'ਏਅਰ ਸਟ੍ਰਾਈਕ 2' ਤੋਂ ਡਰੇ ਪਾਕਿ ਦੇ ਫਿਲਮੀ ਸਿਤਾਰੇ, ਕੀਤੇ ਇਹ ਟਵੀਟ

ਨਵੀਂ ਦਿੱਲੀ (ਬਿਊਰੋ) — ਭਾਰਤੀ ਏਅਰ ਫੋਰਸ ਨੇ 26 ਜਨਵਰੀ ਨੂੰ ਤੜਕੇ 3.30 'ਤੇ ਪਾਕਿਸਤਾਨ ਦੇ ਬਾਲਾਕੋਟ 'ਚ ਅੱਤਵਾਦੀ ਸੰਗਠਨ ਜੈਸ਼-ਏ-ਮਹੁਮੰਦ ਦੇ ਠਿਕਾਣਿਆਂ ਨੂੰ ਤਬਾਹ ਕਰ ਦਿੱਤਾ। ਅੱਤਵਾਦੀਆਂ ਦੇ ਕਈ ਠਿਕਾਣਿਆਂ ਨੂੰ ਤਬਾਹ ਕਰਕੇ ਭਾਰਤੀ ਹਵਾਈ ਸੈਨਾ ਨੇ ਪੁਲਵਾਮਾ ਅੱਤਵਾਦੀ ਹਮਲੇ 'ਚ ਸ਼ਹੀਦ ਹੋਏ ਜਵਾਨਾਂ ਦਾ ਬਦਲਾ ਲੈ ਲਿਆ ਹੈ। ਭਾਰਤ ਦੀ ਇਸ ਕਾਰਵਾਈ ਤੋਂ ਬਾਅਦ ਪੂਰੇ ਦੇਸ਼ 'ਚ ਜਸ਼ਨ ਦਾ ਮਾਹੌਲ ਬਣਿਆ ਹੋਇਆ ਹੈ, ਉਥੇ ਹੀ ਪਾਕਿਸਤਾਨ 'ਚ ਹੜਕੰਪ ਮਚਿਆ ਹੋਇਆ ਹੈ। ਦੋਵਾਂ ਦੇਸਾਂ ਦੀ ਸੀਮਾ 'ਤੇ ਤਨਾਅ ਬਣਿਆ ਹੋਇਆ ਹੈ। ਸੋਸ਼ਲ ਮੀਡੀਆ 'ਤੇ ਇਸ ਨੂੰ ਯੁੱਧ ਦਾ ਆਗਾਜ ਮੰਨਿਆ ਜਾ ਰਿਹਾ ਹੈ। ਅਜਿਹੇ ਮਾਹੌਲ 'ਚ ਸੈਨਾ ਦੀ ਬਹਾਦਰੀ ਨੂੰ ਪੂਰੇ ਬਾਲੀਵੁੱਡ ਨੇ ਸਲਾਮ ਕੀਤਾ ਹੈ। ਉਥੇ ਹੀ ਕਈ ਪਾਕਿਸਤਾਨੀ ਐਕਟਰੈੱਸ ਨੇ ਵੀ ਸੋਸ਼ਲ ਮੀਡੀਆ 'ਤੇ ਹਮਲੇ ਤੋਂ ਬਾਅਦ ਰਿਐਕਸ਼ਨ ਦਿੱਤਾ ਹੈ।
 

Nothing uglier. Nothing more ignorant than cheering for war. May sense prevail.. Pakistan zindabad. https://t.co/sH0VGGAERC

