਰ੍ਹਾਂ ਬਾਈਕ ਚਲਾਉਣ ’ਤੇ ਟਰੋਲ ਕੀਤਾ ਹੈ।
ਸਾਂਝਾ ਕੀਤੇ ਗਏ ਵੀਡੀਓ ਵਿਚ ਸੋਨਾਕਸ਼ੀ ਸਿਨਹਾ ਬਾਈਕ ਚਲਾ ਰਹੀ ਹੈ, ਜਦੋਂਕਿ ਉਨ੍ਹਾਂ ਦੇ ਬਾਡੀਗਾਰਡ ਅਤੇ ਤਮਾਮ ਮੀਡੀਆ ਕਰਮੀ ਸੋਨਾਕਸ਼ੀ ਦੇ ਪਿੱਛੇ - ਪਿੱਛੇ ਚੱਲ ਰਹੇ ਹਨ।
ਜਿਸ ਦੇ ਕਾਰਨ ਰੋਡ ਵਿਚ ਚੱਲ ਰਹੇ ਲੋਕਾਂ ਨੂੰ ਜ਼ਾਮ ਅਤੇ ਕਈ ਹੋਰ ਪ੍ਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਵੀਡੀਓ ਵਿਚ ਸੋਨਾਕਸ਼ੀ ਦੇ ਬਾਡੀਗਾਰਡ ਹੱਥਾਂ ਨਾਲ ਉਨ੍ਹਾਂ ਦੇ ਨੇੜੇ ਆਉਣ ਵਾਲੇ ਵਾਹਨ ਚਾਲਕਾਂ ਨੂੰ ਦੂਰ ਰਹਿਣ ਦਾ ਹੁਕਮ ਦਿੰਦਾ ਦਿਖਾਈ ਦੇ ਰਿਹਾ ਹੈ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