ਮੋਦੀ ਤੋਂ ਬਾਅਦ ਬਾਲਾਕੋਟ ਹਮਲੇ ''ਤੇ ਫਿਲਮ ਕਰਨਗੇ ਵਿਵੇਕ

ਮੁੰਬਈ(ਬਿਊਰੋ)— ਐਕਟਰ ਵਿਵੇਕ ਓਬਰਾਏ, ਜਿਨ੍ਹਾਂ ਨੇ ਆਪਣੀ ਆਖਰੀ ਫਿਲਮ 'ਚ ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦਾ ਕਿਰਦਾਰ ਨਿਭਾਇਆ ਸੀ। ਵਿਵੇਕ ਹੁਣ ਆਪਣੀ ਅਗਲੀ ਫਿਲਮ ਲਈ ਤਿਆਰ ਹਨ। ਜੀ ਹਾਂ, ਵਿਵੇਕ ਓਬਰਾਏ ਜਲਦ ਹੀ ਭਾਰਤੀ ਹਵਾਈ ਸੈਨਾ ਦੀ ਬਹਾਦਰੀ ਨੂੰ ਸਲਾਮ ਕਰਨ ਲਈ ਬਾਲਾਕੋਟ ਹਵਾਈ ਹਮਲੇ 'ਤੇ ਫਿਲਮ ਦਾ ਨਿਰਮਾਣ ਕਰਨਗੇ।

Honoured and humbled 🙏 Jai Hind 🇮🇳#BalakotAirStrike #AbhinandanVarthaman#ProudofIAF @IAF_MCC pic.twitter.com/wsXPoqjbfN

— Vivek Anand Oberoi (@vivekoberoi) August 23, 2019

 'ਬਾਲਾਕੋਟ' ਟਾਈਟਲ ਨਾਲ ਇਹ ਫਿਲਮ 14 ਫਰਵਰੀ ਨੂੰ ਕਸ਼ਮੀਰ ਦੇ ਪੁਲਵਾਮਾ ਜ਼ਿਲੇ 'ਚ ਹੋਏ ਅੱਤਵਾਦੀ ਹਮਲੇ ਤੋਂ ਬਾਅਦ ਆਈ. ਏ. ਐੱਫ. ਵਿੰਗ ਕਮਾਂਡਰ ਅਭਿਨੰਦਨ ਵਰਧਮਾਨ ਦੇ ਹਵਾਈ ਹਮਲੇ 'ਤੇ ਵੀ ਆਧਾਰਿਤ ਹੋਵੇਗੀ।

ਇਸ ਬਾਰੇ ਵਿਵੇਕ ਨੇ ਕਿਹਾ,''ਇਕ ਭਾਰਤੀ, ਇਕ ਦੇਸ਼ ਭਗਤ ਤੇ ਫਿਲਮੀ ਦੁਨੀਆ ਦੇ ਮੈਂਬਰ ਦੇ ਰੂਪ 'ਚ ਇਹ ਸਾਡਾ ਫਰਜ਼ ਹੈ ਕਿ ਅਸੀਂ ਆਪਣੇ ਜਵਾਨਾਂ ਦੀ ਬਹਾਦਰੀ ਨੂੰ ਸਭ ਦੇ ਸਾਹਮਣੇ ਲੈ ਕੇ ਆਈਏ।'' ਦੱਸ ਦੇਈਏ ਕਿ ਵਿਵੇਕ ਓਬਰਾਏ ਦੀ ਇਹ ਫਿਲਮ ਤਿੰਨ ਭਾਸ਼ਾਵਾਂ 'ਚ ਰਿਲੀਜ਼ ਕੀਤੀ ਜਾਵੇਗੀ। ਇਹ ਫਿਲਮ ਸਾਲ 2020 'ਚ ਰਿਲੀਜ਼ ਹੋਣ ਦੀ ਉਮੀਦ ਹੈ।