ਅਮਿਤਾਭ ਬੱਚਨ ਨੂੰ ਇਸ ਸ਼ਖਸ ਨੇ ਦਿੱਤਾ ਸੀ ਫਿਲਮਾਂ ’ਚ ਪਹਿਲਾ ਬਰੇਕ

ਮੁੰਬਈ(ਬਿਊਰੋ)- ਬਾਲੀਵੁੱਡ ਦੇ ਮਸ਼ਹੂਰ ਐਕਟਰ ਸੁਨੀਲ ਦੱਤ ਬਾਰੇ ਤਾਂ ਤੁਹਾਨੂੰ ਸਾਰਿਆਂ ਨੂੰ ਪਤਾ ਹੀ ਹੋਵੇਗਾ। ਉਨ੍ਹਾਂ ਨੇ ‘ਜਾਨੀ ਦੁਸ਼ਮਣ’, ‘ਮਦਰ ਇੰਡੀਆ’, ‘ਪੜੋਸਨ’ ਤੇ ਕਈ ਹਿੱਟ ਫਿਲਮਾਂ ਬਾਲੀਵੁੱਡ ਜਗਤ ਨੂੰ ਦਿੱਤੀਆਂ ਹਨ। ਸੁਨੀਲ ਦੱਤ ਨੇ ਹੀ ਇਸ ਸਦੀ ਦੇ ਮਹਾਨਾਇਕ ਯਾਨੀ ਅਮਿਤਾਭ ਬੱਚਨ ਨੂੰ ਫਿਲਮਾਂ ਵਿਚ ਪਹਿਲਾ ਬਰੇਕ ਦਿਵਾਇਆ ਸੀ । ਉਸ ਸਮੇਂ ਦੀ ਪ੍ਰਧਾਨ ਮੰਤਰੀ ਇੰਦਰਾ ਗਾਂਧੀ ਨੇ ਨਰਗਿਸ ਨੂੰ ਫੋਨ ਕਰਕੇ ਕਿਹਾ ਸੀ ਕਿ ਉਹ ਚਾਹੁੰਦੀ ਹੈ ਕਿ ਸੁਨੀਲ ਦੱਤ ਉਨ੍ਹਾਂ ਦੀ ਦੋਸਤ ਤੇਜੀ ਬੱਜਨ ਦੇ ਬੇਟੇ ਦਾ ਆਡੀਸ਼ਨ ਲੈ ਲਵੇ। ਨਰਗਿਸ ਤੁਰੰਤ ਅਮਿਤਾਭ ਬੱਚਨ ਦੀ ਤਸਵੀਰ ਲੈ ਕੇ ਬੀ.ਆਰ. ਚੋਪੜਾ ਕੋਲ ਪਹੁੰਚੀ।

ਬੀ. ਆਰ. ਚੋਪੜਾ ਨੂੰ ਜਦੋਂ ਇਹ ਪਤਾ ਲੱਗਾ ਕਿ ਨਵੇਂ ਲੜਕੇ ਦਾ ਨਾਂਅ ਇੰਦਰਾ ਗਾਂਧੀ ਨੇ ਸੁਝਾਇਆ ਹੈ ਤਾਂ ਉਨ੍ਹਾਂ ਨੇ ਤੁਰੰਤ ਨਿਰਦੇਸ਼ਕ ਮੋਹਨ ਸਹਿਗਲ ਨੂੰ ਨਵੇਂ ਲੜਕੇ ਦਾ ਆਡੀਸ਼ਨ ਲੈਣ ਲਈ ਕਿਹਾ। ਇਸ ਆਡੀਸ਼ਨ ਤੋਂ ਬਾਅਦ ਅਮਿਤਾਭ ਨੇ ਕਈ ਆਡੀਸ਼ਨ ਦਿੱਤੇ ਪਰ ਸੁਨੀਲ ਦੱਤ ਨੇ ਹੀ ਉਨ੍ਹਾਂ ਨੂੰ ਪਹਿਲਾ ਰੋਲ ਦਿੱਤਾ ਸੀ। ਅਮਿਤਾਭ ਬੱਚਨ ਦੀ ਪਹਿਲੀ ਫਿਲਮ ਸੀ ‘ਰੇਸ਼ਮਾ ਔਰ ਸ਼ੇਰਾ’ ਜਿਸ ਨੂੰ ਸੁਨੀਲ ਦੱਤ ਹੀ ਪ੍ਰੋਡਿਊਸ ਕਰ ਰਹੇ ਸਨ।

ਹਰ ਪਾਸੇ ਤੋਂ ਨਾਂ ਦਾ ਸਾਹਮਣਾ ਕਰ ਚੁੱਕੇ ਅਮਿਤਾਭ ਹਾਰ ਗਏ ਤਾਂ ਸੁਨੀਲ ਦੱਤ ਨੇ ਅਮਿਤਾਭ ਨਾਲ ਵਾਅਦਾ ਕੀਤਾ ਸੀ ਕਿ ਜਦੋਂ ਵੀ ਉਸ ਦੇ ਲਾਇਕ ਰੋਲ ਹੋਵੇਗਾ ਉਹ ਉਸ ਨੂੰ ਫੋਨ ਕਰਨਗੇ, ਤੇ ਉਨ੍ਹਾਂ ਨੇ ਇਹ ਵਾਅਦਾ ਨਿਭਾਇਆ ਵੀ। ‘ਸਾਤ ਹਿੰਦੋਸਤਾਨੀ’ ਨੂੰ ਅਮਿਤਾਬ ਦੀ ਪਹਿਲੀ ਫਿਲਮ ਇਸ ਲਈ ਵੀ ਮੰਨਿਆ ਜਾਂਦਾ ਹੈ ਕਿਉਂਕਿ ਇਹ ਫਿਲਮ ਰੇਸ਼ਮਾ ਔਰ ਸ਼ੇਰਾ ਤੋਂ ਪਹਿਲਾਂ ਰਿਲੀਜ਼ ਹੋ ਗਈ ਸੀ।