— Mahira Khan (@TheMahiraKhan) February 26, 2019

ਸ਼ਾਹਰੁਖ ਖਾਨ ਨਾਲ ਫਿਲਮ 'ਰਈਸ' 'ਚ ਨਜ਼ਰ ਆ ਚੁੱਕੀ ਅਦਾਕਾਰਾ ਮਾਹਿਰਾ ਖਾਨ ਨੇ ਟਵੀਟ ਕਰਦੇ ਹੋਏ ਲਿਖਿਆ, ''ਇਸ ਤੋਂ ਬੁਰਾ ਕੁਝ ਨਹੀਂ, ਯੁੱਧ ਕਰਨਾ ਸਭ ਤੋਂ ਵੱਡੀ ਮੂਰਖਤਾ ਹੈ। ਸਮਝਦਾਰ ਬਣੋ, ਪਾਕਿਸਤਾਨ ਜ਼ਿੰਦਾਬਾਦ।'' ਮਾਹਿਰਾ ਖਾਨ ਨੇ ਇਹ ਟਵੀਟ ਪਾਕਿਸਤਾਨ ਦੀ ਲੇਖਿਕਾ ਤੇ ਸਾਬਕਾ ਪਾਕਿ ਪ੍ਰਧਾਨ ਮੰਤਰੀ ਜੁਲਫਿਕਾਰ ਅਲੀ ਭੂਟੋ ਦੀ ਪੋਤੀ ਫਾਤਿਮਾ ਭੂਟੋ ਦੇ ਟਵੀਟ 'ਤੇ ਕੁਮੈਂਟ ਕਰਦੇ ਹੋਏ ਕੀਤਾ। ਫਾਤਿਮਾ ਨੇ ਟਵੀਟ 'ਚ ਲਿਖਿਆ ਸੀ, ''ਇਸ ਤੋਂ ਬੁਰਾ ਕੁਝ ਨਹੀਂ ਹੋ ਸਕਦਾ ਹੈ ਕਿ ਲੋਕ ਯੁੱਧ ਨੂੰ ਚੀਅਰ ਕਰ ਰਹੇ ਹਨ।''
 

“There can be NO winners in war if we value Human Life at all.“
Christopher Holliday.
It’s time we understand this as humans.The media needs to take charge & stop being provocative. It’s our duty to inculcate peace & use our words for better & not worse.
Praying for peace always!

— MAWRA HOCANE (@MawraHocane) February 26, 2019

ਮਾਹਿਰਾ ਖਾਨ ਤੋਂ ਇਲਾਵਾ ਫਿਲਮ 'ਸਨਮ ਤੇਰੀ ਕਸਮ' 'ਚ ਨਜ਼ਰ ਆਈ ਅਦਾਕਾਰਾ ਮਾਵਰਾ ਹੋਕੇਨ ਨੇ ਕਿਹਾ, ''ਯੁੱਧ 'ਚ ਕੋਈ ਜੇਤੂ ਨਹੀਂ ਹੁੰਦਾ, ਇਹ ਸਮਾਂ ਹੈ ਇਨਸਾਨੀਅਤ ਸਮਝਣ ਦਾ। ਮੀਡੀਆ ਨੂੰ ਇਹ ਜਿੰਮੇਦਾਰੀ ਚੁੱਕਣੀ ਚਾਹੀਦੀ ਕਿ ਗੱਲ ਨੂੰ ਸਹੀਂ ਤਰੀਕੇ ਨਾਲ ਪੇਸ਼ ਕੀਤਾ ਜਾਵੇ। ਇਹ ਸਾਡੀ ਜ਼ਿੰਮੇਦਾਰੀ ਹੈ ਕਿ ਸਾਨੂੰ ਸ਼ਾਂਤੀ ਬਣੀ ਰੱਖਣੀ ਚਾਹੀਦੀ ਹੈ ਅਤੇ ਮੈਂ ਹਮੇਸ਼ਾ ਸ਼ਾਂਤੀ ਦੀ ਪ੍ਰਾਥਨਾ ਕਰਦੀ ਹਾਂ।''
 

War Does Not DEtermine who is right ..Only who is left
Say no to war🙏🇵🇰

— Fahad Mustafa (@fahadmustafa26) February 26, 2019

ਦੱਸਣਯੋਗ ਹੈ ਕਿ ਪੁਲਵਾਮਾ 'ਤੇ ਹੋਏ ਅੱਤਵਾਦੀ ਹਮਲੇ ਤੋਂ ਬਾਅਦ ਪਾਕਿਸਤਾਨੀ ਕਲਾਕਾਰਾਂ 'ਤੇ ਪੂਰੀ ਤਰ੍ਹਾਂ ਬੈਨ ਲਾ ਦਿੱਤਾ ਗਿਆ ਹੈ। ਸਲਮਾਨ ਖਾਨ ਦੇ ਪ੍ਰੋਡਕਸ਼ਨ 'ਚ ਬਣੀ ਫਿਲਮ 'ਨੋਟਬੁੱਕ' ਦੀ ਗੱਲ ਕਰੀਏ ਤਾਂ ਫਿਲਮ 'ਚੋਂ ਆਤਿਫ ਅਸਲਮ ਦੁਆਰਾ ਗਾਏ ਇਕ ਗੀਤ ਨੂੰ ਵੀ ਹਟਾ ਦਿੱਤਾ ਗਿਆ ਸੀ ਅਤੇ ਨਾਲ ਹੀ ਫਿਲਮ ਨੂੰ ਪਾਕਿ 'ਚ ਰਿਲੀਜ਼ ਕਰਨ ਤੋਂ ਵੀ ਰੋਕ ਦਿੱਤਾ ਗਿਆ ਸੀ।